RSS
244. zk., 2016ko abenduaren 26a, astelehena
- Bestelako formatuak:
- PDF (186 KB - 1 orri.)
- EPUB (193 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
AGINTARIAK ETA LANGILERIA
Izendapenak, egoerak eta gorabeherak
OSASUN SAILA
5522
AGINDUA, 2016ko abenduaren 15ekoa, Osasuneko sailburuarena, zeinaren bidez Osasun Sailean behin-behineko langilea izendatzen baita.
Jaurlaritzari buruzko ekainaren 30eko 7/1981 Legearen 28. artikuluan ezarritako ahalmenez baliatuz, Funtzio Publikoko Zuzendaritzak eman duen txostenarekin bat etorriz, eta horretarako aurrekontu-kreditua badagoenez,
XEDATZEN DUT:
Lehenengoa.– Guillermo Viñegra García jauna osasun-programetako eta herritarrekiko harremanetarako aholkulari izendatzea Osasun Sailean; kodea: 5273; dotazioa: 1; maila: sailburuordea.
Bigarrena.– Egin beharreko zereginak aholkularitza-lanpostu bati dagozkionak izango dira, eta atxikitzen zaion esparruaren berariazkoak.
Hirugarrena.– Interesdunak eskubidea izango du, legez horretarako eskatzen diren betekizunak betetzen baditu, Goren Kargudunen Lansariei buruzko urriaren 28ko 14/1988 Legearen 3.1 edo 5.1 edo 5.2 artikuluetan jasotako aurreikuspenen bat edo guztiak aplika diezazkioten.
Laugarrena.– Izendapen honek 2016ko abenduaren 14an izango ditu ekonomia- eta administrazio-ondorioak.
Halaber, agindu honen bidez ezartzen den zerbitzu-harremana automatikoki iraungita geratuko da izendapena egiten duen organoaren titularraren kargu-uztea gertatzen denean, hargatik eragotzi gabe lehenago ere errebokatu ahal izatea.
Bosgarrena.– Agindu honek administrazio-bidea agortzen du, eta, beronen aurka, aukerako berraztertzeko errekurtsoa aurkeztu ahalko zaio organo honi hilabeteko epean, edo, bestela, administrazioarekiko auzi-errekurtsoa aurkez daiteke Administrazioarekiko Auzien Epaitegian, bi hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik hasita.
Vitoria-Gasteiz, 2016ko abenduaren 15a.
Osasuneko sailburua,
JON DARPÓN SIERRA.
