Euskal Herriko Agintaritzaren Aldizkaria

126. zk., 2013ko uztailaren 3a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Obra, zerbitzu eta horniduren enkanteak eta lehiaketak

OGASUN ETA FINANTZA SAILA

3033

IRAGARKIA, kudeaketa ekonomiko deszentralizatua duten 90 zentrotan auditoretzak egiteko auditoretza-enpresak kontratatzeko zerbitzu-kontratu administratiboa lizitatzeko dena (Espedientea: KBN C02/013/2013).

1.– Entitate esleitzailea. Datu orokorrak eta informazioa lortzeko datuak:

a) Erakundea: Ogasun eta Finantzetako Saila.

b) Espedientea izapidetzen duen bulegoa: Kontratazio Batzorde Nagusia.

c) Agiriak eta argibideak:

– Bulegoa: Ondare eta Kontratazio Zuzendaritza.

– Helbidea: Donostia kalea 1.

– Herria eta posta-kodea: Vitoria-Gasteiz 01010.

– Telefonoa: 945 01 95 72.

– Telefaxa: 945 01 89 50.

– Posta elektronikoa: l-cotelo@ej-gv.es

– Kontratugilearen profilaren interneteko helbidea: www.contratacion.info

– Agiriak eta argibideak eskuratzeko azken eguna: 2013ko uztailaren 22a.

– Espediente-zenbakia: C02/013/2013.

2.– Kontratuaren ezaugarriak:

a) Mota: zerbitzuak.

b) Deskribapena: kudeaketa ekonomiko deszentralizatua duten 90 zentrotan auditoretzak egitea.

c) Loteak: ez.

d) Gauzatzeko lekua: Euskal Autonomia Erkidegoa.

e) Gauzatzeko epea: 12 hilabete, kontratua izenpetzen denetik aurrera.

f) Luzapena onartzea: bai.

i) CPV: 79212000-3.

3.– Izapideak eta prozedura.

a) Izapideak: ohikoak.

b) Prozedura: irekia.

d) Esleipen-irizpideak:

*A.– Formulen bidez ebaluatzekoak:

Prezioa: ponderazioa: 60 puntu.

Formula: aplikatzeko metodoa edo sistema: puntuaziorik altuena eskaintza merkeenari emango zaio: 60 puntu, eta gainerakoak alderantzizko proportzioan balioetsiko dira:

A = 1. eskaintza (merkeena). Lortutako puntuazioa = 60 puntu.

B = 2. eskaintza. Lortutako puntuazioa = A/B x 60 puntu.

C = 3. eskaintza. Lortutako puntuazioa = A/C x 60 puntu.

* B.– Balio-iritzien arabera ebaluatzekoak:

Lan-programaren eta azalpen-memoriaren kalitatea: haztapena: 40 puntu.

Ikastetxeentzako egindako lan-programa eta haren garapena balioetsiko dira, honako alor hauetan.

– Analisi orokorra.

– Sarrera-aurrekontuaren analisia: erabiltzeko aurrekontua eta egikaritze-egoera bateratzeko egindako planteamendua balioetsiko da.

– Gastu-aurrekontuaren analisia: gastuen balidazioaren gaineko planteamendua, jantokiaren kudeaketari buruzko alderdiak egiaztatzea, geldikinen analisia eta abar balioetsiko dira.

– Diruzaintza-analisia: bankuko kontuen analisiaren gainean egindako planteamendua balioetsiko da.

– Jantokiko eta sarreren kontu baimenduen analisia: kontu horien analisiaren gaineko planteamendua balioetsiko da.

– Aurrekontuz kanpoko eragiketen egoeraren analisia: horren egiaztapenari buruzko planteamendua balioetsiko da.

Funts aurreratuetarako egindako lan-programa eta haren garapena balioetsiko dira, honako alor hauetan:

– Funtsaren egiaztapen orokorra: kontabilitatean erregistratutako gastuaren egiaztapen orokorra, kopuru horren bidezkotasuna eta sinaduren eguneratze egokia.

– Bankuko kontuaren kudeaketa egiaztatzea: kontu korrontean egindako eragiketak eta horiek araudira egokitzea, diruzaintzako fluxu orokorren bateragarritasunaren eta bidezkotasunaren berrikusketa.

– Emandako aurrerakinak egiaztatzea: likidazio-epea, likidatutako zenbatekoarekiko aldea, aurrerakin iraunkorrik edo alde berekorik dagoen ikustea, eta horiek egoki bete eta onartzea.

– Bidaia-gastuak egiaztatzea: araudiak ezarritako gastu-mugak eta euskarrien egokitzapena eta onarpena.

– Gainerako gastuak egiaztatzea: araudiak ezarritako gastuak bakarrik sartuko dira funtsetan; euskarrien egokitzapena eta onarpena.

Bi kasuetan proposatutako memoria-eredua (txostena) balioetsiko da; horrek programaren bidez garatutako lanaren emaitza jasoko du, eta, besteak beste, alderdi hauek zehaztuko ditu:

– Lanaren helburua.

. Lan horren garrantzia.

– Hainbat alorretan egindako lanaren emaitza.

– Izandako gorabeherak.

– Hobetzeko iradokizunak.

4.– Kontratuaren balio zenbatetsia: 198.347 euro.

5.– Lizitaziorako oinarrizko aurrekontua.

a) Guztira: 120.000 euro (% 21eko BEZa barne).

6.– Eskatutako bermeak. Behin betikoa: esleipenaren zenbatekoaren % 5, BEZik gabe.

7.– Kontratistaren betebehar espezifikoak:

a) Ekonomia- eta finantza-kaudimena eta gaitasun teknikoa eta profesionala: Administrazio-klausula zehatzen pleguko karatularen 29.2 klausulan zehaztutakoa.

8.– Eskaintzak aurkeztea.

a) Aurkezteko azken eguna: 2013ko uztailaren 23a, 10:00ak arte.

b) Aurkezteko modalitatea: papera.

c) Aurkezteko lekua:

– Saila: Ondare eta Kontratazio Zuzendaritza.

– Helbidea: Donostia kalea 1.

– Herria eta posta-kodea: Vitoria-Gasteiz 01010.

9.– Eskaintzak irekitzea.

a) Helburua: C gutun-azala: 2013ko irailaren 2an, 10:00etan; B gutun-azala: 2013ko irailaren 6an, 10:00etan.

b) Helbidea: Donostia kalea 1.

c) Herria eta posta-kodea: Vitoria-Gasteiz 01010.

10.– Publizitate-gastuak: esleipendunak ordaindu beharko ditu.

11.– Iragarkia Europar Batasunaren Aldizkari Ofizialera bidali den eguna: ez da beharrezkoa.

Vitoria-Gasteiz, 2013ko ekainaren 13a.

Ondare eta Kontratazioko zuzendaria.

NEREA KARMELE LÓPEZ-URIBARRI GOICOLEA.

Azterketa dokumentala