Euskal Herriko Agintaritzaren Aldizkaria

106. zk., 2016ko ekainaren 6a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO LEHEN AUZIALDIKO 14 ZENBAKIKO EPAITEGIA

2423

EDIKTUA, ezkontzaz kanpoko seme-alabentzako neurrietarako 1968/2014 prozeduraren ondoriozkoa.

Bilboko lehen auzialdiko 14 zenbakiko epaitegia (familia).

Judizioa: ezkontzaz kanpoko seme-alabentzako neurrietarako 1968/2014 auzia.

Demandatzailea: Valderez Maria Da Silva.

Abokatua: Antonio Laguna Asensio.

Prokuradorea: Virginia Gonzalez Ruiz.

Demandatua: Amauri Da Silva Tito.

Gaia: ezkontzaz kanpoko seme-alabentzako neurriak.

Judizio horretan, epaia eman da 2016-04-14an. Hona hemen epaitza:

228/2016 EPAIA

Epailea: Leyre Pérez Rodríguez.

Lekua: Bilbao (Bizkaia).

Eguna: bi mila eta hamaseiko apirilaren hamalaua.

Alderdi demandatzailea: Valderez Maria Da Silva.

Abokatua: Antonio Laguna Asensio.

Prokuradorea: Virginia Gonzalez Ruiz.

Alderdi demandatua: Amauri Da Silva Tito.

Abokatua.

Prokuradorea.

Judizioko gaia: more uxorio elkarbizitza etetea.

EPAITZA

Osorik baiesten dut Virginia González Ruiz auzitegietako prokuradoreak Valderez Da Silva-ren izenean eta ordezkaritzan jarritako demanda, auzi-ihesean den Amauri Da Silva Tito-ren aurkakoa. Horrenbestez, erabaki dut honako neurri hauek hartzea XXXXX seme adingabeari dagokionez:

XXXXX seme adingabearen gaineko guraso-ahala bi gurasoek izango dute, bai eta titulartasuna ere.

Da Silva andreari ematen zaizkio seme adingabearen zaintza eta jagoletza, eta ez zaio ezartzen bisita- edo egonaldi-erregimenik aitari.

Da Silva Tito jaunak mantenu-pentsio bat ordaindu beharko du seme adingabearentzat, hilean jasotzen dituen diru-sarreren % 20koa, gutxienez 100 euro hilean; Da Silva andreak izendatutako kontu korrontean sartu beharko du diru hori, hileko lehen bost egunen barruan. Diru-zenbateko hori urtero eguneratuko da, KPIaren arabera.

Seme adingabearen ezohiko gastuak bi gurasoek ordainduko dituzte, erdibana.

Aurkaratzeko modua: Bizkaiko Probintzia Auzitegiari zuzendutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta hurrengo egunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta zein diren apelatutako ebazpena eta aurkaratutako erabakiak (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da: ........Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Honela, epai honen bitartez, eman, agindu eta sinatzen dut nik, Leyre Pérez Rodríguez andreak, Bilboko eta bere barruti judizialeko Lehen Auzialdiko eta Instrukzioko 14 zenbakiko Epaitegiko epailea naizen aldetik.

Amauri Da Silva Tito demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera.

Ebazpen horren aurka, auzi-ihesean den demandatuak apelazio-errekurtsoa aurkez dezake.

Jakinarazten den ebazpenaren testu osoa eskuragarri du interesdunak, auzitegi honetako bulego judizialean.

Bilbao (Bizkaia), 2016ko apirilaren 15a.

JUSTIZIA ADMINISTRAZIOAREN LETRADUA.

Azterketa dokumentala