Euskal Herriko Agintaritzaren Aldizkaria

246. zk., 2017ko abenduaren 28a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

DURANGOKO LEHEN AUZIALDIKO ETA INSTRUKZIOKO 1 ZENBAKIKO ZUZENEKO LAGUNTZA EMATEKO UNITATE PROZESALA

6277

EDIKTUA, neurriak aldatzeko bideratutako 220/2017 prozeduraren ondoriozkoa.

Durangoko Lehen Auzialdiko eta Instrukzioko 1 zenbakiko Zuzeneko Laguntza emateko Unitate Prozesaleko Epaitegia.

Judizioa: behin betiko neurrien aldaketa. 220/2017 prozedura.

Demandatzailea: Catalina Rondo Ramos.

Abokatua: Inmaculada Nistal Llamazares.

Prokuradorea: Idoia Gandiaga Bergareche.

Demandatua: Alfredo Pinto Candia.

Gaia: neurriak aldatzea.

Judizio horretan, epaia eman da 2017-12-04an. Hona hemen idazpurua eta epaitza:

193/2017 EPAIA

Epailea: Nuria Ballve Botas.

Lekua: Durango (Bizkaia).

Eguna: bi mila eta hamazazpiko abenduaren laua.

Alderdi demandatzailea: Catalina Rondo Ramos.

Abokatua: Inmaculada Nistal Llamazares.

Prokuradorea: Idoia Gandiaga Bergareche.

Alderdi demandatua: Alfredo Pinto Candia.

Abokatua.

Prokuradorea.

EPAITZA

Osorik baiesten dut Catalina Rondonen prozesu-ordezkariak Alfredo Pinto Candiaren aurka aurkeztutako demanda; horrenbestez, 469/2011 dibortzio-auziaren autoetan emandako epaia aldatu behar da eta, ondorioz, elkarren seme-alaba adingabeen (XXXXX, XXXXX eta XXXXX) zaintza eta jagoletza amari eman. Aitari, demandatua bera, guraso-ahala kentzen diot, eta bisita-araubidea edo guraso-ahaletik eratorritako beste edozein obligazio amaitutzat eman.

Ez da berariaz kosturik ezartzen prozedura honetan.

Ebazpen hau irmoa denean, bidal bedi exhortoa Erregistro Zibilera, lekukotzarekin, behar den inskripzioa egin dezaten.

Alfredo Pinto Candia demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian argitaratutako ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera.

Ebazpen horren aurka, apelazio-errekurtsoa aurkez dezake demandatuak, zeina auzi-ihesean baitago.

Interesdunak eskuragarri du jakinarazten den ebazpenaren testu osoa, auzitegi honetako bulego judizialean.

Durango (Bizkaia), 2017ko abenduaren 4a.

JUSTIZIA ADMINISTRAZIOAREN LETRADUA.

Azterketa dokumentala