![Euskal Herriko Agintaritzaren Aldizkaria](/appcont/servibopvi/images/bopv_anuncio_e.png)
189. zk., 2015eko urriaren 5a, astelehena
- Bestelako formatuak:
- PDF (222 KB - 2 orri.)
- EPUB (195 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
BERGARAKO LEHEN AUZIALDIKO ETA INSTRUKZIOKO 3 ZENBAKIKO ZUZENEKO LAGUNTZA EMATEKO UNITATE PROZESALA
4178
EDIKTUA, ezkontzaz kanpoko seme-alabentzako neurrietarako 161/2014 prozeduraren ondoriozkoa.
JAKINARAZPEN-ZEDULA
Epaia eman da, Fouzia Chakir-ek eskatuta Jamal Boussalham-en aurka, Bergarako Lehen Auzialdiko 3 zenbakiko Epaitegian bideratu den ezkontzaz kanpoko seme-alabentzako neurrietarako 161/2014 prozeduran. Hona hemen epaiaren idazpurua eta epaitza:
34/2015 EPAIA
Epailea: Cristina Vicente Notario.
Lekua: Bergara (Gipuzkoa).
Eguna: bi mila eta hamabosteko maiatzaren hemezortzia.
Alderdi demandatzailea: Fouzia Chakir.
Abokatua: Mariano Cantalapiedra Luzuriaga.
Prokuradorea: Miguel Angel Oteiza Iso.
Alderdi demandatua: Jamal Boussalham.
Abokatua.
Prokuradorea.
Judizioaren gaia: familia-zuzenbidea.
EPAITZA
Azaldutakoaren indarrez.
Erabaki dut zati batean baiestea Fouzia Chakiren auzi-ordezkariak jarritako demanda; horrenbestez, honako neurri hauek hartuko dira:
1.– Ez da deklaratu behar hautsitakotzat Fouzia Chakiren eta Jamal Boussalhamen arteko bikote-lotura, ezta elkarri emandako ahalak errebokatu ere, epaite honek ez duelako ez eskumenik ez jurisdikziorik.
2.– XXXXX alaba adingabearen zaintza eta jagoletza ama Fouzia Chakiri esleitzen zaizkio.
3.– Guraso-ahala guraso biena izango da, nahiz eta amak gauzatuko duen, adingabea harekin bizi da eta.
4.– Aitaren bisita-araubideari dagokionez, alaba adingabea denez eta jaio zenetiko harreman falta izan denez, eten egiten da.
5.– Ez da ezkontegoitza aipatu behar, gaur egun ere erabiltzen delako.
6.– Mantenu-pentsiorako kopuru bat ezartzen da, alaba adingabearentzat: hilean berrehun euro (200). Amak adierazitako kontu korrontean sartu beharko du aitak dirua, hileko lehenengo bost egunetan, eta beti hilaren hasieran eta aurretik, adingabearen bizitzako eta lehen mailako beharrak asetzeko xedeaz. Pentsio hori urteko hamabi hiletan ordainduko da; abenduaren 31 guztietan eguneratuko da, urterik urtera, kontsumo-prezioen indizearen arabera (Estatistikako Institutu Nazionalak edo haren ordezko erakundeak argitaratuta).
Alaba adinez nagusia eta ekonomikoki independentea izan arte ordaindu beharko du aitak mantenu-pentsio hori.
7.– Alaba adingabeari eta mendekoari sor dakizkiokeen ezohiko gastuei dagokienez, % 50 ordaindu beharko du aitak. Gastu horien barruan daude: Gizarte Segurantzak estaltzen ez dituen kirurgiakoak, odontologikoak, oftalmologikoak eta osasun- edo farmazia-arlokoak, eskola- edo unibertsitate-matrikula, eskolaz kanpoko jarduerak, etab. Gastu horien gaineko erabakia ama jagoleari dagokio; aitari justifikatu beharko dizkio gastuak, erdiak ordain ditzan.
Ez da hartzen kostuak berariaz ezartzeko erabakirik.
Aurkaratzeko modua: apelazio-errekurtsoa, Gipuzkoako Probintzia Auzitegian (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta hurrengo egunetik aurrera. Idazki horretan, honako hauek adieraziko dira: aurkaratzea zein alegaziotan oinarritzen den, apelatutako ebazpena zein den, eta zein erabaki aurkaratzen diren (PZLb, 458.2 artikulua).
Errekurtsoa jarri ahal izateko, 50 euroko gordailua jarri behar da, eta, hori egin ezean, ez da bera izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan (1876 0000 33 016114). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.
Eta epai honen bidez erabaki, agindu eta sinatzen dut.
Jamal Boussalham demandatuari behar bezala jakinarazpena egiteko balio dezan ematen eta sinatzen dut ediktu hau, Bergaran (Gipuzkoa), bi mila eta hamabosteko irailaren hamabostean.
IDAZKARIA.