Euskal Herriko Agintaritzaren Aldizkaria

85. zk., 2018ko maiatzaren 4a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

GOBERNANTZA PUBLIKO ETA AUTOGOBERNU SAILA

2403

AGINDUA, 2018ko apirilaren 13koa, Gobernantza Publiko eta Autogobernuko sailburuarena; horren bidez, «Fundación Privada para el Centro Superior de Música del País Vasco» fundazioaren estatutuen 3. artikuluaren (egoitza) aldaketa Euskal Autonomia Erkidegoko Fundazioen Erregistroan inskribatu da.

Ikusi eta aztertu da Euskal Autonomia Erkidegoko Fundazioen Erregistroan inskribatzeko egindako eskabidearen espedientea.

AURREKARIAK

Lehenengoa.– 2017ko uztailaren 13an jaso zen Gobernantza Publiko eta Autogobernu Sailean «Fundación Privada para el Centro Superior de Música del País Vasco» fundazioaren estatutuen 3. artikuluaren (egoitza) aldaketa Euskal Autonomia Erkidegoko Fundazioen Erregistroan inskribatzeko eskabidea. Izan ere, aldaketa hori 2016ko azaroaren 17an adostu zuen Fundazioaren Patronatuak. Espedientean jasotako dokumentuak erantsi zitzaizkion eskabideari.

Bigarrena.– Aldatu den artikulua fundazioaren egoitza-aldaketari buruzkoa da. Donostiako Miramar jauregian zuen fundazioak behin-behineko egoitza, eta orain Donostiako Europa plazara, 2. zenbakira, lekualdatu da (p.k.: 20018).

OINARRI JURIDIKOAK

Lehenengoa.– Gobernantza Publiko eta Autogobernuko sailburuari dagokio fundazioaren estatutuak aldatzeko espedientea agindu bidez ebaztea. Hala ezarrita dago: ekainaren 19ko 101/2007 Dekretuaren 3.1 artikuluan (Euskal Autonomia Erkidegoko Fundazioen Erregistroaren Erregelamendua onartzen duena); ekainaren 19ko 100/2007 Dekretuaren 4.1.a) artikuluan (Euskal Autonomia Erkidegoko Fundazioen Babeslaritzaren Erregelamendua onartzen duena); Lehendakariaren azaroaren 26ko 24/2016 Dekretuaren 6.1.m) artikuluan (Euskal Autonomia Erkidegoko Administrazioaren sailak sortu, ezabatu eta aldatzen eta horien egitekoak eta jardun-arloak finkatzen dituen dekretua); eta apirilaren 11ko 71/2017 Dekretuaren 3.1 artikuluan (Gobernantza Publiko eta Autogobernu Sailaren egitura organikoa eta funtzionala ezartzekoa).

Bigarrena.– Funtsezko iritzitako datu eta agiriak erantsi zaizkio espediente honi, eta, bereziki, honako hauetan eskatutakoak: ekainaren 2ko 9/2016 Legearen 37. eta 51.2. artikuluetan (Euskal Autonomia Erkidegoko Fundazioei buruzkoa), ekainaren 19ko 100/2007 Dekretuko 33.1. artikuluan (Euskal Autonomia Erkidegoko Fundazioen Babeslaritzaren Erregelamendua onartzen duena), ekainaren 19ko 101/2007 Dekretuaren 44. artikuluan (Euskal Autonomia Erkidegoko Fundazioen Erregistroaren Erregelamendua onartzen duena). Horrenbestez, aplikagarriak diren lege eta erregelamenduetan xedatutakoarekin bat dator estatutuen aldaketa.

Kontuan hartu dira aipatutako manuak eta aplikatzekoak diren gainerako arauak. Hortaz, honako hau

EBAZTEN DUT:

Lehenengoa.– Euskal Autonomia Erkidegoko Fundazioen Erregistroan inskribatzea Donostiako (Gipuzkoa) «Fundación Privada para el Centro Superior de Música del País Vasco» fundazioaren estatutuen 3. artikuluaren (egoitza) aldaketa, Fundazioaren Patronatuak 2016ko azaroaren 17an adostutakoaren arabera. Inskripzioa agindu hau ematen den egunean egingo da, 2017ko ekainaren 21ean Guadalupe Maria Inmaculada Adanez notarioaren aurrean (protokolo zk.: 1005) egin zen eskritura publikoan ezarritakoa betez.

Bigarrena.– Agindu hau Euskal Herriko Agintaritzaren Aldizkarian argitaratzea eta interesdunei bidaltzea.

Agindu honek amaiera ematen dio administrazio-bideari, eta, beraren aurka, aukerako berraztertze-errekurtsoa aurkez dakioke Gobernantza Publiko eta Autogobernuko sailburuari, hilabeteko epean, agindua jakinarazi eta hurrengo egunetik hasita; bestela, administrazioarekiko auzi-errekurtsoa aurkez daiteke Euskal Autonomia Erkidegoko Auzitegi Nagusiko Administrazioarekiko Auzien Salan, bi hilabeteko epean, agindua jakinarazi eta hurrengo egunetik hasita.

Vitoria-Gasteiz, 2018ko apirilaren 13a.

Gobernantza Publiko eta Autogobernuko sailburua,

JOSU IÑAKI ERKOREKA GERVASIO.

Azterketa dokumentala