Euskal Herriko Agintaritzaren Aldizkaria

9. zk., 2016ko urtarrilaren 15a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Obra, zerbitzu eta horniduren enkanteak eta lehiaketak

OSAKIDETZA-EUSKAL OSASUN ZERBITZUA

155

IRAGARKIA, Osakidetza-Euskal osasun zerbitzuarena /Bizkaiko Osasun Mentaleko Sarearena, espediente-lizitazioko prozedura ireki honi buruzkoa: «Bizkaiko Osasun Mentaleko Sarearen segurtasun- eta zaintza-zerbitzua».

1.– Erakunde esleitzailea.

a) Erakundea: Osakidetza-Euskal osasun zerbitzua, Osasun Sailari atxikitako Ente Publikoa, Bizkaiko Osasun Mentaleko Sarea (BOMS), María Díaz de Haro kalea, 58, 48010, Bilbao (Bizkaia). Telefonoak: 94 470 52 80. Telefaxa: 94 470 52 82.

b) Espedientea izapidetzen duen bulegoa: Bizkaiko Osasun Mentaleko Sarea – Kontratazio Zerbitzua.

c) Espediente-zenbakia: G/209/20/1/1484/O501/0000/122015.

2.– Kontratuaren xedea.

a) Kontratu-mota: zerbitzuak.

b) Xedearen deskribapena: Bizkaiko Osasun Mentaleko Sarearen segurtasun- eta zaintza-zerbitzua.

c) Loteak eta kopurua: ez (lote bakarra). Ikus zehaztasunak oinarri teknikoen pleguan.

3.– Izapidetzea, prozedura eta esleitzeko era.

a) Izapidetzea: arrunta.

b) Prozedura: irekia.

4.– Lizitazioaren oinarrizko aurrekontua: 1.556.000,00 euro, bi urterako (BEZa kanpo). Kontratuaren balio zenbatetsia: 3.267.600,00 euro (BEZa kanpo).

5.– Behin-behineko bermea: ez da behar.

6.– Dokumentazioa eta argibideak jasotzeko tokia: Bizkaiko Osasun Mentala, María Díaz de Haro, 58, 48010, Bilbao (Bizkaia) eta kontratatzailearen profilaren bitartez. Ikus 13. puntua.

7.– Kontratistaren berariazko betekizunak.

Sailkapena: ezin da sailkapena eskatu azaroaren 14ko 3/2001 LEDaren 65.1.b) artikuluaren arabera. Legegintzako Errege Dekretu horren bidez SPKLTB onartzen da (2015eko azaroaren 5ean indarrean sartu zen Kontratuen Legearen Araudi Orokorraren hainbat manu aldatzen dituen abuztuaren 28ko 773/2015 EDaren 46. artikuluak emandako araudiaren garapena).

Halere, dokumentazio-izapideak errazteko, beherago adierazitako sailkapena duten lizitatzaileek, hala egiaztatuz gero, baldintza hori betetzen dutela ulertuko da. Horrela izango ez balitz, hurrengo puntuen arabera egiaztatu beharko da.

(Ikus .PDF)

Sailkapenik ezean, Europar Batasuneko estatu kideetako enpresa ez espainiarrek ekonomia- eta finantza-kaudimenari eta gaitasun teknikoari buruzko betekizun hauek egiaztatu beharko dituzte SPKLTBren 75. eta 78. artikuluen arabera, ondoren aipatzen diren bitartekoen bidez, betiere klausulen agirian atzerriko enpresei buruzko eranskinak aipatzen duen presuntzioaren kalterik gabe:

Enpresek, jarraian ezarritako bitartekoen bidez, ekonomia- eta finantza-kaudimenari eta gaitasun tekniko edo profesionalari dagozkion betekizun hauek egiaztatu beharko dituzte:

Bai, atzerriko enpresentzat eta borondatez adierazitako sailkapena egiaztatzen ez dutenentzat.

