![Euskal Herriko Agintaritzaren Aldizkaria](/appcont/servibopvi/images/bopv_anuncio_e.png)
118. zk., 2015eko ekainaren 25a, osteguna
- Bestelako formatuak:
- PDF (201 KB - 2 orri.)
- EPUB (196 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
BILBOKO LEHEN AUZIALDIKO 6 ZENBAKIKO EPAITEGIA
2837
EDIKTUA, ezkontzaz kanpoko seme-alabentzako neurrietarako 364/2014 prozeduraren ondoriozkoa.
Bilboko Lehen Auzialdiko 6 zenbakiko Epaitegia (Familia).
Judizioa: 364/2014 ezkontzaz kanpoko seme-alabentzako neurriak.
Alderdi demandatzailea: Nancy Liliana Ramirez Hernandez.
Alderdi demandatua: John Jairo Mosquera Osorio.
Ezkontzaz kanpoko seme-alabentzako neurriak.
Aipatutako judizioan, ebazpena eman da. Hona hemen testua:
365/2015 EPAIA
Epailea: Isabel Elexpuru Eguia andrea.
Lekua: Bilbao (Bizkaia).
Eguna: bi mila eta hamabosteko ekainaren laua.
Alderdi demandatzailea: Nancy Liliana Ramirez Hernandez.
Abokatua: Francisco Ramon Vazquez Lopez.
Prokuradorea: Ana Carmen Martinez Ruiz.
Alderdi demandatua: John Jairo Mosquera Osorio.
Alderdi parte-hartzailea: Fiskaltza.
Auzigaia: seme adingabearekiko neurri ekonomikoak eta pertsonalak hartzea.
EPAITZA
Baietsi egiten dut partez Martínez Ruiz prokuradoreak, Nancy Liliana Ramirez Hernandezen izenean eta ordez aurkeztutako demanda, seme adingabearentzako neurri pertsonalak eta mantenu-neurriak hartzeko eskatuz aurkeztutakoa, auzi-ihesean den John Jairo Mosquera Osorio aitaren aurka, eta Fiskaltza parte dela; hori dela eta, John Jairo Mosquera Ramirez adingabeari dagokionez (1998ko maiatzaren 1ean jaioa), honako neurri pertsonal eta mantenu-neurri hauek hartzea erabaki dut:
1.– John Jairo Mosquera Ramirez adingabearen zaintza eta jagoletza Nancy Liliana Ramirez Hernandez amari ematen dizkiot, eta amari bakarrik ematen diot, halaber, guraso-ahala.
2.– Semearen mantenu-pentsio gisa, John Jairo Mosquera Osoriok edozein kontzepturengatik jasotzen dituen diru-sarrera garbien % 20 ordainduko du hilero. Zenbateko hori, gutxienez, ehun (100) eurokoa izango da hilero. Zenbateko hori aurreratuta sartu beharko du Nancy Ramirez Hernandezek adierazitako kontu batean, hilabete bakoitzaren lehenengo bost egunen barruan. Urtero eguneratu beharko da hileko gutxieneko zenbatekoa, betiere Estatistikako Institutu Nazionalak argitaratutako Kontsumo Prezioen Indizean izandako aldakuntzarekin bat etorriz.
3.– Bien semeak izan ditzakeen ezohiko gastuak bi gurasoek ordainduko dituzte, erdibana.
4.– Ez da bisita- eta egonaldi-erregimenik ezartzen adingabearen eta aitaren artean.
Ez da kosturik ezartzen.
Aurkaratzeko modua: Bizkaiko Probintzia Auzitegiari aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).
Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da: 4710. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak».
Eta epai honen bidez erabaki, agindu eta sinatzen dut.
Alderdi demandatuaren gaur egungo bizilekua edo egoitza ezezaguna denez, ediktu hau EHAAn argitaratzea erabaki du epaileak, Prozedura Zibilaren 1/2000 Legearen 156.4 eta 164. artikuluetan xedatutakoarekin bat, epaia jakinarazteko eginbidea gauza dadin.
Bilbao (Bizkaia), 2015eko ekainaren 5a.
IDAZKARI JUDIZIALA.