RSS
114. zk., 2016ko ekainaren 16a, osteguna
- Bestelako formatuak:
- PDF (266 KB - 4 orri.)
- EPUB (369 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
HERRI ADMINISTRAZIO ETA JUSTIZIA SAILA
2598
HUTSEN ZUZENKETA, honako ebazpen honena: «50/2015 EBAZPENA, abenduaren 3koa, Jaurlaritzaren Idazkaritzako eta Legebiltzarrarekiko Harremanetarako zuzendariarena, Eusko Jaurlaritzak egindako hainbat hitzarmen, beherago zehaztutakoak, argitaratzea xedatzen duena.»
Euskal Herriko Agintaritzaren Aldizkaria arautzen duen abenduaren 23ko 217/2008 Dekretuaren 18.2.b) artikuluan xedatzen denez, aldizkarian egindako hutsak edo omisioak testua argitaratzeko agindu duten organoek zuzenduko dituzte, baldin eta nabarmenak badira, xedapen, egintza edo iragarkien esanahia aldatzen ez badute eta nahasbiderik ez sortzeko komeni bada. Horretarako, Euskal Herriko Agintaritzaren Aldizkarian testu osoa edo kasuan kasuko testu-zatia zuzenduta argitaratzeko aginduko dute.
Eusko Jaurlaritzak sinatutako hitzarmenak argitaratzen dituen Jaurlaritzaren Idazkaritzako eta Legebiltzarrarekiko Harremanetarako zuzendariaren 50/2015 Ebazpenean izaera horretako akatsak ikusi dira, zehazki, VIII. eranskinean. Eranskin horretan, erakunde sanitarioak ikerketarako eta irakaskuntza sanitariorako erabiltzeari buruz Euskal Herriko Unibertsitateak eta Osakidetza-Euskal osasun zerbitzuak izenpetutako hitzarmenaren eguneratzea jasotzen da, zeina 2015eko abenduaren 22ko EHAAn (243. zenbakia) argitaratu baitzen. Beraz, zuzendu egin behar da.
Berriro argitaratzen da aipatu VIII. Eranskinaren II. eranskina –2015/5367 (59/57) orrialdetik 2015/5367 (59/59) orrialdera– Osakidetzan aktibo dauden langileen artean irakasle lanetan arituko direnen zerrenda jasotzen duena. Eranskin horretan, Euskal Herriko Unibertsitateak eta Osakidetza-Euskal osasun zerbitzuak, osasun-instalazioak osasunaren arloko ikerketan eta irakaskuntzan erabiltzeko, izenpetutako Hitzarmenaren eguneratzea jasotzen da.
