![Euskal Herriko Agintaritzaren Aldizkaria](/appcont/servibopvi/images/bopv_anuncio_e.png)
217. zk., 2015eko azaroaren 13a, ostirala
- Bestelako formatuak:
- PDF (204 KB - 1 orri.)
- EPUB (193 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
BARAKALDOKO LEHEN AUZIALDIKO 6 ZENBAKIKO EPAITEGIA
4867
EDIKTUA, 1529/2014 prozedura arruntaren ondoriozkoa.
Barakaldoko Lehen Auzialdiko 6 zenbakiko Epaitegia.
Judizioa: 1529/2014 prozedura arrunta.
Demandatzailea: Barakaldoko Autonomia kaleko 40 zenbakiko Jabekideen Erkidegoa.
Abokatua: Andoni Paredes Vazquez.
Prokuradorea: Jose Felix Basterrechea Aldana.
Demandatua: Jose Luis Urquiza Rabanera eta jaraunspen jasogabea eta/edo Jose Manuel Urquiza Asua-ren eta Marcelina Rabanera Yanguas-en jaraunsle ezezagunak.
Judizio horretan, epaia eman da 2015-10-14an. Hona hemen epaitza:
EPAITZA
Osorik baiesten dut José Félix Basterrechea Aldana prokuradoreak Barakaldoko Autonomia kaleko 40 zenbakiko Jabekideen Erkidegoaren izenean eta ordez aurkeztutako demanda, honako hauen aurkakoa: Jose Luis Urquiza Rabanera eta jaraunspen jasogabea eta/edo Jose Manuel Urquiza Asua eta Marcelina Rabanera Yanguas jaun-andreen jaraunsle ezezagunak. Horrenbestez, alderdi demandatua kondenatzen dut bere jabetzako finkan aldi baterako bide-zortasuna onartzera, aldamioak jarri eta langileak igaro daitezen (ebazpen honetako zuzenbideko lehenengo oinarrian deskribatuta dago), hain zuzen ere higiezinaren fatxada birgaitzeko lanak egiteko. Aurretik, auzi-jartzaileak 133,28 euro ordaindu behako ditu, bide-zortasun horrek demandatuei eragindako kalte eta galeren ordain gisa. Prozesuko kostuak alderdi demandatuari ezartzen dizkiot.
Demandatuen, hau da, Jose Luis Urquiza Rabanera jaunaren eta jaraunspen jasogabearen eta/edo Jose Manuel Urquiza Asua eta Marcelina Rabanera Yanguas jaun-andreen jaraunsle ezezagunen egungo bizilekuak ezezagunak direnez, ebazpen hori Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibileko 1/2000 Legearen 497.2 artikuluan xedatutakoaren arabera (PZLb).
Ebazpen horren aurka, apelazio-errekurtsoa aurkez dezake azi-ihesean den demandatuak.
Interesdunak eskuragarri du jakinarazten den ebazpenaren testu osoa, epaitegi honetako bulego judizialean.
Barakaldo (Bizkaia), 2015eko urriaren 22a.
JUSTIZIA ADMINISTRAZIOAREN LETRADUA.