Euskal Herriko Agintaritzaren Aldizkaria

85. zk., 2016ko maiatzaren 6a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

GARAPENERAKO LANKIDETZAREN EUSKAL AGENTZIA

1921

EBAZPENA, 2016ko apirilaren 19koa, Garapenerako Lankidetzaren Euskal Agentziaren zuzendariarena, Medicus Mundi Alava erakundeari eskatzen diona «Yacullay. El agua: Derecho humano al desarrollo. Inclusión social y reducción de la pobreza en zonas rurales andinas post-violencia» programa gauzatzeko emandako diru-laguntzaren zati baten itzulera, 2012ko GLSFren kontura programei laguntzak emateko deialdiaren barruan aurkeztutakoa.

Garapenerako Lankidetzaren Euskal Agentziaren zuzendariaren 2012ko uztailaren 2ko Ebazpenaren bidez, Medicus Mundi Alava erakundeari 1.166.431,75 euroko diru-laguntza eman zitzaion «Yacullay. El agua: Derecho humano al desarrollo. Inclusión social y reducción de la pobreza en zonas rurales andinas post-violencia» programa gauzatzeko.

Erakunde horrek, 2015eko abenduaren 30ean, Garapenerako Lankidetzaren Euskal Agentzian aipatutako programaren txosten finala aurkeztu zuen.

Behin txostena aztertuta, diru-laguntzaren onuradun den Medicus Mundi Alava erakundeak ez du zuritu emandako diru-laguntza osoa, ezta onartutako aurrekontu osoa ere.

Batik bat, Medicus Mundi Alavak diru-laguntza osoaren % 97,31 zuritu du, hau da, 1.136.431,64 euro; eta aurrekontu osoaren % 97,57, 1.347.516,92 euro, alegia.

Horren arabera, erakundeari eskatzen zaio diru-laguntza osoaren zuritu gabeko kopurua itzultzeko. Kontuan hartuta hasiera batean emandako diru-laguntza eta sortutako interesak (1.167.904,58 euro guztira), kopuru hori 31.472,94 euro dira.

Garapena eta Lankidetza Sustatzeko Fondoaren kargurako programetarako laguntzak arautzen dituen apirilaren 3ko 57/2007 Dekretuaren 89. artikuluko 3. idatzi-zatiak ezarritakoaren arabera, erakunde esleipendunak programaren aurreikusitako garapenean funtsezko eragina izan dezakeen edozein gorabeherak jakinarazi beharko dizkio aldez aurretik Garapen Lankidetzarako Zuzendaritzari, eta programan egin nahi diren aldaketak gauzatu aurretik baimen-eskaera bidali beharko dio, aurrekontuan dituzten ondorioak zehaztuta.

Proposatutako aldaketak onartzeko eskumenari dagokionez, Garapenerako Lankidetzaren Euskal Agentzia sortu, arautu eta jardunean jarri ondoren (ekainaren 19ko 5/2008 Legea, Garapenerako Lankidetzaren Euskal Agentzia sortu eta arautzen duena; martxoaren 23ko 95/2010 Dekretua, Garapenerako Lankidetzaren Euskal Agentziaren antolaketa eta funtzionamenduko erregelamendua onartzen duena; azaroaren 23ko 310/2010 Dekretua, Garapenerako Lankidetzaren Euskal Agentziaren jarduerak abiaraztea arautzen duena), aipatutako eskumena, eta, oro har, laguntza horiek kudeatzeko behar diren ebazpenak ezartzeko Garapenerako Lankidetzaren Euskal Agentziaren zuzendariari dagokio.

Horren ondorioz, honako hau

EBAZTEN DUT:

Lehenengoa.– Medicus Mundi Alava erakundeari eskatzea 2012ko lankidetza programentzako laguntzak emateko deialdiaren barruan aurkeztutako «Yacullay. El agua: Derecho humano al desarrollo. Inclusión social y reducción de la pobreza en zonas rurales andinas post-violencia» programaren diru-laguntza osoaren zuritu gabeko kopurua itzultzeko.

Bigarrena.– Medicus Mundi Alavak itzuli beharreko kopurua 31.472,94 euro dira.

Hirugarrena.– Ebazpen honen aurka, gorako errekurtsoa jarri ahal izango zaio Garapenerako Lankidetzaren Euskal Agentziaren lehendakariari, hilabeteko epean, argitaratzen den egunaren biharamunetik aurrera kontatzen hasita. Gora jotzeko errekurtsoa aurkeztu eta hiru hilabete igarota oraindik ez bada ezer ebatzi, errekurtsoa ez dela onartu pentsatu beharko da, eta administrazioarekiko auzietarako bidea irekiko da.

Vitoria-Gasteiz, 2016ko apirilaren 19a.

Garapenerako Lankidetzaren Euskal Agentziako zuzendaria,

PAUL ORTEGA ETCHEVERRY.

Azterketa dokumentala