Euskal Herriko Agintaritzaren Aldizkaria

38. zk., 2016ko otsailaren 25a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

LEHENDAKARITZA

847

5/2016 DEKRETUA, otsailaren 18koa, Lehendakariarena, Lan Harremanen Kontseiluko kide bat aldatzeko dena.

Lan Harremanen Kontseiluari buruzko otsailaren 23ko 4/2012 Legearen 5. artikuluaren arabera, Lehendakariak du sindikatu-konfederazioek eta enpresa-konfederazioek Lan Harremanen Kontseiluan dituzten kideak izendatzeko eskumena, konfederazioek beraiek beren ordezkariak aukeratu ondoren. Bestalde, lege horren 6. artikuluaren arabera, kontseiluko kideen agintaldia bi urtekoa izango da; horrek ez du esan nahi, ordea, berriro ere aukeratu ezin direnik.

Dena den, Lan Harremanen Kontseiluari buruzko otsailaren 23ko 4/2012 Legearen 6.2 artikuluak sindikatu-konfederazioei eta -erakundeei eta enpresa-konfederazioei aukera ematen die izendatutako kide titularrak edo ordezkoak aldatzeko.

Legezko ahalmen horren indarrez, Confebask-Euskal Enpresarien Konfederakuntzak Lehendakariaren uztailaren 31ko 19/2014 Dekretuari jarraikiz izendatutako kide bat ordezkatu, eta beste kide bat izendatzea erabaki du, bere izenean kontseiluan aritzeko.

Ondorioz, honako hau

XEDATZEN DUT:

1. artikulua.– María José Irastorza Estensoro andrea Lan Harremanen Kontseiluko kide titular izendatzea, Confebask-Euskal Enpresarien Konfederakuntzak aukeratuta, Manuel Guerrero Igea jaunaren ordez.

2. artikulua.– Euskal Herriko Agintaritzaren Aldizkarian argitaratzen den egunean bertan izango ditu ondorioak dekretu honek.

Vitoria-Gasteizen, 2016ko otsailaren 18an.

Lehendakaria,

IÑIGO URKULLU RENTERIA.

Azterketa dokumentala