![Euskal Herriko Agintaritzaren Aldizkaria](/appcont/servibopvi/images/bopv_anuncio_e.png)
205. zk., 2015eko urriaren 28a, asteazkena
- Bestelako formatuak:
- PDF (196 KB - 2 orri.)
- EPUB (194 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
BILBOKO LEHEN AUZIALDIKO 1 ZENBAKIKO EPAITEGIA
4550
EDIKTUA, 1199/2014 hitzezko judizioaren ondoriozkoa.
Bilboko Lehen Auzialdiko 1 zenbakiko Epaitegia
Judizioa: 1199/2014 hitzezko judizioa.
Demandatzailea: Bilboko Santutxu 5 zenbakiko jabeen erkidegoa.
Abokatua: Gerardo Ariztimuño Quintanilla.
Prokuradorea: Emilio Martinez Guijarro.
Demandatua: Maria Soledad Benavente Campos.
Aipatu judizioan, dekretua eman zen 2015-09-23an, eta honako hauek dira xedapenak:
XEDAPENAK
1.– Amaitutzat jotzen da Martinez Guijarro prokuradoreak Bilboko Santutxu 5 zenbakiko jabeen erkidegoaren izenean eta ordezkaritzan sustatu duen prozesua, Maria Soledad Benavente Camposen aurkakoa. Gaia: zenbateko bat erreklamatzea.
2.– Ez da kostuak ordaintzeko kondenarik ezartzen.
3.– Artxiba bitez jarduerak.
Epaileari ezagutarazten diot ebazpen hau.
Aurkaratzeko modua: epaitegi honetan berrikusteko errekurtsoa aurkeztuta. Horretarako, jakinarazpena egin eta biharamunetik bost egun balioduneko epean aurkeztu beharko da idazkia, eta, bertan, errekurtso-egilearen ustez zein arau-hauste egin den adieraziko da; eskakizun horiek bete ezean, aurkaratzea ez da onartuko (PZL, 454.bis artikulua).
Errekurtsoa aurkezteak ez du ekarriko errekurritutako ebazpena etetea (PZL, 454.bis artikulua).
Errekurtsoa jarri ahal izateko, 25 euroko gordailua eratu beharko da, eta, egin ezean, ez da errekurtsoa izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan. Kontuaren zenbakia hauxe da: 4705. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 01-Berrikusketa). Diru-kopuru hori zainpean jarri izana egiaztatu beharko da errekurtsoa aurkeztean (BJLO, 15. xedapen gehigarria).
Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak».
Hala agintzen eta sinatzen dut.
Maria Soledad Benavente Campos demandatuaren egungo bizilekua ezezaguna denez, ebazpen hori Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibileko 1/2000 Legearen 497.2 artikuluan xedatutakoaren arabera (PZLb).
Ebazpen horren aurka, apelazio-errekurtsoa aurkez dezake auzi-ihesean den demandatuak.
Jakinarazten den ebazpenaren testu osoa eskura du interesdunak, epaitegi honetako bulego judizialean.
Bilbao (Bizkaia), 2015eko irailaren 28a.
IDAZKARI JUDIZIALA.