RSS
159. zk., 2015eko abuztuaren 24a, astelehena
- Bestelako formatuak:
- PDF (189 KB - 2 orri.)
- EPUB (197 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
EMAKUMEAREN AURKAKO INDARKERIAREN ARLOKO BILBOKO 2 ZENBAKIKO EPAITEGIA
3597
EDIKTUA, more uxorio elkarbizitza etetean hartutako behin betiko neurriak aldatzeari buruz bideratutako 7/2014 prozeduraren ondoriozkoa.
JAKINARAZPEN ZEDULA
Bilboko Lehen Auzialdiko 2 zenbakiko Epaitegian (Bizkaia) neurriak aldatzeari buruzko 7/2014 prozedura bideratu da, Ainhoa Castaño Peña andreak eskatuta, Aitor Azueta Ibarrondo jaunaren aurka. Prozedura horren gainean epaia eman da; hona hemen idazpurua eta epaitza, kopiatuta:
18/2015 EPAIA
Bilbao (Bizkaia), bi mila eta hamabosteko ekainaren hogeita laua.
Nik, Aranzazu Bilbao Otaola andreak, Bilboko Emakumeen Aurkako Indarkeriaren 2 zenbakiko Epaitegiko (Bizkaia) epaile magistratuak, ikusi ditut epaitegi honetan bideratutako 7/2014 autoak, seme-alaba adingabeentzako behin betiko neurriak aldatzeari buruzkoak, honako hauen artean bideratu direnak: batetik, demandatzaile gisa, Ainhoa Castaño Peña andrea, Verónica Vázquez Fontao prokuradore eta Itziar Gorostiaga Isusu letradu duela, eta, bestetik, demandatu gisa, Aitor Azueta Ibarrondo jauna, auzi-iheslaria bera; Fiskaltzak ere parte hartu du.
EPAITZA
Aldatzen ditut epaitegi honetako 39/2013 autoetan 2013ko maiatzaren 3an emandako 9/2013 epaian hartutako neurriak. Epai haren bidez, 2013ko martxoaren 8an Ainhoa Castaño Peña eta Aitor Azueta Ibarrondo gurasoek izenpetutako hitzarmen arau-emailea onartu zen. Aldaketaren ondorioz, neurriok honela geratzen dira:
* Ainhoa Castaño Peña amari dagokio esklusiboki XXXXX eta XXXXX alaba adingabeen guraso-ahala baliatzea, eta hari dagokio, halaber, adingabe horien zaintza eta jagoletza. Etenda geratzen da zaintza ez duen gurasoaren, hau da, Aitor Azueta Ibarrondo jaunaren eta adingabeen arteko bisita-, egonaldi- eta komunikazio-erregimena, eta aurrez inolako erregimenik ezarri beharrean, malgutasunez aplikatuko da, hau da: adingabeek eta aitak hala nahi dutenean gauzatuko da erregimen hori, baina, betiere, aitak 7 egun lehenago jakinarazi beharko dio amari bisita zein egunetan egingo duen.
* XXXXX eta XXXXX adingabeen aldeko mantenu-pentsioa bat ezartzen da, Aitor Azueta Ibarrondo aitaren kargura, berak dituen edo izan litzakeen diru-sarrera garbien % 20koa, eta, edonola ere, gutxienez 150 eurokoa hilean. Zenbateko hori aurreratuta ordaindu beharko da, hileko lehenengo bost egunetan, Castaño Peña andreak horretarako emandako kontu-zenbakian. Diru-zenbateko hori urtero eguneratuko da, Estatistika Institutu Nazionalak edo haren ordezko erakundeak argitaratutako KPIren aldaketen arabera.
* XXXXX eta XXXXX alaba adingabeen aparteko gastuak bi gurasoek ordainduko dituzte, erdibana, aipatu gastuak jakinarazi eta justifikatu eta gero.
Hori guztia, kostuak berariaz inori ezarri gabe.
Aurkaratzeko modua: Bizkaiko Probintzia Auzitegiari aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458,2 artikulua).
Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da: 3623000012000714. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.
Eta epai honen bidez erabaki, agindu eta sinatzen dut.
Argitalpena: epaiari dagokion egunean, jendaurreko entzunaldia egiten ari zelarik, epaia eman zuen epaile magistratu berberak eman, irakurri eta argitaratu zuen. Eta nik, idazkari judiziala naizenez, horren guztiaren fede ematen dut, Bilbon (Bizkaia), bi mila eta hamabosteko ekainaren hogeita hamarrean.
Eta Aitor Azueta Ibarrondo demandatuari behar bezalako jakinarazpena egiteko balio dezan, ematen eta sinatzen dut hau, Bilbon (Bizkaia), bi mila eta hamabosteko uztailaren hogeita zazpian.
IDAZKARIA.
