Euskal Herriko Agintaritzaren Aldizkaria

62. zk., 2018ko martxoaren 28a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Beste iragarki ofizial batzuk

SEGURTASUN SAILA

1708

IRAGARKIA, zeinaren bidez epatzen baitira Donostia-San Sebastiángo Administrazioarekiko Auzien 1 zenbakiko Epaitegian izapidetzen ari den 671/2017-J administrazioarekiko auzi-errekurtsoan (prozedura laburtua) interesa duten pertsonak.

Espediente-zenbakia: PCA-1225/2017-IX.

Administrazioarekiko auzi-errekurtsoa Eusko Jaurlaritzako Segurtasun Saileko Administrazio eta Zerbitzuen sailburuordearen Ebazpen baten kontra jarri zen. Ebazpen haren bidez, Segurtasun Saileko Giza Eskubideen zuzendariak emandako 2017ko otsailaren 7ko Ebazpenaren aurka jarritako gora jotzeko errekurtsoa ezetsi zen (azken ebazpen haren bidez, Ertzaintzaren XXIV. promozioko karrerako zenbait funtzionario behin-behinean atxikitzen dira).

Administrazioarekiko Auzien Jurisdikzioa arautzen duen uztailaren 13ko 29/1998 Legearen 49.1 artikuluan xedatutakoari jarraikiz, prozeduran interesa duten pertsonak epatzen dira ager daitezen, hala nahi badute, beren interesak defendatzeko, bederatzi eguneko epean, iragarki hau Estatuko Aldizkari Ofizialean argitaratu eta biharamunetik aurrera.

Jakinarazpen honek Estatuko Aldizkari Ofizialean argitaratu eta biharamunetik aurrera izango ditu ondorioak.

Vitoria-Gasteiz, 2018ko martxoaren 21a.

Araubide Juridikoaren, Zerbitzuen eta Hauteskunde Prozesuen zuzendaria,

EUGENIO ARTETXE PALOMAR.

Azterketa dokumentala