Euskal Herriko Agintaritzaren Aldizkaria

103. zk., 2016ko ekainaren 1a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Obra, zerbitzu eta horniduren enkanteak eta lehiaketak

INGURUMEN ETA LURRALDE POLITIKA SAILA

2344

IRAGARKIA, EAEren 2016ko ortofotografia egiteko postprozesu fotogrametrikoa egiteko zerbitzu-kontratua lizitatzeko (Espedientea: 011SV/2016).

1.– Entitate esleitzailea.

a) Erakundea: Ingurumen eta Lurralde Politika Saileko Zerbitzu zuzendaria.

b) Espedientea izapidetzen ari den bulegoa: Kontratazio Mahaia (Zerbitzu Zuzendaritza).

c) Espedientearen zenbakia: 011SV/2016.

2.– Kontratuaren ezaugarriak.

a) Helburua: EAEren 2016ko ortofotografia egiteko postprozesu fotogrametrikoa egiteko zerbitzu-kontratua.

b) Lotetan zatitzea: ez da lotetan zatitu.

c) Burutzeko lekua: enpresa esleipendunaren egoitza.

d) Burutzeko epea: hiru hilabete.

3.– Izapideak, prozedura eta esleitzeko modua.

a) Izapideak: ohikoak.

b) Prozedura: irekia.

c) Esleitzeko modua: hainbat irizpide.

4.– Lizitazioaren oinarrizko aurrekontua: berrogeita hamar mila (50.000,00) euro gehi hamar mila eta bostehun (10.500,00) euro, BEZarenak. Beraz, guztira, hirurogei mila eta bostehun (60.500,00) euro.

5.– Behin-behineko bermea: ez dago jarri beharrik.

6.– Agiriak eta argibideak lortzeko.

a) Entitatea: Eusko Jaurlaritza. Ingurumen eta Lurralde Politika Saila.

b) Helbidea: Donostia kalea 1.

c) Herria eta posta-kodea: 01010 Vitoria-Gasteiz.

d) Telefonoa: 945 01 98 26.

e) Agiriak eta argibideak eskuratzeko azken eguna: 2016ko ekainaren 15a.

f) Kontratu honi buruzko informazio guztia webgune honetan eskura daiteke: www.contratacion.info edo www.euskadi.eus/contratacion

7.– Kontratistaren betebeharrak.

Sailkapena: ez.

Kaudimenari buruzko eskakizunak eta egiaztatzeko modua:

A) Ekonomia- eta finantza-kaudimena: azken hiru ekitaldietako urteko negozio-bolumenak, gutxienez, 50.000 eurokoa izan behar du. Urteko negozio-bolumena Merkataritzako Erregistroan edo dagokion erregistro ofizialean aurkeztutako urteko kontuen bidez egiaztatuko da, enpresaburua inskribaturik dagoen erregistroa kontuan hartuta. Merkataritzako Erregistroan inskribaturik ez dauden enpresaburuek urteko negozio-bolumena egiaztatuko dute Merkataritzako Erregistroak legeztatutako inbentarioen eta urteko kontuen liburuen bitartez.

B) Kaudimen teknikoa:

a) Gutxienez, kontratu honen helburuaren antzeko hiru lan egin behar izan dute azken bost urteotan, eta horren azalera ortoerrektifikatu guztia 20.000 km²-tik gorakoa izango da. Hori egiaztatzeko, azken bost urteetan egindako zerbitzu nagusien edo lanen zerrenda aurkeztu beharko dute enpresek, lan edo zerbitzu horien zenbatekoa, datak eta onuradunak zehaztuko dituena (publikoak eta pribatuak). Zerbitzuak egiaztatzeko organo eskudunak egindako edo bisaturiko ziurtagiriak aurkeztu beharko dira hartzailea sektore publikokoa izan bada; eta, pertsona pribatua bada, pertsona horrek egindako ziurtagiria edo enpresaburuaren aitorpena.

b) Lantaldea osatuko duten pertsonen zerrenda eta horien titulua edo elkargoaren ziurtagiria. Proiektuburuaren lanak egiten dituen pertsonak Geodesia eta Kartografiako Ingeniaritza edo Geomatika eta Topografiako Ingeniaritza edo Topografia Ingeniaritza Teknikoaren titulua izan beharko du.

c) Lanak exekutatzeko, honako gutxieneko baliabide material hauek izango dira:

c.1.– Lan-estazio fotogrametiko bi.

c.2.– Hegaldi fotogrametikoen aerotriangelaketarako softwarea.

c.3.– Korrelazio bidezko lursailaren eredu digitalen sorrera.

c.4.– Lursailaren eredu digitalen ediziorako, kalitatearen kontrolerako eta interpolaziorako softwarea.

c.5.– Irudi fotogrametikoen ortoerrektifikazio digitalerako softwarea.

c.6.– Ortoargazki digitalen mosaikoak sortzeko sofwarea.

