Euskal Herriko Agintaritzaren Aldizkaria

202. zk., 2015eko urriaren 23a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Obra, zerbitzu eta horniduren enkanteak eta lehiaketak

INGURUMEN ETA LURRALDE POLITIKA SAILA

4483

IRAGARKIA, prentsan, irratian, telebistan eta kanpoko euskarrietan publizitate-tarteak erosi eta planifikatzeko zerbitzuaren lizitaziorako (025SV/2015 espedientea).

1.– Entitate esleitzailea.

a) Erakundea: Ingurumen eta Lurralde Politika Saileko Zerbitzu zuzendaria.

b) Espedientea izapidetzen ari den bulegoa: Kontratazio Mahaia (Zerbitzu Zuzendaritza).

c) Espedientearen zenbakia: 025SV/2015.

2.– Kontratuaren ezaugarriak.

a) Helburua: prentsan, irratian, telebistan eta kanpoko euskarrietan publizitate-tarteak erosi eta planifikatzea.

b) Multzotan zatitzea: ez da multzotan zatitu.

c) Burutzeko lekua: Euskal Autonomia Erkidegoan, prentsan, irratian, telebistan eta kanpoko euskarrietan.

d) Burutzeko epea: urtebete.

3.– Izapideak, prozedura eta esleitzeko modua.

a) Izapideak: arrunta.

b) Prozedura: irekia.

c) Esleitzeko modua: hainbat irizpide.

4.– Lizitazioaren oinarrizko aurrekontua: hirurehun eta hirurogeita hamaika mila bederatziehun euro eta laurogeita hiru zentimo (371.900,83) gehi hirurogeita hemezortzi mila eta laurogeita hemeretzi euro eta hamazazpi zentimo (78.099,17) BEZarenak. Beraz, guztira, laurehun eta berrogeita hamar mila (450.000) euro.

5.– Behin-behineko bermea: ez dago jarri beharrik.

6.– Agiriak eta argibideak lortzeko:

a) Entitatea: Eusko Jaurlaritza. Ingurumen eta Lurralde Politika Saila.

b) Helbidea: Donostia kalea, 1.

c) Herria eta posta-kodea: 01010, Vitoria-Gasteiz.

d) Telefonoa: 945 01 98 26.

e) Agiriak eta argibideak eskuratzeko azken eguna: 2015eko azaroaren 26a.

f) Kontratu honi buruzko informazio guztia webgune honetan eskura daiteke: www.contratación.info edo www.euskadi.eus/contratacion

7.– Kontratistaren betebeharrak:

Sailkapena: bai.

Taldea: T; Azpitaldea: 1; Kategoria: C

Sailkapen hori ez badute, Europar Batasuneko kide diren estatuetako enpresa ez espainiarrek ondoren zehaztuko den eran egiaztatu beharko dituzte ekonomia- eta finantza-kaudimena eta kaudimen teknikoa.

A) Ekonomia- eta finantza-kaudimena: urteko negozioen guztizkoaren gaineko adierazpena, azken hiru urteei dagokienez urte bakoitzean, gutxienez, 375.000 eurokoa izan behar dena.

B) Kaudimen teknikoa: azken hiru urteetan egindako lan edo zerbitzu nagusien zerrenda aurkeztu beharko dute enpresek, lan horien zenbatekoa, datak eta onuradunak (publikoak nahiz pribatuak) zehaztuko dituena. Lanak egiaztatzeko organo eskudunak egindako edo bisaturiko ziurtagiriak aurkeztu beharko dira hartzailea sektore publikokoa izan bada; eta pertsona pribatua bada, pertsona horrek egindako ziurtagiria edo enpresaburuaren aitorpena. Enpresak, gutxienez, lizitazioaren objektuaren antzeko hiru lan egin behar izan ditu azken hiru urteetan.

8.– Eskaintzak edo parte hartzeko eskabideak aurkeztea:

a) Agiriak aurkezteko azken eguna: 2015eko azaroaren 27a, 12:00ak baino lehen.

b) Aurkeztu beharreko dokumentazioa: administrazio-klausula zehatzen agirian adierazten direnak.

c) Eskabideak aurkezteko lekua:

c.1.– Elektronikoki lizitatuz gero, honako web orriaren bidez egin daiteke aurkezpena: www.contratacion.info edo www.euskadi.eus/contratacion

c.2.– Paperean lizitatuz gero, honako leku honetan:

1) Erakundea: Ingurumen eta Lurralde Politika Saila.

