Euskal Herriko Agintaritzaren Aldizkaria

220. zk., 2012ko azaroaren 14a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

HEZKUNTZA, UNIBERTSITATE ETA IKERKETA SAILA

5015

EBAZPENA, 2012ko urriaren 29koa, Unibertsitate eta Ikerketako sailburuordearena, 2012-2013 ikasturtean ikertzaile doktoreen doktoretza-ondoko hobekuntza-programa laguntza berriak eman eta dirulaguntza horiek berritzeko prozesua arautu eta deitzen duen Hezkuntza, Unibertsitate eta Ikerketa sailburuaren 2012ko maiatzaren 29ko aginduaren bidez deitutako dirulaguntzen lehen, eta bigarren berritzeak ebazten dituena.

Hezkuntza, Unibertsitate eta Ikerketako sailburuaren 2012ko maiatzaren 29ko Aginduak, 2012-2013 ikasturtean ikertzaile doktoreen doktoretza-ondoko hobekuntza-programa laguntzak berritzeko eta laguntza berriak emateko prozesua arautu eta deitzen duenak, xedatutakoaren arabera, pertsonal ikertzailearen prestakuntza-programaren barruan 2010-2011 eta 2011-2012 ikasturtean, DKR modalitateetan, hasieran eman diren dirulaguntzak berrituko dira.

Berritzeko eskaeren ebaluazioa eta Selekzio Batzordeak helarazitako proposamena kontuan hartuta, 2012ko maiatzaren 29ko Aginduak, 2012-2013 ikasturtean ikertzaile doktoreen doktoretza-ondoko hobekuntza-programarako dirulaguntza berriak eta horien berriz ematea deitzen dituenak, xedatutakoa betez,

EBAZTEN DUT:

Lehenengoa.– I. eranskinean agertzen diren onuradunei ematea ikertzaile doktoreen doktoretza-ondoko hobekuntza-programarako dirulaguntzaren lehenengo berritzea. Laguntzak 2013ko urtarrilaren 1etik aurrerako ondorioekin berrituko dira.

Bigarrena.– Berritzeen dirulaguntzak ematea I. eranskinean agertzen diren hobekuntza-faseko pertsonal ikertzailearen aplikazio-zentroei, kontratuak eta bidaiak finantzatzeko, Hezkuntza, Unibertsitate eta Ikerketa sailburuaren 2012ko maiatzaren 29ko Aginduak xedatutako ezaugarri eta kopuruen arabera, II. eranskinean zehazten dira kopuruak. Kontratu horiek 2013ko urtarrilaren 1etik abenduaren 31ra arteko aldia hartuko dute.

Hirugarrena.– III. eranskinean agertzen diren onuradunei ematea ikertzaile doktoreen doktoretza-ondoko hobekuntza-programarako dirulaguntzaren bigarren berritzea. Laguntzak 2013ko urtarrilaren 1etik aurrerako ondorioekin berrituko dira.

Laugarrena.– Berritzeen dirulaguntzak ematea III. eranskinean agertzen diren hobekuntza-faseko pertsonal ikertzailearen aplikazio-zentroei, kontratuak finantzatzeko, Hezkuntza, Unibertsitate eta Ikerketa sailburuaren 2012ko maiatzaren 29ko Aginduak xedatutako ezaugarri eta kopuruen arabera, III eranskinean zehazten dira kopuruak. Kontratu horiek 2013ko urtarrilaren 1etik abenduaren 31ra arteko aldia hartuko dute.

Bosgarrena.– Berritze horien dirulaguntzak ordaintzea xedapen honen bigarren eta laugarren ataletan aurreikusten diren aplikazio-zentroei, betiere, kontratuaren, edo haren zabaltzearen kopia Politika Zientifikoko Zuzendaritzan jaso eta gero.

Seigarrena.– 2012ko maiatzaren 29ko Aginduak xedatutakoaren arabera erabakiko dira dirulaguntza horien zenbatekoa, iraupena eta jasotzeko gainontzeko baldintzak.

AZKEN XEDAPENA

Interesatuek Hezkuntza, Unibertsitate eta Ikerketako sailburuari gorako errekurtsoa jarri ahal izango diote administrazio-bideari amaiera ematen ez dion ebazpen honen kontra, hilabeteko epean, Hezkuntza, Unibertsitate eta Ikerketa saileko web-orrian argitara eman eta hurrengo egunetik kontatzen hasita.

Vitoria-Gasteiz, 2012ko urriaren 29a.

Unibertsitate eta Ikerketako sailburuordea,

PEDRO LUIS ARIAS ERGUETA.

(Ikus .PDF)

(Ikus .PDF)

(Ikus .PDF)

(Ikus .PDF)

Azterketa dokumentala