Euskal Herriko Agintaritzaren Aldizkaria

218. zk., 2014ko azaroaren 14a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO MERKATARITZA ARLOKO 1 ZENBAKIKO EPAITEGIA

4891

EDIKTUA, 1146/13 prozedura arruntaren ondoriozkoa.

Bilboko Merkataritzako 1 zenbakiko Epaitegia.

Judizioa: 1146/13 prozedura arrunta.

Demandatzailea: Grupo Leioa XXI, S.L.

Abokatua: Concepcion Oses Garcia Inmaculada.

Prokuradorea: Mónica Gallego Castañiza.

Demandatua: Jose A. Montero Flores eta Area de Labores de Construcción Obras y Reformas de Altura, S.L. – Alcora, S.L.

Gaia: judizio arrunteko demanda.

Judizio horretan, epaia eman da 2014-07-07an. Hona hemen epaitza:

EPAITZA

1.– Osorik baiesten dut Grupo Leioa XXI, S.L.k, Mónica Gallego Castañiza prokuradoreak ordezkatuta, auzi-ihesean diren Área de Labores de Construcción Obras y Reformas de Altura, S.L. eta José Antonio Montero Floresen aurka jarritako demanda.

2.– Área de Labores de Construcción Obras y Reformas de Altura, S.L. eta José Antonio Montero Flores kondenatzen ditut Grupo Leioa XXI, S.L.ri modu solidarioan hogei mila, zortziehun eta hamasei euro eta laurogeita zazpi zentimo (20.816,87) ordaintzera.

3.– Área de Labores de Construcción Obras y Reformas de Altura, S.L. eta José Antonio Montero Flores kondenatzen ditut modu solidarioan zenbateko horri dagozkion interesak ordaintzera. Interes horiek merkataritza-harremanetako berankortasunaren aurkako neurriei buruzko abenduaren 29ko 3/2004 Legearen eta neurri horiek urtero zehazten dituzten ebazpenen araberakoak izango dira. Eta hori guztia izango da, hain zuzen ere, faktura bakoitzaren epemugatik eta faktura guztiak guztiz ordaindu arte.

Gainera, guztizko zorraren berandutza-interesa sortuko da, bi puntutan gehitua ebazpen hau irmo egiten denetik aurrera, PZLko 576 artikuluan araututako prozesuko interes legez.

4.– Kostuak alderdi demandatuei ezartzen zaizkie.

Aurkaratzeko modua: apelazio-errekurtsoa, Bizkaiko Probintzia Auzitegian (PZL, 455. artikulua). Errekurtsoa jartzeko, idazkia aurkeztu behar da epaitegi honetan, ebazpena jakinarazi eta biharamunetik aurrera hogei egun balioduneko epean. Idazki horretan, bestalde, adieraziko dira: aurka egiteko zein alegaziotan oinarritzen den, zein den apelatutako ebazpena eta zein diren aurkaratutako erabakiak (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan. Kontuaren zenbakia hauxe da:................... Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenean salbuesten direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Argitalpena.– Epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Epaiari dagokion egunean, jendaurreko entzunaldia egiten ari zelarik, epaia eman zuen epaile magistratu berberak eman zuen. Eta nik, idazkari naizenez, guzti horren fede ematen dut Bilbon, 2014ko uztailaren 7an.

Jose A. Montero Flores eta Area de Labores de Construcción Obras y Reformas de Altura, S.L.– Alcora, S.L. demandatuen egungo egoitzak non dauden ez dakigunez, aipatutako ebazpena Euskal Herriko Agintaritzaren Aldizkarian argitaratutako ediktu bidez jakinaraztea erabaki da, Prozedura Zibileko 1/2000 Legearen 497.2 artikuluaren arabera (PZLb).

Ebazpen horren aurka, demandatu auzi-iheslariak apelazio-errekurtsoa aurkez dezake, hogei egun balioduneko epean.

Jakinarazten den ebazpenaren testu osoa eskura du interesdunak, auzitegi honetako bulego judizialean.

Bilbao (Bizkaia), 2014ko urriaren 20a.

IDAZKARI JUDIZIALA.

Azterketa dokumentala