Euskal Herriko Agintaritzaren Aldizkaria

41. zk., 2018ko otsailaren 27a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO LEHEN AUZIALDIKO 2 ZENBAKIKO ZUZENEKO LAGUNTZA EMATEKO UNITATE PROZESALA

1042

EDIKTUA, 606/2017 hitzezko judizioaren ondoriozkoa.

Zuzeneko Laguntza emateko Unitate Prozesala–Vitoria-Gasteizko Lehen Auzialdiko 2 zenbakiko Epaitegia.

Judizioa: 606/2017 hitzezko judizioa.

Alderdi demandatzailea: Oto hiribideko 5. zenbakiko jabeen erkidegoa.

Alderdi demandatua: Luis Ivan Abasolo Arnaez eta Monica Gondra Torre.

Gaia: hitzezko judizioa.

Judizio horretan ebazpena eman da, eta honela dio hitzez hitz:

37/2018 EPAIA

Epailea: Francisco Javier Pablo Pablo jauna.

Lekua: Vitoria-Gasteiz.

Eguna: bi mila eta hamazortziko otsailaren hamabia.

Alderdi demandatzailea: Oto hiribideko 5. zenbakiko jabeen erkidegoa.

Abokatua: Raul Perez Cambero.

Prokuradorea: Carmen Carrasco Arana.

Alderdi demandatua: Luis Ivan Abasolo Arnaez (1) eta Monica Gondra Torre.

Abokatua: Maria Aranzazu Lopez Martinez (1).

Prokuradorea: Azucena Rodriguez Rodriguez (1).

Gaia: jabetza horizontala.

Diru-zenbateko bat erreklamatzeko bideratutako 606/17 hitzezko judizioaren autoak ikusi ditut (aurka egiteko jabetza horizontalari buruzko prozedura monitorioan; aurretiaz izapidetu da prozedura hori zenbaki berdinarekin). Auto horiek epaitegi honetan bideratu dira, Gasteizko Oto hiribideko 5. zenbakiko jabeen erkidegoaren eskariz –Carrasco prokuradoreak ordezkatu du, eta Pérez letraduak lagundu–, Luis Iván Abasolo Arnáez jaunaren aurka –Rodríguez prokuradoreak ordezkatu du eta López letraduak lagundu–, eta, halaber, Mónica Gondra Torre andrearen aurka, auzi-iheslaria bera.

EPAITZA

Funtsean baiesten dut Gasteizko Oto hiribideko 5.zenbakiko jabeen erkidegoak, Carrasco prokuradoreak ordezkatuta eta Pérez letraduak lagunduta diru-zenbateko bat eskatzeko aurkeztutako erreklamazioa, Luis Iván Abasolo Arnáez jaunaren aurkakoa –Rodríguez prokuradoreak ordezkatu du eta López letraduak lagundu–, eta Mónica Gondra Torre andrearen aurka, auzi-iheslaria bera. Horrenbestez,

Solidarioki kondenatzen ditut Luis Iván Abasolo Arnáez jauna eta Mónica Gondra Torre andrea, 3.384,73 euro ordaintzera Gasteizko Oto hiribideko 5. zenbakiko jabeen erkidegoari.

Zenbateko horrek PZLko 576. artikuluan aurreikusitako interesa sortuko du kondenatuentzat, ebazpen honetan erabakitakoa PZLko 548. artikuluan finkatutako epean borondatez betetzen ez bada.

Kostuak demandatuari ezartzen zaizkio berariaz.

Aurkaratzeko modua.– Apelazio errekurtsoa aurkeztuta, Arabako Probintzia Auzitegian (PZLb, 455. artikulua).

Demandatuaren gaur egungo helbidea edo bizilekua ezezaguna denez gero, Prozedura Zibilari buruzko 1/2000 Legearen 156.4 eta 164. artikuluetan xedatutakoarekin bat etorriz, ediktu hau EHAAn argitaratzea ebatzi du epaileak.

Vitoria-Gasteiz, 2018ko otsailaren 13a.

JUSTIZIA ADMINISTRAZIOAREN LETRADUA.

Azterketa dokumentala