Baliabide materialak dituela jasotzen duen adierazpen baten bitartez egiaztatuko dira eskatzen diren baliabide materialak.

8.– Eskaintzak edo parte hartzeko eskabideak aurkeztea.

a) Agiriak aurkezteko azken eguna: 2016ko ekainaren 16a, 12:00ak baino lehen.

b) Aurkeztu beharreko dokumentazioa: administrazio-klausula zehatzen pleguan adierazten direnak.

c) Eskabideak aurkezteko lekua:

c.1.– Elektronikoki lizitatuz gero, honako webgune honen bidez egin daiteke aurkezpena: www.contratacion.info edo www.euskadi.eus/contratacion

c.2.– Paperean lizitatuz gero, honako leku honetan:

1) Erakundea: Ingurumen eta Lurralde Politika Saila.

2) Helbidea: eskuan eraman beharko dira Ingurumen eta Lurralde Politika Sailaren Erregistro Nagusira, Vitoria-Gasteizko Donostia kaleko 1era (Eusko Jaurlaritzaren egoitza nagusia), goian aipatutako epean. Postaz ere bidali ahal izango dira, eta eskaintza postan zer egunetan jarri den, egun berean (eta betiere eskaintzak aurkezteko muga-ordua baino lehen) kontratazio-organoari telex, telekopia, edo telegrama bidez jakinarazi eta egiaztatu beharko zaio. Eskakizun bi horiek betetzen ez badira, edo eskaintza bidali izanaren jakinarazpenak eskaintzak jasotzeko finkatutako epea amaitutakoan jasotzen badira, ez dira onartuko. Nolanahi ere, eskaintza postaz bidali, eta hamar egun naturaleko epean jasotzen ez bada, inolaz ere ez da onartuko.

3) Herria eta posta kodea: 01010 Vitoria-Gasteiz (Araba).

d) Lizitatzaileak zenbat denbora eutsi behar dion eskaintzari: 2 hilabete, proposamenak irekitzen direnetik aurrera.

e) Aldaerak: ez da aldaera edo alternatibarik onartuko.

f) Prozedura mugatua bada, eskaintzak aurkezteko gonbita egin nahi zaien enpresen kopurua edo gutxieneko edo gehieneko kopurua: ez dago horrelakorik.

9.– Esleitzeko irizpideak.

a) Formula bidez automatikoki baloratzeko diren irizpideak. Ponderazioa, guztira: 70 puntu.

Eskaintza ekonomikoa. Ponderazioa: 70 puntu. Formula: ikusi karatularen 30.2.1.a puntua.

b) Balio-iritzietan oinarrituta aplikatu behar diren irizpideak: Ponderazioa, guztira: 30 puntu. Ikusi karatularen 30.2.1.b puntua.

b.1.– Lursailaren eredu digitala ortoerrektifikaziorako. Ponderazioa: 10 puntu.

b.2.– Tratamendu erradiometrikoa. Ponderazioa: 10 puntu.

b.3.– Ortoerrektifikazioa eta mosaikatua. Ponderazioa: 10 puntu.

10.– «C» gutun-azala irekitzeko ekitaldi publikoa.

a) Entitatea: Kontratazio Mahaia (Zerbitzu Zuzendaritza).

b) Herria: 01010 Vitoria-Gasteiz (Araba).

c) Data: 2016ko ekainaren 28a.

d) Ordua: 11:00.

e) Lekua: Lakua IIko 1. aretoa, Donostia kalea 1 (Eusko Jaurlaritzaren egoitza nagusia).

11.– Eskaintza ekonomikoen irekiera.

a) Entitatea: Kontratazio Mahaia (Zerbitzu Zuzendaritza).

b) Herria: 01010 Vitoria-Gasteiz (Araba).

c) Data: 2016ko uztailaren 6a.

d) Ordua: 11:00.

e) Lekua: Lakua IIko 1. aretoa, Donostia kalea 1 (Eusko Jaurlaritzaren egoitza nagusia).

12.– Bestelako argibideak: ez.

13.– Iragarpen-gastuak: enpresa esleipendunaren kontura.

14.– Iragarkia zer egunetan bidali den Europar Batasunaren Aldizkari Ofizialera: ez dago horrelakorik.

15.– Deialdiari buruzko informazioa eta pleguak eskuratzeko atari informatikoa edo webgunea: www.contratacion.info edo www.euskadi.euscontratacion

Vitoria-Gasteiz, 2016ko maiatzaren 23a.

Zerbitzu zuzendaria,

JOSÉ IGNACIO BAÑUELOS IBÁÑEZ.

Azterketa dokumentala