210. zk., 2017ko azaroaren 3a, ostirala
- Bestelako formatuak:
- PDF (228 KB - 2 orri.)
- EPUB (192 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
BARAKALDOKO LEHEN AUZIALDIKO 5 ZENBAKIKO EPAITEGIA
5281
EDIKTUA, adostasunik gabeko dibortzioari buruz bideratutako 161/2017 prozeduraren ondoriozkoa.
Barakaldoko Lehen Auzialdiko 5 zenbakiko Epaitegia (Familia).
Judizioa: adostasunik gabeko dibortzioa. 161/2017.
Demandatzailea: B.S.M.
Abokatua: Maria Fe Martínez Gonzalez.
Procurador/a: Aitor Suárez Fernández.
Demandatua: Isaac Bellony Caena.
Gaia: dibortzioa.
Judizio horretan, epaia eman da 2017-10-10ean. Hona hemen epaitza:
EPAITZA
Baiesten dut B.S.M. andreak Isaac Bellony Caena jaunaren aurka aurkeztutako demanda. Horrenbestez, alderdien arteko ezkontza-lotura dibortzio bidez deseginda dagoela dekretatzen dut, deklarazio horrek berekin dakartzan legezko ondorio guztietarako. Horretaz gainera, honako neurri hauek onartzen ditut, alderdien eta XXXXX adingabeko alabaren arteko harremanak arautzeko:
A) Isaac Bellony Caena jaunak XXXXX alaba komunarekiko zuen guraso-ahala bertan behera uztea; izan ere, ahal hori aurrerantzean amak bakarrik baliatuko du, eta zaintza eta jagoletza ere amari esleitzen zaizkio. Gainera, zaintza ez duen gurasoak ez du komunikazio- eta egonaldi-erregimenik izango.
B) Mantenu-pentsio bat ezartzea, ezkontzako alabaren alde eta zaintza ez duen gurasoaren kargura, hileko 100 eurokoa. Hileroko bost egunen barruan ordaindu beharko du zenbatekoa hori, eta urtero eguneratuko da Estatistika Institutu Nazionalak argitaratutako Kontsumoko Prezioen Indizearen arabera; zenbaketa hasteko oinarritzat ebazpen honen eguna hartuko da.
C) Adingabeko semearen ezohiko gastuak –ebazpen honetako oinarri juridikoan zehaztu bezala– gurasoek erdibana ordaindu beharko dituzte. Dena dela, premiazkoak ez diren ezohiko gastuak biek baimendu beharko dituzte. Baimena emantzat joko da, baldin eta beste alderdiak jakinarazpen fede-emailea egin eta hurrengo 10 egunetan berariazko eragozpenik jartzen ez bada (jakinarazpen horretan adieraziko da zer gastu egin nahi den, zergatik den beharrezkoa eta zenbatekoa den, eta, gainera, dagozkion agiriak jasoko dira han). Eta hori guztia auzialdian sortutako kostuei buruzko berariazko erabakirik hartu gabe.
D) XXXXX ezingo da lurralde nazionaletik irten, amak, Begoña Sánchez Molina andreak, horretarako baimena eman ezean.
Ebazpen hau irmoa denean, jakinarazi bekio ofizioz Erregistro Zibil Zentralari, orri-bazterreko oharra egin dadin. Ez da berariaz erabakirik hartzen auzialdi honetan sortutako kostuei buruz.
Isaac Bellony Caena demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera (PZLb).
Ebazpen horren aurka, apelazio-errekurtsoa aurkez dezake demandatu auzi-iheslariak.
Jakinarazten den ebazpenaren testu osoa eskura du interesdunak, epaitegi honetako bulego judizialean.
Barakaldo (Bizkaia), 2017ko urriaren 10a.
JUSTIZIA ADMINISTRAZIOAREN LETRADUA.