RSS
36. zk., 2017ko otsailaren 21a, asteartea
- Bestelako formatuak:
- PDF (230 KB - 2 orri.)
- EPUB (195 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
EIBARKO LEHEN AUZIALDIKO ETA INSTRUKZIOKO 1 ZENBAKIKO ZUZENEKO LAGUNTZA EMATEKO UNITATE PROZESALA
940
EDIKTUA, ezkontzaz kanpoko seme-alabentzako neurrietarako 332/2016 prozeduraren ondoriozkoa.
Eibarko Lehen Auzialdiko eta Instrukzioko 1 zenbakiko Zuzeneko Laguntza emateko Unitate Prozesala.
Judizioa: 332/2016 ezkontzaz kanpoko seme-alabentzako neurriak.
Alderdi demandatzailea: Mirza Bazan Chipunavi.
Alderdi demandatua: Ruben David Balcazar Parada.
Gaia: neurri pertsonalak eta mantenu-neurriak.
Judizio horretan ebazpena eman da, eta honela dio:
5/2017 EPAIA
Probidentzia ematen duen magistratua: Veronica Garcia Canal.
Lekua: Eibar (Gipuzkoa).
Eguna: bi mila eta hamazazpiko urtarrilaren hogeita laua.
Alderdi demandatzailea: Mirza Bazan Chipunavi.
Abokatua: Gurutz Telleria Lopez.
Prokuradorea: Luis Echaniz Aizpuru.
Alderdi demandatua: Ruben David Balcazar Parada.
Abokatua.
Prokuradorea.
Judizioko gaia: neurri pertsonalak eta mantenu-neurriak.
EPAITZA
Baiesten dut Echaniz prokuradoreak Mirza Bajan Chipunaviren izenean eta ordezkaritzan aurkeztutako demanda, Rubén David Balcazar Paradaren aurkakoa. Horrenbestez, XXXXX adingabeei dagokionez, neurri hauek hartzea erabaki dut:
– Ama Mirza Bajan Chipunaviri ematen zaizkio adingabeko bi seme-alaben zaintza eta jagoletza. Guraso-ahala, berriz, aitak eta amak edukiko dute batera.
– Ez da egokitzat jotzenRubén David Balcazar Paradaren aldeko bisita-araubidea ezartzea; hargatik eragotzi gabe neurriak aldatzeko prozedura eskatzeko aukera, baldin eta inguruabarrak aldatzen badira.
– Rubén David Balcazar Paradak hilero 100 euro ordainduko ditu bi seme-alabetarik bakoitzarentzako (orotara, 200 euro). Zenbateko hori Mirza Bajan Chipunavik izendatzen duen kontuan sartu beharko du, aurreratuta, hil bakoitzaren lehenengo bost egunetan, ebazpen honen egunetik hasita; eta lehenengo hila amaitu arte, modu proportzionalean egingo da ordainketa. Hori bete ezean, bidezko neurriak hartuko dira. Zenbateko hori, KPIren arabera eguneratuko da, urtero. Lehen eguneraketa 2018ko urtarrilaren 1ean egingo da. Aparteko gastuak guraso biek erdibana ordaindu beharko dituzte, aldez aurretik justifikatuko delarik.
Mantenua zein aparteko gastuak ordaintzeko betebeharra luzatu egingo da, seme-alabetariko bakoitza adinez nagusi izan eta ekonomikoki independente izan arte.
Alderdi bati ere ez zaio ezartzen prozedura honetako kosturik.
Jakinaraz bekie ebazpen hau alderdiei eta Fiskaltzari.
Ebazpen honen testigantza sar bedi epaien liburuan, eta jaso bedi testigantza autoetan.
Aurkaratzeko modua: apelazio-errekurtsoa, Gipuzkoako Probintzia Auzitegian (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta zein diren apelatutako ebazpena eta aurkaratutako erabakiak (PZLb, 458.2 artikulua).
Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da: u`j9n i jum k. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.
Eta epai honen bidez erabaki, agindu eta sinatzen dut.
Argitalpena.– Epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Eta nik, idazkari judiziala naizenez, horren guztiaren fede ematen dut Eibarren (Gipuzkoa), bi mila eta hamazazpiko urtarrilaren hogeita lauan.
Alderdi demandatuaren gaur egungo helbidea edo bizilekua ezezaguna denez gero, Prozedura Zibilaren 1/2000 Legearen 156.4 eta 164. artikuluetan xedatutakoarekin bat etorriz, ediktu hau EHAAn argitaratzea ebatzi du epaileak, epaia jakinarazteko eginbidea gauza dadin.
Eibar (Gipuzkoa), 2017ko urtarrilaren 24a.
JUSTIZIA ADMINISTRAZIOAREN LETRADUA.
