RSS
117. zk., 2017ko ekainaren 21a, asteazkena
- Bestelako formatuak:
- PDF (210 KB - 2 orri.)
- EPUB (195 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
BILBOKO LEHEN AUZIALDIKO 13 ZENBAKIKO EPAITEGIA
3117
EDIKTUA, prekario-utzarazpenari buruzko 953/2016 hitzezko judizioaren ondoriozkoa.
JAKINARAZPEN-ZEDULA
Bilboko (Bizkaia) Lehen Auzialdiko 13 zenbakiko Epaitegian, 953/2016 hitzezko judizioaren prozedura bideratu da, Jose Antonio Azcorra Goiriena eta Miren Garaiñe Garcia Azcorra jaun-andreek eskatuta, Begoña Azcorra Goiriena eta Jasone Garcia Azcorra andreen aurka. Prozedura horretan, epaia eman da; hona hemen epaiaren idazpurua eta epaitza, kopiatuta:
100/2017 EPAIA
Epailea: Paula Boix Sampedro andrea.
Lekua: Bilbao (Bizkaia).
Eguna: bi mila eta hamazazpiko apirilaren zazpia.
Alderdi demandatzailea: Jose Antonio Azcorra Goiriena eta Miren Garaiñe Garcia Azcorra.
Abokatua: Jesus Maria Zorrilla Ruiz.
Prokuradorea: Juan Angel Ferros Presa.
Alderdi demandatua: Begoña Azcorra Goiriena eta Jasone Garcia Azcorra.
Abokatua.
Prokuradorea.
Gaia: prekario-utzarazpena.
AURREKARIAK
Aipatutako demandatzaileek, 2016ko urriaren 18an, demanda aurkeztu zuten, eta, haren bidez, eskatzen zuten demandatuak kondenatzeko Enrique Azcorra jaunaren jabetzakoa zen baserria eta haren lursailak libre, hutsik eta beren esku uztera. Izan ere, egun, demandatzaileak dira haien jabe bakarrak, jaraunspen-titulu bidez.
Kodemandatuak baserrian bizi dira, Enrique Azcorra –kodemandatuen aita eta aitona– bizirik zegoen garaitik. Hura hil ondoren, berriz, prekarioan eutsi diote jabetzari, demandatzaileek –Azcorra jaunaren jaraunsle bakarrak diren aldetik– eskatu izan baitiete jabetza uzteko. Haiek, ordea, ez dute eskatutakoa bete, nahiz eta jabetzan bizitzeko eskubiderik izan ez.
Kodemandatuak ez dira agertu, eta, hortaz, auzi-iheslari deklaratuak izan dira. Auzi-jartzaileek uko egin diote hasieran eskatutako ahozko ikustaldiari, eta, hala, autoak ebazpenaren zain geratu dira.
EPAITZA
Osorik baiesten dut Jose Antonio Azcorra Goiriena eta Miren Garaiñe Garcia Azcorra jaun-andreen ordezkari prozesalek aurkeztutako demanda, Begoña Azcorra Goiriena eta Jasone Garcia Azcorra andreen aurkakoa. Horrenbestez, kodemandatuen prekario-desahuzioa bidezkoa dela deklaratzen dut, honako jabetza honi dagokionez: etxebizitza bat, barne hartzen dituena Mugaburu Bazaly baserria –Erandiokoa, eta, egun Gosoceche Bidean–, haren ataurrea eta inguruan dagoen lursaila eta Basabeko Chantela, Alzaga Alde eta Balzai-Solos sailak. Hortaz, kodemandatuak kondenatzen ditut adierazitako baserria eta lursailak libre, hutsik eta auzi-jartzaileen esku uztera. Borondatez hala egiten ez badute, kanporatu egingo dituzte. Alderdi kodemandatuari ezartzen dizkiot kostuak.
Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua). Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan (4751 0000 00 0953 16). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria). Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.
Eta epai honen bidez erabaki, agindu eta sinatzen dut.
Argitalpena: epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen, eta nik, Justizia Administrazioaren letradua naizenez, horren guztiaren fede ematen dut Bilbon (Bizkaia), bi mila eta hamazazpiko apirilaren zazpian.
Begoña Azcorra Goiriena eta Jasone Garcia Azcorra demandatuei behar bezalako jakinarazpena egiteko balio dezan, ematen eta sinatzen dut ediktu hau, Bilbon (Bizkaia), bi mila eta hamazazpiko apirilaren zazpian.
JUSTIZIA ADMINISTRAZIOAREN LETRADUA.
