Euskal Herriko Agintaritzaren Aldizkaria

11. zk., 2014ko urtarrilaren 17a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

XEDAPEN OROKORRAK

AUZITEGI GORENA

197

EDIKTUA, 784/09 administrazioarekiko auzi-errekurtsoan emandako epaiaren aurkako 2146/10 kasazio-errekurtsoaren ondoriozkoa. Honen bidez, baietsi egiten da errekurtso hori, eta deusezak deklaratzen dira Eusko Jaurlaritzaren martxoaren 24ko 70/2009 Dekretuaren lehenengo, hirugarren, hamabigarren eta hamahirugarren artikuluak. Dekretu horren bidez, aldatu egiten da urtarrilaren 29ko 28/2002 Dekretua, Etxe eta merkataritza erabilerako eta erabilera kolektiboko gas zerbitzuen instalazioak nola ikuskatu eta berrikusi arautzen duena.

TESTUA

Repsol Butano, S.A.k aurkeztutako 2146/2010 kasazio-errekurtsoan, Auzitegi Goreneko Hirugarren Salak (Hirugarren Sekzioak) epaia eman du 2013ko azaroaren 20an, eta haren xedapen-zatiak honako hau dio hitzez hitz:

EPAITZA:

Lehenengoa.– Baietsi egiten dugu 2146/10 kasazio-errekurtsoa, Repsol Butano, S.A.k aurkeztua, Euskal Autonomia Erkidegoko Auzitegi Nagusiko Administrazioarekiko Auzietako Salak (Bigarren Sekzioa) 2010eko otsailaren 25ean 784/09 errekurtsoan emandako Epaiaren aurkakoa, eta epai hori kasatu egiten dugu.

Bigarrena.– Baietsi egiten dugu, partez, 784/09 administrazioarekiko auzi-errekurtsoa, Repsol Butano, S.A.k aurkeztua, Eusko Jaurlaritzaren martxoaren 24ko 70/2009 Dekretuaren aurkakoa; dekretu horren bidez, aldatu egiten da urtarrilaren 29ko 28/2002 Dekretua, Etxe eta merkataritza erabilerako eta erabilera kolektiboko gas zerbitzuen instalazioak nola ikuskatu eta berrikusi arautzen duena. Horrenbestez, deusezak deklaratzen ditugu 70/2009 Dekretuaren lehenengo, hirugarren, hamabigarren eta hamahirugarren artikuluak.

Hirugarrena.– Ez zaizkio inori ezartzen ez administrazioarekiko auzi-errekurtsoaren kostuak, ezta kasazio-errekurtsoarenak ere.

Laugarrena.– Epaitza hau Euskal Herriko Agintaritzaren Aldizkarian argitara dadila agintzea.

Eta Legegintza Bilduman sartu behar den epai honen bitartez, erabaki, agindu eta sinatu egiten dugu: Pedro José Yagüe, Manuel Campos, Eduardo Espín, José Manuel Bandrés, María Isabel Perelló, (izenpetuak).

Madril, 2013ko azaroaren 20a.

Auzitegi Goreneko Kabinete Teknikoko magistratu burua.

JACOBO LÓPEZ BARJA DE QUIROGA.

Azterketa dokumentala