Euskal Herriko Agintaritzaren Aldizkaria

136. zk., 2016ko uztailaren 18a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

EMAKUMEAREN AURKAKO INDARKERIAREN ARLOKO BILBOKO 2 ZENBAKIKO EPAITEGIA

3199

EDIKTUA, ezkontzaz kanpoko seme-alabentzako neurrietarako 3/2015 prozeduraren ondoriozkoa.

JAKINARAZPEN-ZEDULA

Bilboko (Bizkaia) Lehen Auzialdiko 2 zenbakiko Epaitegian, ezkontzaz kanpoko seme-alabentzako neurrietarako 3/2015 prozedura bideratu da, Laura Cristina Caballero Rueda andreak eskatuta Iñaki Martinez Zarandona jaunaren aurka, seme-alabarentzako neurriei buruz. Prozedura horren gainean epaia eman da. Hona hemen idazpurua eta epaitza:

29/16 EPAIA

Epailea: Miren Irune Fernandez Arias.

Lekua: Bilbao (Bizkaia).

Eguna: bi mila eta hamaseiko ekainaren bata.

Alderdi demandatzailea: Laura Cristina Caballero Rueda.

Abokatua: Xabier Perez Urizarbarrena.

Prokuradorea: Jose Antonio Hernandez Uribarri.

Alderdi demandatua: Iñaki Martinez Zarandona.

Abokatua.

Prokuradorea.

Judizioaren xedea: more uxorio elkarbizitza etetea.

EPAITZA

Baietsi egin dut Jose Antonio Hernandez Uribarri prokuradoreak Laura Cristina Caballero Ruedaren izenean eta hura ordezkatuz aurkeztutako demanda, Iñaki Martínez Zarandonaren aurkakoa; horrenbestez, hau deklaratzen dut:

1.– Amari aitortzen zaizkio bien seme/alaba adingabearen zaintza eta jagoletza; guraso-ahala, berriz, guraso biena izango da.

2.– Zaintzaren ardura ez duen gurasoak, semearen/alabaren mantenurako, 200 euro jarriko ditu, hilero. Zenbateko hori urtero eguneratuko da, urtarrilaren 1ean, kontsumo-prezioen indizearen arabera.

3.– Seme/alaba adingabearekiko bisita-araubidea ezartzen zaio aitari: astean zeharreko egun bat, Familia Elkargunean, langile kualifikatuen begiradapean.

Ez zaizkio inori ezartzen auzialdi honetan sortutako prozesu-kostuak.

Aurkaratzeko modua: Bizkaiko Probintzia Auzitegiari zuzendutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta hurrengo egunetik aurrera. Idazki horretan, bestalde, honako hauek adieraziko dira: aurkaratzea zer alegaziotan oinarritzen den, eta zein diren apelatutako ebazpena eta aurkaratutako erabakiak (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da:.................Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Argitalpena.– Epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen; jendaurreko entzunaldia egiten ari zelarik. Eta nik, idazkari judiziala naizenez, horren fede ematen dut Bilbon, 2016ko ekainaren 1ean.

Iñaki Martinez Zarandona demandatuari behar bezalako jakinarazpena egiteko balio dezan ematen eta sinatzen dut idazki hau, Bilbon (Bizkaia), bi mila eta hamaseiko ekainaren bian.

IDAZKARIA.

Azterketa dokumentala