Euskal Herriko Agintaritzaren Aldizkaria

91. zk., 2017ko maiatzaren 16a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO LEHEN AUZIALDIKO 1 ZENBAKIKO ZUZENEKO LAGUNTZA EMATEKO UNITATE PROZESALA

2411

EDIKTUA, 461/2016 prozedura arruntaren ondoriozkoa.

Zuzeneko Laguntza Zibila emateko Unitate Prozesala – Vitoria-Gasteizko Lehen Auzialdiko 1 zenbakiko Epaitegia.

Judizioa: 461/2016 prozedura arrunta.

Demandatzailea: Gasteizko Gasteiz hiribideko 53 eta 55 zenbakietako jabekideen erkidegoa.

Abokatua: Julian Ortiz Martin.

Prokuradorea: Ignacio Sanchiz Capdevila.

Demandatua: Cristina Arias Lopez.

Gaia.

Judizio horretan, epaia eman da 2017-04-11n. Hona hemen epaitza:

120/2017 EPAIA

Vitoria-Gasteiz, 2017ko apirilaren 10a.

Nik, Mónica Basurto Garrido andreak, Vitoria-Gasteizko Lehen Auzialdiko 1 zenbakiko Epaitegiko magistratua naizen aldetik, ikusi ditut 461/2016 judizio arruntaren autoak, non honako hauek diren alderdi:

Demandatzailea: Gasteizko Gasteiz hiribideko 53 eta 55 zenbakietako jabekideen erkidegoa, Ortiz letraduak lagunduta, eta Sanchiz prokuradoreak ordezkatuta.

Demandatua: Cristina Arias Lopez andrea, auzi-iheslari deklaratua.

Auzia: kontratu-harreman baten ondoriozko ekintza.

EPAITZA

Baiesten dut Vitoria-Gasteizko Gasteiz hiribideko 53 eta 55 zenbakietako jabekideen erkidegoak aurkeztutako demanda, Cristina Arias Lopez andrearen aurkakoa. Horrenbestez, bukatutzat ematen dut alderdien arteko kudeaketa-kontratua, 2015eko azaroan hasi zena; jabekideen erkidegoak, bestalde, ez dio dirurik zor demandatuari kontratu horregatik, 2015eko irailetik.

Halaber, Cristina Arias Lopez kondenatzen dut bi erkidegoen dokumentazioa, bere esku duena, itzultzera Gasteizko Gasteiz hiribideko 53 eta 55 zenbakietako jabekideen erkidegoari (bakoitzari berea, eta denena biei); bereziki, honako hauek itzuli beharko ditu: legeztatutako liburu ofizialak, erkidego bakoitzaren akta-liburuak, erkidego bakoitzaren eta bien kontu-liburua, kontabilitate-agiriak –hala nola, bankuko kontu-laburpenak, diru-sarreren eta gastuen ziurtagiriak, fakturak...–, bere esku duen eta erkidegoarena den beste edozein gauza, giltzak, txeke-liburuxka... eta bere esku duen beste edozein agiri edo gauza (banku-helbideratzeak biltzen dituen jabekide-zerrenda, egiteke dauden ordainketen zerrenda, zordunena....

Cristina Arias Lopez andrea kondenatzen dut, halaber, 446,70 euro ordaintzera.

Alderdi demandatuari berariaz ezartzen zaizkio kostuak.

Jakinaraz bekie ebazpena alderdiei, eta aditzera eman ezen, ebazpena ez dela irmoa eta haren aurka apelazio-errekurtsoa aurkez daitekeela epaitegi honetan, hogei eguneko epearen barruan, jakinarazpena egin eta hurrengo egunetik aurrera (urtarrilaren 7ko 1/2000 PZLko 458. artikulua, urriaren 10eko 37/2011 Legeaz aldatutakoa). Arabako Probintzia Auzitegia arduratu da aipatu errekurtsoez.

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko zenbateko hori epaitegi honek Banesto bankuan duen Gordailuan eta Zainpean jartzeko Kontuan (0009 0000 04 046116 kontu-zenbakia) kontsignatu beharko da. Errekurtsoa aurkeztean egiaztatu beharko da kontsignazioa (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Argitalpena. Epaiari dagokion egunean, epaia eman eta sinatu zuen epaile berberak irakurri zuen, jendaurreko entzunaldia egiten ari zelarik. Fede ematen dut.

Cristina Arias Lopez demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera (PZLb).

Ebazpen horren aurka, demandatu auzi-iheslariak apelazio-errekurtsoa aurkez dezake.

Interesdunak eskuragarri dauka jakinarazten den ebazpenaren testu osoa, auzitegi honetako bulego judizialean.

Vitoria-Gasteiz, 2017ko apirilaren 20a.

JUSTIZIA ADMINISTRAZIOAREN LETRADUA.

Azterketa dokumentala