RSS
99. zk., 2017ko maiatzaren 26a, ostirala
- Bestelako formatuak:
- PDF (202 KB - 2 orri.)
- EPUB (193 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
VITORIA-GASTEIZKO LEHEN AUZIALDIKO 2 ZENBAKIKO ZUZENEKO LAGUNTZA EMATEKO UNITATE PROZESALA
2617
EDIKTUA, 1091/2015 prozedura arruntaren ondoriozkoa.
Vitoria-Gasteizko Lehen Auzialdiko 2 zenbakiko Epaitegia - Zuzeneko Laguntza Zibila emateko Unitate Prozesala.
Judizioa: 1091/2015 prozedura arrunta.
Alderdi demandatzailea: Cafés Foronda, SA.
Alderdi demandatua: Fernando Rojo Abellan eta Arasur Miranda, S.C.
Gaia: judizio arrunta.
109/2017 EPAIA
Epailea: Francisco Javier Pablo Pablo.
Lekua: Vitoria-Gasteiz.
Eguna: bi mila eta hamazazpiko martxoaren hogeita hamaika.
Alderdi demandatzailea: Cafés Foronda, S.A.
Abokatua: Raquel Rincon Herrero.
Prokuradorea: Sebastián Izquierdo Arróniz.
Alderdi demandatua: Fernando Rojo Abellan eta Arasur Miranda, S.C.
Abokatua.
Prokuradorea.
Judizioaren gaia: kontratu partikularrak.
Nik, Francisco Javier Pablo Pablok, ikusi ditut 1091/2015 judizio arruntaren autoak, zenbateko bat erreklamatzeko epaitegi honetan bideratutakoak, banaketa-txandaren arabera egokitu zitzaizkionak. Izquierdo prokuradoreak egin zuen eskaera, Cafés Foronda, S.A.ren ordezkaritzan, Rincón abokatuak lagunduta, Arasur Miranda, S.C. eta Fernando Rojo Abellan auzi-iheslarien aurka.
EPAITZA
Baiesten dut Izquierdo prokuradoreak diru-zenbateko bat erreklamatzeko aurkeztutako judizio arrunteko demanda, Rincón letraduak lagundutako Cafés Foronda, S.A.ren ordezkaritzan aurkeztua, Arasur Miranda, S.C. eta Fernando Rojo Abellánen aurka, biak auzi-ihesean. Horrenbestez, Arasur Miranda, S.C. eta Fernando Rojo Abellán kondenatzen ditut Cafés Foronda, S.A.ri solidarioki ordaintzera 6.115,56 euro, gehi interpelazio judiziala aurkeztu zenetik, hau da, 2015eko urriaren 29tik sortutako legezko interesak: lehenik, 7.621,76 euroren gainean, 2015eko abenduaren 29a arte, eta, bigarrenik, 6.115,56 euroren gainean, ebazpen honen eguna arte.
Zenbateko horrek PZLren 576. artikuluan aurreikusitako interesa sortuko du, epaia betearaztea beharrezkoa balitz.
Kostuak alderdi demandatuari ezartzen zaizkio.
Aurkaratzeko modua: apelazio errekurtsoa aurkeztuta, Arabako Probintzia Auzitegian (PZLb, 455. artikulua).
Alderdi demandatuaren gaur egungo helbidea edo bizilekua ezezaguna denez gero, Prozedura Zibilaren 1/2000 Legearen 156.4 eta 164. artikuluetan xedatutakoarekin bat etorriz, ediktu hau EHAAn argitaratzea ebatzi du epaileak.
Vitoria-Gasteiz, 2017ko apirilaren 27a.
JUSTIZIA ADMINISTRAZIOAREN LETRADUA.
