Euskal Herriko Agintaritzaren Aldizkaria

65. zk., 2018ko apirilaren 5a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Beste iragarki ofizial batzuk

KULTURA ETA HIZKUNTZA POLITIKA SAILA

1784

IRAGARKIA, administrazioarekiko 215/2018 auzi-errekurtso arruntean hirugarren interesdunak epatzeko dena.

Euskal Autonomia Erkidegoko Justizia Auzitegi Nagusiko Administrazioarekiko Auzien Salan, administrazioarekiko auzi-errekurtsoa aurkeztu da, 215/2018 prozedura arruntean bideratzen ari dena; auzi-errekurtso hori Kultura eta Hizkuntza Politikako Sailaren 2018ko urtarrilaren 12ko Aginduaren aurka aurkeztu da. Agindu horrek ezesten du eskaeraren ezszpenaren aurka jarritako gora jotzeko errekurtsoa. Eskaera horretan, errekurtsogileak eskatu du lehiaketa deialdia ateratzea, Munguia Canal 50-TL05a demarkazioan ikus-entzunezko telebistako lizentziak izateko, hau da, eman gabe daudenak betetzeko.

Administrazioarekiko Auzien Jurisdikzioa arautzen duen uztailaren 13ko 29/1998 Legearen 49. artikuluan ezarritakoa betez, epatu egiten dira interesa izan dezaketen hirugarrenak, eta jakinarazi egiten zaie prozedura judizialean agertu eta pertsonatu daitezkeela, bederatzi eguneko epean, iragarki hau Estatuko Aldizkari Ofizialean argitaratu eta biharamunetik aurrera.

Aipatutako administrazioarekiko auzi-errekurtsoaren interesdun posibleak ezezagunak direnez, iragarki hau argitaratzen da Administrazio Publikoen Administrazio Prozedura Erkidearen urriaren 1eko 39/2015 Legearen 44. artikuluan ezarritako betez.

Jakinarazpen honek ondorioak izango ditu Estatuko Aldizkari Ofizialean argitaratu eta hurrengo egunetik aurrera.

Vitoria-Gasteiz, 2018ko martxoaren 26a.

Zerbitzu zuzendaria,

CARMELO ARCELUS MÚGICA.

Azterketa dokumentala