RSS
100. zk., 2016ko maiatzaren 27a, ostirala
- Bestelako formatuak:
- PDF (186 KB - 1 orri.)
- EPUB (194 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
AGINTARIAK ETA LANGILERIA
Oposaketak eta lehiaketak
SEGURTASUN SAILA
2266
EBAZPENA, 2016ko maiatzaren 12koa, Segurtasuneko sailburuordearena eta Administrazio eta Zerbitzuen sailburuordearena, 2016ko martxoaren 16ko Ebazpenaren bidez deitutako prozedurako zenbait lanposturen behin betiko atxikipenak eta zerbitzu-eginkizunak erabaki dituen Ebazpena Segurtasun Saileko Gurenet atarian noiz jarri den jakitera ematen duena.
Segurtasuneko sailburuordearen eta Administrazio eta Zerbitzuen sailburuordearen 2016ko martxoaren 16ko baterako Ebazpenaren bidez deialdia egin da Ertzaintzako karrerako funtzionarioentzat gordetako Ertzaintzako Egiterapen Eskalako komisario eta komisariondoko kategorietako (C121) zenbait lanpostu izendapen askeko sistemaren bidez behin betiko betetzeko prozedurarako eta, goragokoak eskumenak bereganatuta, zerbitzu-eginkizunak esleitzeko prozedurarako (C122) (EHAA, 56. zenbakia, martxoaren 22koa). Bada, ebazpen horren hirugarren erabakiaren 2. atalean ezarritakoarekin bat etorrita eta Segurtasun Sailaren egitura organikoari eta funtzionalari buruzko apirilaren 9ko 194/2013 Dekretuak ematen dituen eskumenak baliatuta, hauxe
EBAZTEN DUT:
Artikulu bakarra.– Jakitera ematea 2016ko maiatzaren 11n Segurtasun sailaren Gurenet atarian Segurtasuneko sailburuordearen eta Administrazio eta Zerbitzuen sailburuordearen 2016ko maiatzaren 11ko baterako Ebazpena jarri dela, zeinaren bitartez Ertzaintzako Egiterapen Eskalako komisario eta komisariondoko kategorietako zenbait lanpostu izendapen askeko sistemaren bidez behin betiko esleitu diren eta, goragokoak eskumenak bereganatuta, beste lanpostu batzuk zerbitzu-eginkizunetan eman diren, Segurtasuneko sailburuordearen eta Administrazio eta Zerbitzuen sailburuordearen 2016ko martxoaren 16ko baterako Ebazpenaren bidez deitutako prozeduran (EHAA, 56. zenbakia, martxoaren 22koa).
Vitoria-Gasteiz, 2016ko maiatzaren 12a.
Segurtasuneko sailburuordea,
JESÚS MARÍA ZUBIAGA NIEVA.
Administrazio eta Zerbitzuetako sailburuordea,
JOSEBA IÑAKI GURTUBAI ARTETXE.
