Euskal Herriko Agintaritzaren Aldizkaria

72. zk., 2014ko apirilaren 14a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Beste iragarki ofizial batzuk

INGURUMEN ETA LURRALDE POLITIKA SAILA

1768

IRAGARKIA, Natura Ingurunearen eta Ingurumen Plangintzaren zuzendariarena, Ingurumen eta Lurralde Politikako sailburuaren agindu bat jakinarazteko dena. Agindu horren bidez, hasierako onespena eman zaio Bizkaiko Meatzaldea biotopo babestu izendatzeko den Dekretuaren proiektuari, eta entzunaldi eta informazio publikoko izapideari ekin.

Ingurumen eta Lurralde Politikako sailburuaren Aginduaren bidez, hasierako onespena eman zaio Bizkaiko Meatzaldea biotopo babestu izendatzeko den Dekretuaren proiektuari.

Beraz, dekretu-proiektuarekin, administrazioen eta ingurumena babesteko helburuak lortu nahi dituzten irabazi-asmorik gabeko erakundeen entzunaldiaren izapidea bete behar da, eta informazioa jendaurrean jartzeko berrogeita hamabost egun naturaleko epea ireki, iragarki hau Euskal Herriko Agintaritzaren Aldizkarian argitaratu eta biharamunetik hasita.

Aipatutako epean, dekretu-proiektuaren agiriak agerian geratuko dira, aztertzeko, bai Peñas Negras Ingurugiro Interpretaziorako Zentroan (La Arboleda-Muskiz baso-errepidean, 1,6 km Ortuella), bai helbide elektroniko hauetan:

– http://www.ingurumena.ejgv.euskadi.net/r49-u95/eu/contenidos/informacion_publica/inf_20140331090943/eu_def/index.shtml

– http://www.bizkaia.net/ingurumena

Interesdun guztiek aurkeztu ahal izango dituzte egoki deritzeten alegazioak, dekretu-proiektuaren edukiaren gainekoak, honako helbide honetan:

Natura Ingurunearen eta Ingurumen Plangintzaren Zuzendaritza

Ingurumen eta Lurralde Politikako Saila

Eusko Jaurlaritza

Donostia kalea 1

01010 Vitoria-Gasteiz

Vitoria-Gasteiz, 2014ko apirilaren 4a.

Natura Ingurunearen eta Ingurumen Plangintzaren zuzendaria,

AMAIA BARREDO MARTÍN.

Azterketa dokumentala