Euskal Herriko Agintaritzaren Aldizkaria

210. zk., 2017ko azaroaren 3a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BERGARAKO LEHEN AUZIALDIKO ETA INSTRUKZIOKO 4 ZENBAKIKO ZUZENEKO LAGUNTZA EMATEKO UNITATE PROZESALA

5282

EDIKTUA, ezkontzaz kanpoko seme-alabentzako neurrietarako 43/2017 prozeduraren ondoriozkoa.

Bergarako Lehen Auzialdiko eta Instrukzioko 4 zenbakiko Zuzeneko Laguntza emateko Unitate Prozesala.

Judizioa: ezkontzaz kanpoko seme-alabentzako neurriak (43/2017).

Demandatzailea: Lemadla Benomar.

Abokatua: Belen Sanchez Sanchez.

Prokuradorea: Miguel Ángel Oteiza Iso.

Demandatua: Luali Mohamed Lamin.

Gaia: ezkontzaz kanpoko seme-alabentzako neurriak.

Judizio horretan, epaia eman da 2017-09-26an. Hona hemen epaitza:

EPAITZA

Baiesten dut Miguel Ángel Oteiza Iso prokuradoreak, Lemadla Benomar andrearen izenean eta ordezkaritzan, Luali Mohamed Lamin jaunaren aurka jarritako demanda, eta, horrenbestez, honako neurri hauek hartzea erabaki dut:

1.– Lemadla Benomar amari esleitzen zaizkio alaba komunaren zaintza eta jagoletza; bi gurasoei dagokie guraso-ahala.

2.– Aitaren alde, bisita-erregimen irekia, zabala eta malgua ezartzen da, aita eta alabaren artean adostu beharrekoa, adingabearen adina aintzat hartuta (15 urte).

3.– Egun, ez da bidezkoa XXXXX alaba komunaren aldeko elikagai-pentsiorik ezartzea jagoletza ez duen gurasoaren kargura, neurri hori ezin baita gauzatu une honetan.

Guztia ere, prozesuko kostuak berariaz ezarri gabe.

Jakinaraz bekie ebazpen hau Fiskaltzari eta alderdiei, eta ohartarazi haren aurka apelazio-errekurtsoa aurkez daitekeela, Probintzia Auzitegiari zuzenduta. Errekurtsoa aurkezteko, idazkia aurkeztu behar da epaitegi honetan hogei egun balioduneko epean, jakinarazpena egin eta hurrengo egunetik aurrera.

Eta nire epai honen bidez eman, agindu eta sinatzen dut. Epai honen ziurtagiria egin beharko da autoei eransteko.

Luali Mohamed Lamin demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera (PZLb).

Ebazpen horren aurka, auzi-ihesean den demandatuak apelazio-errekurtsoa aurkez dezake.

Interesdunak eskuragarri du jakinarazten den ebazpenaren testu osoa, auzitegi honetako bulego judizialean.

Bergara (Gipuzkoa), 2017ko irailaren 27a.

JUSTIZIA ADMINISTRAZIOAREN LETRADUA.

Azterketa dokumentala