Euskal Herriko Agintaritzaren Aldizkaria

158. zk., 2016ko abuztuaren 22a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO LEHEN AUZIALDIKO 3 ZENBAKIKO ZUZENEKO LAGUNTZA EMATEKO UNITATE PROZESALA

3653

EDIKTUA, erantzukizun zibilaren gainean bideratutako 618/2014 prozedura arruntaren ondoriozkoa.

Vitoria-Gasteizko Lehen Auzialdiko 3 zenbakiko Epaitegia – Zuzeneko Laguntza Zibila emateko Unitate Prozesala.

Judizioa: 618/2014 prozedura arrunta.

Demandatzailea: Iliada pasealekuko 13, 15 eta 17ko jabekideen erkidegoa.

Abokatua: Cristina Santo Domingo Vicario.

Prokuradorea: Maria Regina Aniel-Quiroga Ortiz de Zuñiga.

Demandatua: Cia. de Seguros Lagun Aro, S.A., Opacua, S.A., Promociones Azua Gauna, S.L., Banco de Vitalicio de España Cia Anonima de Seguros y Reaseguros, S.A., Jose Antonio Barroso Aspe, Promociones Inversiones Osparama, S.L., Asemas Mutua de Seguros y Reaseguros a Prima Fija, Musaat Mutua de Seguros a Prima Fija eta Javier Ruiz de Azua Lopez de Gauna.

Gaia: judizio arrunta.

Judizio horretan, epaia eman da 2016-07-06an. Hona hemen epaitza:

EPAITZA

1.– Erabaki da Itziar onartzea Landa Irizar prokuradoreak Javier Ruiz de Azúa López de Gauna eta Musaat , Mutua de Seguros y Reaseguros a Prima Fijaren izenean alegaturiko preskripzio-salbuespena, eragindako kostuak ordaintzera berariaz kondenatu gabe: alderdi bakoitzak berak eragindako gastuak ordaindu beharko ditu; gastu komunak, berriz, erdibana ordainduko dira.

2.– Erabaki da partez baiestea Regina Aniel Quiroga Ortiz de Zúñiga prokuradoreak Iliada pasealekuko 13, 15 eta 17ko jabekideen erkidegoaren izenean eta Promociones Azua Gauna, S.L., Promociones e Inversiones Osparama, S.L., Opacua, S.A., D. José Antonio Barroso Aspe y Asemas Mutua de Seguros y Reaseguros a Prima Fijaren aurka aurkeztutako demanda, ebazpen honen hamaikagarren zuzenbide-oinarrian ezarrtitako eran, eragindako kostuak ordaintzera berariaz kondenatu gabe: alderdi bakoitzak berak eragindako gastuak ordaindu beharko ditu; gastu komunak, berriz, erdibana ordainduko dira.

3.– Erabaki da osorik ezestea Regina Aniel Quiroga Ortiz de Zúñiga prokuradoreak Iliada pasealekuko 13, 15 eta 17ko jabekideen erkidegoaren izenean eta Lagun Aro, S.A. y Banco Vitalicio de España, Compañía de Seguros y Reaseguros, egungo Generaliren aurka aurkeztutako demanda, eta prozesuko kostuak berariaz demandatuari ezartzea.

Jakinaraz bekie ebazpen hau alderdiei.

Aurkaratzeko modua: apelazio-errekurtsoa aurkeztuta, Arabako Probintzia Auzitegian (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan. Kontuaren zenbakia hauxe da: ....... Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak».

Eta epai honen bidez erabaki, agindu eta sinatzen dut.

Argitalpena.– Epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Eta nik, idazkari judiziala naizenez, horren guztiaren fede ematen dut Vitoria-Gasteizen (Araba), bi mila eta hamaseiko uztailaren seiaan.

Promociones Azua Gauna, S.L. demandatuaren egungo egoitza ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera.

Ebazpen horren aurka, apelazio-errekurtsoa aurkez dezake demandatu auzi-iheslariak.

Jakinarazten den ebazpenaren testu osoa eskuragarri du interesdunak, epaitegi honetako bulego judizialean.

Vitoria-Gasteiz, 2016ko uztailaren 8a.

JUSTIZIA ADMINISTRAZIOAREN LETRADUA.

Azterketa dokumentala