2) Helbidea: eskuan eraman beharko dira Ingurumen eta Lurralde Politika Sailaren Erregistro Nagusira, Vitoria-Gasteizko Donostia kaleko 1era (Eusko Jaurlaritzaren egoitza nagusia), goian aipatutako epean. Postaz ere bidali ahal izango dira, eta eskaintza postan zein egunetan jarri den, egun berean (eta betiere eskaintzak aurkezteko muga-ordua baino lehen) kontratazio organoari telex, telekopia, edo telegrama bidez jakinarazi eta egiaztatu beharko zaio. Eskakizun bi horiek betetzen ez badira edo eskaintza bidali izanaren jakinarazpenak eskaintzak jasotzeko finkatutako epea amaitutakoan jasotzen badira, ez dira onartuko. Nolanahi ere, eskaintza postaz bidali, eta hamar egun naturaleko epean jasotzen ez bada, inolaz ere ez da onartuko.

3) Herria eta posta kodea: 01010, Vitoria-Gasteiz (Araba).

d) Lizitatzaileak zenbat denbora eutsi behar dion eskaintzari: 2 hilabete, proposamenak irekitzen direnetik aurrera kontatuta.

e) Aldaerak: ez da aldaera edo alternatibarik onartuko.

f) Prozedura mugatua bada, eskaintzak aurkezteko gonbita egin nahi zaien enpresen kopurua edo gutxienezko edo gehienezko kopurua: ez dago horrelakorik.

9.– Esleitzeko irizpideak:

a) Formulak aplikatuz automatikoki balioestekoak diren irizpideak. Ponderazioa, guztira: 146 puntu.

a.1.– Iragarki ofizial eta informatiboak izapidetzeko eskaintza ekonomikoa (planifikazioa eta euskarriak). Ponderazioa: 86 puntu. Formula: ikus karatularen 30.2.2.a puntua.

a.2.– Publizitate-kanpainetako iragarkiak izapidetzeko eskaintza ekonomikoa (planifikazioa eta euskarriak). Ponderazioa: 60 puntu. Formula: ikus karatularen 30.2.2.a puntua.

b) Balio-iritzietan oinarrituta aplikatu behar diren irizpideak: Ponderazioa, guztira: 54 puntu.

b.1.– Iragarki ofizial eta informatiboen kudeaketa teknikoa. Ponderazioa: 14 puntu. Azpirizpideak: Ikusi karatularen 30.2.2.b puntua.

b.2.– Publizitate-kanpainetako iragarkien kudeaketa teknikoa. Ponderazioa: 40 puntu. Azpirizpideak: Ikusi karatularen 30.2.2.b puntua.

10.– C gutunazalak irekitzeko ekitaldi publikoa:

a) Entitatea: Kontratazio Mahaia (Zerbitzu Zuzendaritza).

b) Herria: 01010, Vitoria-Gasteiz (Araba).

c) Data: 2015eko abenduaren 10a.

d) Ordua: 11:00.

e) Lekua: Lakua IIko 1. aretoa, Donostia kalea, 1 (Eusko Jaurlaritzaren egoitza nagusia).

11.– B gutunazalak (formulen bidez baloratu beharreko irizpideak) irekitzeko ekitaldi publikoa:

a) Entitatea: Kontratazio Mahaia (Zerbitzu Zuzendaritza).

b) Herria: 01010, Vitoria-Gasteiz (Araba).

c) Data: 2015eko abenduaren 22a.

d) Ordua: 11:00.

e) Lekua: Lakua IIko 1. aretoa, Donostia kalea, 1 (Eusko Jaurlaritzaren egoitza nagusia).

12.– Bestelako argibideak: ez.

13.– Iragarpen-gastuak: enpresa esleipendunaren kontura.

14.– Iragarkia Europako Batasunaren Aldizkari Ofizialera bidalitako eguna: 2015eko urriaren 16a.

15.– Deialdiari buruzko informazioa eta pleguak eskuratzeko atari informatikoa edo webgunea: www.contratacion.info edo www.euskadi.net/contratacion

Vitoria-Gasteiz, 2015eko urriaren 19a.

Zerbitzu zuzendaria,

JOSÉ IGNACIO BAÑUELOS IBÁÑEZ.

Azterketa dokumentala