Egiaztatzeko bideak:

a) Ekonomia- eta finantza-kaudimena:

Arrisku profesionalengatiko kalte-ordaineko aseguru bat dagoela erakutsiko da egiaztagiri bidez. Horrek jaso beharko ditu: estalitako arrisku zehatzak, indarraldiaren gutxieneko epea edo iraungipen-data eta hori, esleipenduna izanez gero, kontratua exekutatzen den denboran mantendu beharko da, bi urteko lizitaziorako aurreikusitako aurrekontuaren kopuru bera edo handiagoa muga izanik; hau da, 1.556.000,00 euroko (BEZa kanpo) muga izanik.

b) Kaudimen teknikoa edo profesionala:

Azken bost urteotan egindako lanik nabarmenenak edo emandako zerbitzurik aipagarrienak, zerbitzu edo lan horien zenbatekoak, datak eta hartzaileak, publiko zein pribatuak, jasotzen dituen zerrenda. Hartzailea sektore publikoko erakundea denean, organo eskudunak jaulkitako edo ontzat emandako ziurtagiri bidez egiaztatu beharko dira egindako lanak edo zerbitzuak; hartzailea subjektu pribatu bat denean, berorrek emandako ziurtagiriaren bitartez, eta, halakorik ezean, enpresaburuaren adierazpen baten bidez.

Enpresaburuak aipatutako epealdiaren exekuzio handieneko urtean zehar exekutatu gisa egiaztatu beharko duen urteko zenbatekoa, kontratu honen xede diren izaera bereko edo antzeko zerbitzuetan, gutxienez kontraturako aurreikusitako balioaren kopuru berekoa izango da; hau da, 3.267.600,00 euro/urtean.

Horrez gain, gaitasun teknikoa egiaztatu beharko da, kontratua gauzatzeko behar diren giza baliabideak edo bitarteko materialak jartzeko konpromisoaren bidez, eta eskaintzan zehaztu beharko da erantsitako dokumentuari jarraikiz.

8.– Eskaintzak edo parte hartzeko eskabideak aurkezteko era.

a) Aurkezteko azken eguna: 2016ko otsailaren 4a, osteguna, 12:00etan.

b) Aurkeztu beharreko agiriak: administrazio-klausula berezien pleguan zehaztutakoa eta espedientearen gainontzeko dokumentazioa.

c) Aurkezteko lekua: ikus 1.a puntua, Erregistro Orokorrean.

d) Lizitatzaileak zenbat denboran eutsi behar dion bere eskaintzari: 2 hilabetez, proposamen ekonomikoak irekitzen direnetik aurrera.

e) Aldaerak onartzea: ez.

9.– Eskaintzak baloratzeko irizpideak, administrazio-klausula berezien pleguaren karatularen 30. puntuan ezarritakoaren arabera.

a) Formuletan oinarritutako irizpideak: Prezioa/balorazio ekonomikoa: % 90.

b) Balio-judizioan oinarritutako irizpideak: Laneko Planaren proposamena: % 10.

10.– Eskaintzak irekitzea.

a) Eskaintzak irekitzea, balio-judizioa egiteari lotutako irizpideei dagokienez: Erakundea: Bizkaiko Osasun Mentaleko Sarea: María Díaz de Haro, 58, 48010 Bilbao (Bizkaia), Data: 2016ko otsailaren 11, osteguna, 10:00etan.

b) Eskaintzak irekitzea, alderdi ekonomikoari eta formula bidez balioztatu daitezkeen irizpideei dagokienez: Erakundea: Bizkaiko Osasun Mentaleko Sarea: María Díaz de Haro, 58, 48010 Bilbao (Bizkaia), Data: osteguna, 2016ko otsailaren 25a, 10:00etan.

c) Eskaintzak jendaurrean aipatutako egunetan irekiko dira, atzeratzen ez bada, Herri Administrazioen Kontratuei buruzko Legearen Erregelamendu Orokorraren 80.4 artikulua aplikatuta (1098/2001 ED) edo bestelako arrazoiagatik atzeratzen ez bada, eta kasu bietan irekitzeko beste egunen berri emango da, bakar-bakarrik, Eusko Jaurlaritza/Osakidetza Kontratatzailearen profilaren «Iragarki-taula»ren bidez.

11.– Bestelako argibideak:

a) Kontratuaren iraupena bi urtekoa izango da, baina luzatu egin daiteke.

12.– Iragarkien gastuak: esleipendunak ordainduko ditu (461,52 euro, gutxi gorabehera).

13.– Kasua bada, deialdiari buruzko argibideak lortzeko edo pleguak eskuratzeko atari informatikoa edo web orria: bai. Eusko Jaurlaritzako kontratatzailearen profila, web orri honen bidez: www.osakidetza.euskadi.eus

Bilbao, 2016ko urtarrilaren 11.

Kontratazio Mahaiko presidentea,

BERNARDO SUAREZ MONASTERIO.

Azterketa dokumentala