Euskal Herriko Agintaritzaren Aldizkaria

62. zk., 2018ko martxoaren 28a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Beste iragarki ofizial batzuk

EKONOMIAREN GARAPEN ETA AZPIEGITURA SAILA

1704

IRAGARKIA, Ekonomiaren Garapen eta Azpiegitura Sailaren Bizkaiko lurralde-ordezkariarena, zeinaren bidez informazioa jendaurrean jartzeko izapidea egiten baitzaio eragin-eremu berri bat ustiatzeko eta leheneratzeko proiektuari eta baita ingurumen-inpaktuaren azterlanari ere, «Ventalaperra» izeneko ustiapen-emakidan (12817 zk.), C) sekzioaren baliabideetarako, Karrantza Harana/Valle de Carranzako udal-mugartean; proiektu hori Cantera Carranza - Karrantza Harrobi SLk sustatu du.

Ingurumen Ebaluazioari buruzko abenduaren 9ko 21/2013 Legearen 36. artikuluan, Euskal Autonomia Erkidegoko Ingurumena babesteari buruzko otsailaren 27ko 3/1998 Legearen IB eranskineko 6.1 apartatuan eta Erauzketa-industrien hondakinak kudeatzeari eta meategietako jarduerak eragindako tokiak babestu eta lehengoratzeari buruzko ekainaren 12ko 975/2009 Errege Dekretuaren 6. artikuluan xedatutakoarekin bat, jendaurrean jartzen da ustiapen-proiektua, ingurumen-inpaktuaren azterlana eta espedientearen leheneratze-plana. Hona hemen xehetasunak:

a) Cantera Carranza - Karrantza Harrobi SLk baimena eskatu du eragin-eremu berri bat ustiatzeko eta leheneratzeko proiektu berri bat egikaritzeko «Ventalaperra» izeneko ustiapen-emakidan (12817 zk.), C) sekzioaren baliabideetarako, Karrantza Harana/Valle de Carranzako udal-mugartean (Bizkaia).

b) Ingurumen-inpaktuaren ebaluazioa egin behar zaio proiektu horri, Ingurumen Ebaluazioari buruzko abenduaren 9ko 21/2013 Legearen eta Euskal Autonomia Erkidegoko Ingurumena babesteari buruzko otsailaren 27ko 3/1998 Legearen aipatu artikuluen arabera, eta uste da hori egikaritzeak ez duela ingurumen-eragin nabarmenik izango Europar Batasuneko estatuetan.

c) Honako eraginpeko Administrazio publiko eta interesdun hauei egin zaizkie ingurumen-inpaktuaren ebaluazioaren prozeduraren aurreko kontsultak, eta informazioa jendaurrean jartzeko izapideari dagozkionak ere egingo dira:

– Eusko Jaurlaritzako Natura Ondare eta Klima Aldaketa Zuzendaritza; Eusko Jaurlaritzaren Kultura Ondarearen Zuzendaritza; Eusko Jaurlaritzako Osasun Publikoaren eta Adikzioen Bizkaiko Zuzendariordetza; Bizkaiko Foru Aldundiko Ingurumeneko Zuzendaritza Nagusia; Armañongo Parke Naturalaren zuzendari-zaintzailea; Bizkaiko Foru Aldundiko Kultura Zuzendaritza Nagusia; Uraren Euskal Agentzia; Karrantza Harana/Valle de Carranzako Udala; Bizkaiko Ekologistak Martxan; Kantabriako Ingurune Naturaleko Zuzendaritza Nagusia.

d) Lurralde Plangintza eta Etxebizitza Saileko Ingurumen Administrazioaren Zuzendaritzak du ingurumen-inpaktuaren ebaluazioaren prozedura ebazteko eskumena.

e) Ingurumen-inpaktuaren adierazpena izaera loteslea duen izapidetze-egintza bat da, eta haren edukia funtsezko prozeduran sartu beharko da. Kasu honetan, hauxe da: baimena ematea eragin-eremu berri bat ustiatzeko eta leheneratzeko proiektuari, «Ventalaperra» izeneko ustiapen-emakidan (12.817 zk.), Karrantzan.

f) Energiaren, Meategien eta Industria Administrazioaren zuzendariaren 2015eko azaroaren 13ko Ebazpenaren arabera, Ekonomiaren Garapen eta Lehiakortasun Sailaren lurralde-ordezkaritzei dagokie meategien arloko zenbait gairi buruzko eskumenaz baliatzea. Bada, ebazpen horrekin bat, Ekonomiaren Garapen eta Lehiakortasun Sailaren lurralde-ordezkaria da ustiatzeko eta leheneratzeko proiektu berrietarako baimena ebazteko eskumena duen organoa, eta, ondorioz, baita «Ventalaperra» izeneko ustiapen-emakidan eragin-eremu berri baterako baimena ebazteko ere; eta, behin betiko egintza izanik ere, aurkeztu beharreko errekurtsoak aurkeztu ahal izango dira haren aurka.

g) Jendaurrean jartzen den dokumentazioa interesdunen eskura egongo da 30 egun balioduneko epean, iragarki hau Euskal Herriko Agintaritzaren Aldizkarian argitaratu eta biharamunetik aurrera:

– Ekonomiaren Garapen eta Azpiegitura Sailaren Bizkaiko Lurralde Ordezkaritzaren Meategien Arloko bulegoetan (Concha Jeneralaren kalea 23, 5. solairua, 48010 Bilbao), 8:30etik 14:00etara (astelehenetik ostiralera).

– Eusko Jaurlaritzaren web-orrian: http://www.euskadi.eus/informacion/informacion-publica-ventalaperra/web01-a2energi/eu/

h) Publiko interesdunaren alegazioak eta oharrak Ekonomiaren Garapen eta Azpiegitura Sailaren Bizkaiko lurralde-ordezkariari bideratu beharko zaizkio, bera baita prozedura ebazteko eskumena duen funtsezko organoa. Iragarki honen g) letran adierazitako epean egin ahal izango da hori, idatziz, Administrazio Publikoen Administrazio Prozedura Erkidearen urriaren 1eko 39/2015 Legearen 16.4 artikuluan aipatutako lekuetan.

Bilbao, 2018ko martxoaren 15a.

Ekonomiaren Garapen eta Azpiegitura Sailaren Bizkaiko lurralde-ordezkaria,

ADOLFO GONZÁLEZ BERRUETE.

Azterketa dokumentala