Euskal Herriko Agintaritzaren Aldizkaria

99. zk., 2017ko maiatzaren 26a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO LEHEN AUZIALDIKO 1 ZENBAKIKO ZUZENEKO LAGUNTZA EMATEKO UNITATE PROZESALA

2616

EDIKTUA, 1039/2016 prozedura arruntaren ondoriozkoa.

Vitoria-Gasteizko Lehen Auzialdiko 1 zenbakiko Epaitegia – Zuzeneko Laguntza Zibila emateko Unitate Prozesala.

Judizioa: 1039/2016 prozedura arrunta.

Demandatzailea: Santander Consumer Finance, S.A.

Abokatua: Antonio Arriola Saenz.

Prokuradorea: Isabel Gómez Pérez de Mendiola.

Demandatua: Jorge Ivan Dominguez Owens.

Gaia: judizio arrunta.

Judizio horretan, epaia eman da 2017-04-26an. Hona hemen epaitza:

132/2017 EPAIA

Vitoria-Gasteiz, 2017ko apirilaren 26a.

Nik, Mónica Basurto Garridok, Vitoria-Gasteizko Lehen Auzialdiko 1 zenbakiko Epaitegiko magistratu naizenak, ikusi ditut 1039/2016 judizio arruntari buruzko autoak.

Demandatzailea: Santander Consumer Finance, S.A., Arriola jaunaren letradu-laguntza duela eta Gomez prokuradoreak ordezkatuta.

Demandatua: Jorge Iván Dominguez Owens, auzi-ihesean deklaratua.

Auzia mailegu-kontratu baten ondorioz erreklamatzen den diru-kopuru bati buruzkoa da.

EPAITZA

Partez baiesten dut Santander Consumer Finance, S.A.k Jorge Iván Dominguez Owens jaunaren aurka aurkeztutako demanda eta demandatua kondenatzen dut 9.971,36 euro ordaintzera.

Alderdi demandatzaileari ez zaio kostarik ezarriko.

Jakinarazi ebazpen hau alderdiei. Epaitza ez da irmoa eta haren aurka apelazio-errekurtsoa aurkez daiteke epaitegi honen aurrean, 20 eguneko epean, jakinarazpen-egunaren biharamunetik aurrera kontatzen hasita (Prozedura Zibilaren urtarrilaren 7ko 1/2000 Legearen 458. artikulua, urriaren 10eko 37/2011 Legearen bidez aldatua). Errekurtsoa Arabako Probintzia Auzitegiak ebatziko du.

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko zenbateko hori epaitegi honek Banco Banesto bankuan duen Gordailuan eta Zainpean Uzteko Kontuan (0009 0000 04 103916 kontu-zenbakia) kontsignatu beharko da. Errekurtsoa aurkeztean egiaztatu beharko da kontsignazioa (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Argitalpena: epai hori, epaiari dagokion egunean jendaurreko entzunaldia egiten ari zelarik, ediktu hau eman zuen epaile berberak irakurri du. Fede ematen dut.

Jorge Ivan Dominguez Owens demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera.

Ebazpen horren aurka, apelazio-errekurtsoa aurkez dezake demandatu auzi-iheslariak.

Jakinarazten den ebazpenaren testu osoa eskuragarri du interesdunak, epaitegi honetako bulego judizialean.

Vitoria-Gasteiz, 2017ko apirilaren 27a.

JUSTIZIA ADMINISTRAZIOAREN LETRADUA.

Azterketa dokumentala