Euskal Herriko Agintaritzaren Aldizkaria

153. zk., 2015eko abuztuaren 14a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BIZKAIKO PROBINTZIA AUZITEGIA

3515

EDIKTUA, 179/2015 apelazio-errekurtso arruntaren ondoriozkoa.

Bizkaiko Probintzia Auzitegia – Hirugarren Sekzioa.

179/2015 apelazio-errekurtsoa, prozedura arrunta.

Alderdi apelatzailea eta apelatzailea: Barakaldoko Lube 1 Hirigintza-konplexuko Erkidego Orokorra eta Barakaldoko Lube 2 Hirigintza-konplexuko Erkidego Orokorra.

Alderdi apelatua, apelatua, apelatua,apelatua, demandatua eta demandatua: Abaroa, S.A., Cesar Caicoya Gomez Moran, Lorea Garcia Sanchez, Francisco Regil Alvarez, Tomas Rodriguez Gonzalez eta Juan Echavarri de Miguel-en oinordeko ezezagunak eta ez-seguruak.

Gaia: kalte-galeren ordainketa.

Aipatutako errekurtsoan, ebazpena eman da, eta honelaxe dio hitzez hitz:

203/2015 EPAIA

Andreak:

María Concepción Marco Cacho.

Ana Isabel Gutiérrez Gegundez.

Carmen Keller Echevarria.

Bilbon (Bizkaia), bi mila eta hamabosteko ekainaren hogeita seian.

Bizkaiko Probintzia Auzitegia - Hirugarren Sekzioa - gorago zehaztu andrek osatua. Bada, sekzio horrek, apelazio-izapidetan, ikusi ditu Bilboko (Bizkaia) Lehen Auzialdiko 13 zenbakiko Epaitegiko 188/2012 prozedura arrunteko autoak, apelatzaile-demandatzaile diren Barakaldoko Lube 1 Hirigintza-konplexuko Erkidego Orokorrak eta Barakaldoko Lube 2 Hirigintza-konplexuko Erkidego Orokorrak eskatutakoak, Pablo Bustamante Esparza prokuradoreak ordezkaturik eta Jose Ignacio Montes Sesar letratuak defendaturik; eta, autook, bestalde, honako hauek kontrakoak ziren: apelatu-aurkaratzaile den Abaroa, S.A., Guillermo Smith Apalategui prokuradoreak ordezkatua eta Ramon Urrutia Bengoa letratuak zuzendua; apelatu-demandatu diren Cesar Caicoya Gomez Moran eta Lorea Garcia Sanchez, Paula Basterrecha Arcocha prokuradoreak ordezkatuak eta Cesar Lopez Lopez letratuak defendatuak; apelatu-demandatua den Francisco Regil Alvarez, M.ª Teresa Bajo Auz prokuradoreak ordezkaturik eta Jose A. Loidi Alcaraz letratuak zuzendua; eta apelatu-demandatu diren eta auzi-ihesean diren Tomas Rodriguez Gonzalez eta eta Juan Echavarri de Miguel-en oinordeko ezezagunak eta ez-seguruak; guztia ere, 2014ko azaroaren 19an, aipatu epaitegian emandako epaiaren aurkako apelazio-errekurtsoaren ondorioz.

Aurkaratutako epaiarekin lotura duten aurrekariak funtsean adierazitakotzat jo, eta onartzen dira.

EPAITZA:

Barakaldoko Lube 1 Hirigintza-konplexuko Erkidego Orokorrak eta Barakaldoko Lube 2 Hirigintza-konplexuko Erkidego Orokorrak aurkeztutako apelazio-errekurtsoa ezesten dugunez gero; eta, 2014ko azaroaren 19an, 188/2012 prozedura arrunteko autoetan, Bilboko Lehen Auzialdiko 13 zenbakiko Epaitegiak emandako epaiaren aurka, Abaroa, S.A.k aurkeztutako aurkarapena ezesten dugunez gero, berretsi egiten dugu aipatu ebazpena. Apelazio-errekurtsoaren kostuak parte apelatuari ezarriko zaizkio, eta apelatzaileek sortutakoak aurkaratzaileari, eta haietariko bakoitzak bereei egin beharko die aurre.

Jatorriko epaitegiko idazkari judizialak transferi beza gordailua errekurtso ezetsien eta ez-onartuen gordailu-kontura.

Aurkaratzeko modua: kasazio-interesa egiaztatuz gero, kasazio-errekurtsoa aurkez daiteke Auzitegi Gorenean, Arlo Zibileko Salan. Errekurtsoa jartzeko, idazkia aurkeztu behar da epaitegi honetan, hogei egun balioduneko epean, ediktu hau jakinarazi eta biharamunetik aurrera (PZLb, 477. eta 479. artikuluak).

Prozesuko arau-haustea dela-eta ezohiko errekurtsoa ere jarri ahal izango da, Auzitegi Goreneko Arlo Zibileko Salan, PZLb-n aurreikusitako arrazoiren batengatik. Errekurtso hori idatziz aurkeztu beharko da, epaitegi honetan, jakinarazpena egin eta ondoko hogei eguneko epean (PZLb-ko 470.1 artikulua eta azken xedapenetatik hamaseigarrena).

Errekurtsoak aurkezteko beharrezkoa izango da 50 euro uztea gordailuan, baldin eta kasazio-errekurtsoa bada; eta 50 euro, arau-hauste prozesalengatiko ezohiko errekurtsoa bada. Baldintza horiek bete ezean ez zaizkie izapideak egingo. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailu eta Kontsignazioetarako Kontuan. Kontuaren zenbakia hauxe da 4703 0000 00 017915. Errekurtso biak baliatuz gero, bi ezarpen-eragiketa ezberdin egin beharko ditu errekurtsogileak, eta, sarrera-ordainagiriaren kontzeptuaren lekuan, «Errekurtsoa» 06 kodea dela adierazi beharko du kasazio-errekurtsoa bada, eta 04 kodea dela, arau-hauste prozesalarengatiko ezohiko errekurtsoa bada. Errekurtsoak jartzerakoan, zenbateko hori zainpean utzi dela egiaztatu beharko da (BJLO, 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak».

Errekurtsoa aurkezteko idazki bakoitzari honako hau erantsi beharko zaio: tasa judiziala ordaindu izanari buruzko egiaztagiri behar bezala balioztatua, salbu eta 10/2012 Legean aurreikusitako exentzioren bat gertatzen bada.

Ebazpena irmoa denean, bidal bitez autoak euren jatorrizko epaitegira, ebazpen honen ziurtagiria dutela, horren berri izan dezaten eta bete dezaten.

Gure epaia hori denez, erabaki, agindu eta sinatu egiten dugu. Epaiaren lekukotza dagokion erroiluari erantsiko zaio.

Juan Echavarri de Miguel-en oinordeko ezezagun eta ez-seguruen helbidea edo bizilekua ezezaguna denez, Prozedura Zibilari buruzko 1/2000 Legearen 156.4 eta 164. artikuluetan xedatutakoarekin bat etorriz, ediktu hau Euskal Herriko Agintaritzaren Aldizkarian argitaratzea ebatzi du epaileak, epaia jakinarazteko eginbidea gauza dadin.

Bilbao (Bizkaia), 2015eko ekainaren 26a.

IDAZKARI JUDIZIALA.

Azterketa dokumentala