RSS
85. zk., 2015eko maiatzaren 11, astelehena
- Bestelako formatuak:
- PDF (201 KB - 2 orri.)
- EPUB (195 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
DURANGOKO LEHEN AUZIALDIKO ETA INSTRUKZIOKO 2 ZENBAKIKO ZUZENEKO LAGUNTZA EMATEKO UNITATE PROZESALA
2034
EDIKTUA, ezkontzaz kanpoko seme-alabentzako neurrietarako 373/2014 prozeduraren ondoriozkoa.
JAKINARAZPEN ZEDULA
Durangoko Lehen Auzialdiko 2 zenbakiko Epaitegian (Bizkaia), ezkontzaz kanpoko seme-alabentzako neurriei buruzko 373/2014 prozedura bideratu da, Stefan Eugen Nistoran-ek eskatuta, Cristina Ionela Gusetu-ren aurka. Prozedura horren gainean epaia eman da. Hona hemen idazpurua eta epaitza, kopiatuta:
47/2015 EPAIA
Epailea: Julio Luis Gallego Martinez jauna.
Lekua: Durango (Bizkaia).
Eguna: bi mila eta hamabosteko apirilaren hamabosta.
Alderdi demandatzailea: Stefan Eugen Nistoran.
Abokatua: Ricardo Lazaro Perlado.
Prokuradorea: Fco. Javier Aguirreurreta Bilbao.
Alderdi demandatua: Cristina Ionela Gusetu.
Abokatua.
Prokuradorea.
Judizioaren gaia: familia-zuzenbidea.
Durango, 2014ko apirilaren 14a.
Julio Luis Gallego Martínezek, Durangoko Lehen Auzialdiko eta Instrukzioko 2 zenbakiko Epaitegiko epaileak, ezkontzaz kanpoko seme-alabentzako neurriei buruz bideratu diren 373/2014 autoak ikusi ditu. Autoak epaitegi honetan bideratu dira, Stefan Eugene Nistoran jaunak eskatuta –Aguirreurreta Bilbao epaitegietako prokuradoreak ordezkatu du, eta Lázaro Perlado letraduak lagundu–, Cristina Ionela Gusetu andrearen aurka, auzi-iheslaria bera.
EPAITZA:
Osorik baiesten dut Stefan Eugene Nistoran jaunaren ordezkari prozesalak aurkeztutako demanda, Cristina Ionela Gusetu andrearen aurkakoa. Horrenbestez, hauxe deklaratzen dut:
1.– Aitak izango du XXXXX adingabekoaren zaintza eta jagoletza; guraso-ahala, berriz, bi gurasoena izango da.
2.– Cristina Ionela Gusetuk, mantenu-pentsio gisa, 50 euro ordaindu beharko ditu hilero. Kopuru hori hilaren lehenengo bost egunetan sartu beharko du, demandatzaileak horretarako zehaztutako kontu batean, eta kopuru hori urte bakoitzaren urtarrilaren batean eguneratu ahal izango da, Estatistikako Institutu Nazionalak urtero argitaratzen duen Kontsumoko Prezioen Indizearen aldaketen arabera.
Horretaz gain, ezohiko gastuei dagokienez, halakotzat hartuko dira, ezohikoak izatearren, ohiko ekarpen gisa hartu behar ez direnak, hau da: gizarte-segurantzak edo dagokion mutuak estaltzen ez dituen gastu medikoak, edo, ez estaltzeaz gain, gastu handia dakartenak, tratamendu psikikoak, tresna zuzentzaileak (lentillak, betaurrekoak, ortodontzia,...) eta dagozkien ordainsari medikoak. Gastu horiek bi gurasoek ordainduko dituzte, erdibana; jagoletza duen gurasoak gastu horien beharra eta gastuaren zenbatekoa justifikatu beharko ditu, agiri bidez. Adostasunik ez badago, epailearen oniritzia eskatuko da.
Prozedura honetako kostuak ez zaizkio berariaz inori ezartzen.
Aurkaratzeko modua: Bizkaiko Probintzia Auzitegiari aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458,2 artikulua).
Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan (4762 0000 33 037314). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Errekurtsoa aurkeztean egiaztatu egin beharko da diru-kopuru hori zainpean utzi izana (BJLOko 15. xedapen gehigarria).
Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.
Eta epai honen bidez erabaki, agindu eta sinatzen dut.
Eta Cristina Ionela Gusetu demandatuari behar bezalako jakinarazpena egiteko, ematen eta sinatzen dut ediktu hau, Durangon (Bizkaia), bi mila eta hamabosteko apirilaren hamabostean.
IDAZKARIA.
