Euskal Herriko Agintaritzaren Aldizkaria

238. zk., 2014ko abenduaren 15a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

GARAPENERAKO LANKIDETZAREN EUSKAL AGENTZIA

5331

EBAZPENA, 2014ko azaroaren 25ekoa, Garapenerako Lankidetzaren Euskal Agentziako zuzendariarena, Mundukide Fundazioa / Fundación Mundukide erakundeak 2009ko lankidetza proiektuei laguntzak emateko deialdiaren barruan aurkeztutako «Consolidación y desarrollo de las estructuras productivas y sociales del distrito de Marrupa» proiektuari uko-egiteko eskaera onartzen duena.

2009ko abenduaren 29ko Aginduaren bidez (Agindua, 2009ko abenduaren 29koa, Enplegu eta Gizarte Gaietako sailburuarena, Garapena eta Lankidetza Sustatzeko Fondoaren kontura 2009. urteko proiektuei diru-laguntzak emateko dena), Mundukide Fundazioa / Fundación Mundukide erakundeari 330.330 euroko diru-laguntza eman zitzaion «Consolidación y desarrollo de las estructuras productivas y sociales del distrito de Marrupa» proiektua gauzatzeko.

Erakunde horrek, Garapenerako Lankidetzaren Euskal Agentziari 2014ko uztailaren 2an bidalitako komunikazioan, ordainketari uko-egiteko eskaera partziala aurkeztu zuen.

Eskaera aztertu ondoren, Koordinazio Teknikoaren Zerbitzuak aldeko txostena egin zuen, erakunde onuradunak uko egiteko eskaeraren aldeko txostena, alegia.

Garapena eta Lankidetza Sustatzeko Fondoaren kargurako proiektuetarako laguntzak arautzen dituen otsailaren 27ko 34/2007 Dekretuaren 28. artikuluko 1. paragrafoak ezarritakoaren arabera, erakunde eskatzaileak proiektuaren aurreikusitako garapenean funtsezko eragina izan dezakeen edozein gorabehera jakinarazi beharko dio aldez aurretik Garapen Lankidetzarako Zuzendaritzari. Horrekin batera, baimen-eskaera bidali beharko dio proiektuan egin nahi diren aldaketak gauzatu aurretik, eta aurrekontuan dituen ondorioak zehaztu.

Hala ere, proposatutako aldaketak onartzeko eskumenari dagokionez, Garapenerako Lankidetzaren Euskal Agentzia sortu, arautu eta jardunean hasi ondoren (ekainaren 19ko 5/2008 Legea, Garapenerako Lankidetzaren Euskal Agentzia sortu eta arautzen duena; martxoaren 23ko 95/2010 Dekretua, Garapenerako Lankidetzaren Euskal Agentziaren antolaketa eta funtzionamenduko erregelamendua onartzen duena; azaroaren 23ko 310/2010 Dekretua, Garapenerako Lankidetzaren Euskal Agentziaren jarduerak abiaraztea arautzen duena), aipatutako eskumena eta, oro har, laguntza horiek kudeatzeko behar diren ebazpenak ezartzekoa, Garapenerako Lankidetzaren Euskal Agentziaren zuzendariari dagokio.

Horren ondorioz, honako hau

EBAZTEN DUT:

Lehenengoa.– Mundukide Fundazioa / Fundación Mundukide erakundeari honako proiektu honi uko egiteko eskaera onartzea: 2009ko lankidetza proiektuentzako laguntzak emateko deialdiaren barruan aurkeztutako «Consolidación y desarrollo de las estructuras productivas y sociales del distrito de Marrupa» proiektua.

Horren ondorioz, Erakundeak ordainketatik justifikatu gabeko kopurua itzuli beharko du, hau da, 19.944,48 euro.

Bigarrena.– Ebazpen honen aurka, gorako errekurtsoa jarri ahal izango zaio Garapenerako Lankidetzaren Euskal Agentziaren lehendakariari, hilabeteko epean, ebazpena argitaratu eta biharamunetik hasita. Gora jotzeko errekurtsoa aurkeztu eta hiru hilabete igarota oraindik ez bada ezer ebatzi, errekurtsoa ez dela onartu pentsatu beharko da, eta administrazioarekiko auzietako bidea irekiko da.

Vitoria-Gasteiz, 2014ko azaroaren 25a.

Garapenerako Lankidetzaren Euskal Agentziako zuzendaria,

PAUL ORTEGA ETCHEVERRY.

Azterketa dokumentala