Euskal Herriko Agintaritzaren Aldizkaria

136. zk., 2015eko uztailaren 21a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

ENPLEGU ETA GIZARTE POLITIKETAKO SAILA

3257

AGINDUA, 2015eko uztailaren 3koa, Lan eta Gizarte Segurantza Zuzendaritzarena, laneko arriskuen prebentzioaren arloan oso arau-hauste larria egiteagatik ezarritako zehapena argitaratzea agintzen duena. Espedientea: 14.0017.20.01.01.02 (153/39627/13). Arau-hauste akta: 39627/2013.

Sociedad Hispánica de Desarrollo, S.A.U. enpresari irekitako espedientea ikusi da (IFK: A34005728; helbidea: Astigarragako bidea 4, 20180 Oiartzun - Gipuzkoa) eta kontuan hartu da Gipuzkoako Laneko eta Gizarte Segurantzako Ikuskatzailetzak 2013ko abenduaren 11n emandako 39627/2013 arau-hauste akta.

Aurrekariak

Lehenengoa.– Laneko eta Gizarte Segurantzako zuzendariaren 2014ko maiatzaren 21eko ebazpen bidez, Sociedad Hispánica de Desarrollo, S.A.U. enpresari zehapena jarri zitzaion laneko arriskuen prebentzioaren arloan oso arau-hauste larria egiteagatik. Arau-hauste hori Lan-arloko Arau-hausteei eta Zehapenei buruzko Legearen Testu Bategina onartzen duen abuztuaren 4ko 5/2000 Legegintzako Errege Dekretuaren 13.8.a) artikuluan tipifikatuta dago: «Lantokiko sustatzaileak edo enpresaburu titularrak bertan jarduerak garatzen dituzten pertsonek arriskuei eta babes-neurriei nahiz prebentzioari eta larrialdiei buruzko informazioa eta jarraibideak jasotzen dituztela bermatzeko neurriak ez hartzea dagokion moduan eta lan-arriskuen prebentziorako araudian zehaztutako edukia eta irismena aintzat hartuta, erregelamendu bidez arriskutsu edo arrisku bereziko jarduera gisa hartzen direnean». Berrogei mila bederatziehun eta laurogeita sei (40.986) euroko zehapena ipini zitzaion.

Bigarrena.– Ebazpen hori irmoa da 2015eko apirilaren 22tik.

Zuzenbidezko oinarriak

Honako hauetan ezarritakoaren arabera dauka Lan eta Gizarte Segurantza Zuzendaritza honek espedienteaz arduratzeko eskumena: 191/2013 Dekretua, apirilaren 9koa, 928/1998 Errege Dekretua, maiatzaren 14koa (1998-06-03ko BOE) eta laneko arriskuen prebentzioaren arloan oso arau-hauste larriak egiteagatik ezarritako zigorrak argitaratzeari eta zigortutako enpresen erregistroa sortzeari buruzko azaroaren 21eko 244/2012 Dekretuaren 2., 3. eta 4. artikuluak (EHAA, 2012ko abenduaren 4koa).

Aipatutako lege-arauak eta oro har aplikatu beharrekoak ikusirik, Lan eta Gizarte Segurantza Zuzendaritzak, emandako eskumenak erabiliz, honako hau

Ebazten du:

Lehenengoa.– Jarritako zehapen horri buruzko datuak Euskal Herriko Agintaritzaren Aldizkarian argitaratzeko agintzea. Hona hemen datuak:

– Sozietatearen izena: Sociedad Hispánica de Desarrollo, S.A.U.

– Zer sektoretan diharduen: Txikizkako merkataritza nagusiki elikagaiak, edariak eta tabakoa saltzen dituzten establezimendu ez-espezializatuetan.

– Identifikazio fiskaleko kodea: A34005728.

– Sozietatearen helbidea: Astigarrako bidea, 4 20180 Oiartzun (Gipuzkoa).

– Eragindako lantokia: Astigarragako bidea 4 20180 Oiartzun (Gipuzkoa); (Alcampo merkataritza-gunea).

– Egindako arau-haustea: 13.8.a) Lantokiko sustatzaileak edo enpresaburu titularrak bertan jarduerak garatzen dituzten pertsonek arriskuei eta babes-neurriei nahiz prebentzioari eta larrialdiei buruzko informazioa eta jarraibideak jasotzen dituztela bermatzeko neurriak ez hartzea dagokion moduan eta lan-arriskuen prebentziorako araudian zehaztutako edukia eta irismena aintzat hartuta, erregelamendu bidez arriskutsu edo arrisku bereziko jarduera gisa hartzen direnean.

– Zehapen ekonomikoaren zenbatekoa: berrogei mila bederatziehun eta laurogeita sei (40.986) euro.

– Arau-hauste aktaren data: 2013ko abenduaren 11.

– Zehapen-ebazpenaren data: 2014ko maiatzaren 21a.

– Zehapena irmo egin zen eguna. 2015eko apirilaren 22a.

Bigarrena.– Argitaratzen diren datu horiek laneko arriskuen prebentzioaren arloan oso arau-hauste larriak egiteagatik ezarritako zehapenen erregistroan inskribatzea –Lan eta Gizarte Segurantza Zuzendaritza honi lotutakoan–, lehen aipatutako azaroaren 21eko 244/2012 Dekretuaren 4. artikuluan xedatutakoarekin bat etorriz.

Ezarritako zigorrari dagozkion erregistroko datuak bost urteren buruan ezeztatuko dira, zehapena Euskal Herriko Agintaritzaren Aldizkarian argitaratu eta hurrengo egunetik kontatzen hasita.

Vitoria-Gasteiz, 2015eko uztailaren 3a.

Laneko eta Gizarte Segurantzako zuzendaria,

JOSÉ JAVIER LOSANTOS OMAR.

Azterketa dokumentala