RSS
47. zk., 2017ko martxoaren 8a, asteazkena
- Bestelako formatuak:
- PDF (186 KB - 1 orri.)
- EPUB (193 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
OSASUN SAILA
1245
EBAZPENA, 2017ko otsailaren 20koa, Osasuneko sailburuarena, Debagoieneko Erakunde Sanitario Integratuko (ESI) Laguntza Etikoko Batzordea kreditatzen duena.
Aztertu da Debagoieneko ESIko zuzendari kudeatzaile Andoni Arcelay Salazarrek egin duen eskaera; hain zuzen ere, Laguntza Etikoko Batzordea bere jarduera burutzeko kreditatua izateko eskaera.
Aztertu dira, halaber, agiriak eta Laguntza Etikoko Batzordeak kreditatzeko izendatutako Batzordeak egin duen proposamena.
Laguntza Etikoko Batzordeak sortu eta kreditatzeari buruzko otsailaren 7ko 143/1995 Dekretuaren 4.1 artikuluan eta Osasun Sailaren egitura organikoa eta funtzionala ezartzen duen apirilaren 9ko 195/2013 Dekretua,
EBAZTEN DUT:
Lehenengoa.– Debagoieneko ESIko Laguntza Etikoko Batzordea kreditatzea.
Bigarrena.– Jarduera-esparruak Debagoieneko ESI osatzen duten zentro guztiak hartuko ditu eta Debagoieneko Eremu Soziosanitarioaren kontsultetara zabalduko da, baita Arrasateko Adimen Osasuneko zentrora ere, eta funtzioak otsailaren 7ko 143/1995 Dekretuan jasotakoak izango dira.
Hirugarrena.– Kreditazio horrek ez du epemugarik, eta indarrean izango da baldin Debagoieneko ESIk egoki baderitzo eta 143/1995 Dekretuan ezarritakoak betetzen baditu.
Vitoria-Gasteiz, 2017ko otsailaren 20a.
Osasuneko sailburuordea,
IGNACIO JESÚS BERRAONDO ZABALEGUI.
