RSS
208. zk., 2014ko urriaren 31, ostirala
- Bestelako formatuak:
- PDF (195 KB - 2 orri.)
- EPUB (195 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
BILBOKO LEHEN AUZIALDIKO 5 ZENBAKIKO EPAITEGIA
4650
EDIKTUA, adostasunik gabeko dibortzioari buruz bideratutako 283/14 prozeduraren ondoriozkoa.
JAKINARAZPEN-ZEDULA
Bilboko Lehen Auzialdiko 5 zenbakiko Epaitegian, adostasunik gabeko dibortziorako bideratutako 283/14 prozeduran epaia eman da. Prozedura hori Camilo Felix Loarte Riverak eskatuta hasi da, Ana Maria Chavez Lizarragaren aurka. Honako hauek dira epai horren idazpurua eta epaitza:
437/14 EPAIA
Epailea: Vanesa Murillo Villaverde.
Lekua: Bilbao.
Data: 2014ko urriaren 6a.
Demandatzailea: Camilo Félix Loarte Rivera.
Abokatua: Raquel Crespo Pérez.
Prokuradorea: Marta Martínez Pérez.
Demandatua: Ana María Chávez Lizarraga.
Judizioaren gaia: ezkontza desegitea: dibortzioa.
EPAITZA
Baiesten dut Marta Martínez Pérez prokuradoreak Camilo Félix Loarte Riveraren izenean eta ordezkaritzan aurkezturiko demanda, auzi-ihesean den Ana María Chávez Lizarragaren aurkakoa. Hortaz, aipatutakoek egindako ezkontzako dibortzioa agintzen dut, legezko ondorio guztiekin, eta prozedura hau izapidetzean sortutako kostuak berariaz ezarri gabe.
Epai hau irmoa egin ostean, eman bedi horren berri ezkontza inskribaturik dagoen erregistro zibilean, eta, hartarako, egin bedi idaztagiri egokia, orri-bazterrean ohar gisa jartzeko.
Jakinaraz bekie ebazpena alderdiei eta jakinaraz bekie, halaber, bere aurka apelazio errekurtsoa jar daitekeela, Bizkaiko Probintzia Auzitegian (PZLren 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena zein den eta zein erabaki aurkaratzen den (PZLb, 458.2 artikulua).
Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banesto taldean (Banco Español de Crédito) duen Gordailuan eta Zainpean jartzeko Kontuan. Kontuaren zenbakia hauxe da: 4709. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.
Izenpea,
Ana Maria Chavez Lizarraga demandatuari behar bezalako jakinarazpena egiteko balio dezan, ematen eta sinatzen dut idazki hau, Bilbon (Bizkaia), bi mila eta hamalauko urriaren zazpian.
IDAZKARIA.
