Euskal Herriko Agintaritzaren Aldizkaria

158. zk., 2015eko abuztuaren 21a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO LEHEN AUZIALDIKO 6 ZENBAKIKO ZUZENEKO LAGUNTZA EMATEKO UNITATE PROZESALA

3579

EDIKTUA, 743/2014 hitzezko judizioaren ondoriozkoa.

Vitoria-Gasteizko Lehen Auzialdiko 6 zenbakiko Epaitegia - Zuzeneko Laguntza Zibila emateko Unitate Prozesala.

Judizioa: 743/2014 hitzezko judizioa.

Demandatzailea: Fluchos, S.L.

Abokatua.

Prokuradorea: Alfredo Aja Garay.

Demandatua: Susana Olasagasti Sasiain, Veronica Olasagasti Sasiain eta Urgulmendiola, S.C.

Gaia: diru-zenbatekoa erreklamatzeari buruzko hitzezko judizioa.

Judizio horretan, epaia eman da 2015-06-08an. Hona hemen epaitza:

EPAITZA

Baiesten dut Aja prokuradoreak Fluchos, S.L.ren izenean eta ordez aurkeztutako demanda. Horrenbestez, Susana Olasagasti Sasiain, Veronica Olasagasti Sasiain eta Urgulmendiola SC kondenatzen dut honako hauek ordaintzera: lau mila ehun eta hogeita hamar euro eta berrogeita zortzi zentimo (4.130,48), gehi % 8, legezko interesei dagokiena, fakturak egin eta hogeita hamar egunetik aurrera sortutakoak, eta ebazpen honen egunetik bi puntu gehituak. Kostuak ere demandatuari ezartzen dizkiot berariaz.

Aurkaratzeko modua: apelazio-errekurtsoa aurkeztuta, Arabako Probintzia Auzitegian (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta hurrengo egunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, zein ebazpen apelatzen den eta zein erabaki aurkaratzen den (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da; baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan (0072 0000 03 0743 14). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Susana Olasagasti Sasiain demandatuaren egungo egoitza ezezaguna denez, aipatutako ebazpena Euskal Herriko Agintaritzaren Aldizkarian argitaratutako ediktu baten bidez jakinaraztea erabaki da, Prozedura Zibileko 1/2000 Legearen 497.2 artikuluaren arabera (PZLb).

Ebazpen horren aurka, apelazio-errekurtsoa aurkez dezake demandatu auzi-iheslariak.

Jakinarazten den ebazpenaren testu osoa eskura du interesdunak, epaitegi honetako bulego judizialean.

Vitoria-Gasteiz, 2015eko ekainaren 26a.

IDAZKARI JUDIZIALA.

Azterketa dokumentala