Euskal Herriko Agintaritzaren Aldizkaria

105. zk., 2018ko ekainaren 1a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO LEHEN AUZIALDIKO 3 ZENBAKIKO ZUZENEKO LAGUNTZA EMATEKO UNITATE PROZESALA

2897

EDIKTUA, 815/2017 prozedura arruntaren ondoriozkoa.

Zuzeneko Laguntza Zibila emateko Unitate Prozesala – Vitoria-Gasteizko Lehen Auzialdiko 3 zenbakiko Epaitegia.

Judizioa: 815/2017 prozedura arrunta.

Demandatzailea: Maria Carmen Ibañez Albarchiquito.

Abokatua: Maria Teresa Diaz De Apodaca Diaz.

Prokuradorea: Maria Pilar Elorza Barrera.

Demandatua: Felisa Frances Gonzalezen jaraunsleak.

Gaia: judizio arrunta.

Judizio horretan, epaia eman da 2018-04-09an. Hona hemen epaitza:

EPAITZA

Erabaki da osorik baiestea Pilar Elorza Barrera prokuradoreak, María Carmen Ibáñez Albarchiquitoren izenean eta ordezkaritzan jarritako demanda, Felisa Francés Gonzálezen jaraunsleen aurkakoa.

1) Maria Carmen Ibáñez Albarchiquito andrea Gasteizko 5 zenbakiko Jabetza Erregistroan 32.337 zenbakiz inskribatua dagoen finkaren jabari-titularra dela: Gasteizko Juan II kaleko 6. zenbakia duen etxearen atzealdeko lursaila, 78 m² eta 9 dm² dituena; honako hauek dira haren mugak: iparraldean, Mauricio Díaz de Garayo; hegoaldean, Juan Gómez Segura; ekialdean Pinedo jauna, eta, mendebaldean, jabe bat baino gehiago duen etxea.

2) Eta, aurreko jabari-deklarazioaren arabera, erabaki da Vitoria-Gasteizko Jabetza Erregistroari agindua ematea Gasteizko aipatu 32.337 zenbakidun finka María del Carmen Ibáñez Albarchiquito jabari-titularraren izenean inskribatzeko.

3) Prozesuan sortutako kostuak ordaintzera kondenatzen dut alderdi demandatua.

Jakinaraz bekie ebazpen hau alderdiei.

Aurkaratzeko modua: apelazio-errekurtsoa aurkeztuta, Arabako Probintzia Auzitegian (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da: 0011000004081517. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. XG).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Felisa Frances Gonzalezen jaraunsleen egungo helbideak ezezagunak direnez, aipatutako ebazpena Euskal Herriko Agintaritzaren Aldizkarian argitaratutako ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluaren arabera (PZLb).

Ebazpen horren aurka, auzi-ihesean den demandatuak apelazio-errekurtsoa aurkez dezake.

Interesdunak eskuragarri du jakinarazten den ebazpenaren testu osoa auzitegi honetako bulego judizialean.

Vitoria-Gasteiz, 2018ko apirilaren 11.

JUSTIZIA ADMINISTRAZIOAREN LETRADUA.

Azterketa dokumentala