Euskal Herriko Agintaritzaren Aldizkaria

220. zk., 2012ko azaroaren 14a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Izendapenak, egoerak eta gorabeherak

EUSKAL HERRIKO UNIBERTSITATEA

5012

EBAZPENA, 2012ko urriaren 26koa, Universidad de País Vasco / Euskal Herriko Unibertsita-tearena, Manuel Carlos González Díaz jauna «Pediatria» jakintza arloan irakasle agregatu moduan kontratatzeko proposamena egiteko dena. Plaza horren deia 2012ko maiatzaren 7ko Ebazpenaren bidez egin zen (2012ko ekainaren 18ko EHAA).

Errektorearen 2012ko maiatzaren 7ko Ebazpenaren bitartez (2012ko ekainaren 18ko EHAA) batzordea osatu zen ebazpen horretan bertan deitutako irakasle agregatu plazak hornitzeko lehiaketak epaitzeko. Batzorde horren proposamenari jarraitu zaio eta ezarrita dauden prozedura eta baldintzak bete dira honako hauekin bat etorriz: otsailaren 25eko 3/2004 Legea, Euskal Unibertsitate Sistemari buruzkoa; Hezkuntza, Unibertsitate eta Ikerketa sailaren martxoaren 4ko 40/2008 Dekretua, UPV/EHUko irakasleen eta ikertzaileen araubideari buruzkoa; irakasle kontratatu iraunkorrak hautatu eta kontratatzeko prozedura (Euskal Herriko Unibertsitateko Gobernu Kontseiluak 2008ko maiatzaren 8an onartua eta Irakasleen errektoreordearen 2008ko ekainaren 23ko Ebazpenaren bidez argitaratua (uztailaren 15eko EHAA); deialdiko oinarriak; aplikagarri diren arau orokorrak; eta, aurreikusita ez dagoenerako, administrazio publikoan sartzeko araubide orokorra arautzen duten estatu mailako xedapenak. Hala, guzti horiek kontuan hartuta,

Errektoretzak erabaki du Manuel Carlos González Díaz, 14574641 R NAN zenbakiduna, Euskal Herriko Unibertsitateko irakasle agregatu moduan kontratatzeko proposamena egitea, barrutiko fakultatibo espezialistaren laguntza-plazari lotuta; Kodea: AGVC6L1-D00019-1, Jakintza arloa: «Pediatria». Saila: Pediatria. Ikastegia: Medikuntza eta Odontologia Fakultatea (Basurtuko Zerbitzua). Hizkuntz eskakizuna: ez elebiduna. Arduraldia: osoa. Egin beharreko lanak: «Neonatologia» eta «Pediatria».

Proposatutako lehiakideak 20 laneguneko epea izango du, ebazpena Euskal Herriko Agintaritzaren Aldizkarian argitaratzen den egunaren biharamunetik kontatzen hasita, dagokion lan kontratuaren formalizazio guztiak gauzatu eta plaza betetzeko, eta kontratazioaren aurretik lehiaketaren deialdiak 9. oinarrian zehazten den dokumentazio guztia aurkezteko Deialdi eta Lehiaketa Atalean.

Ebazpen honek amaiera ematen dio administrazio-bideari; beraz, interesdunak berraztertze errekurtsoa aurkez diezaioke Irakasleen errektoreordeari, hilabeteko epean, edo, bestela, administrazioarekiko auzi errekurtsoa jar dezake zuzenean Bilboko Administrazio Auzietako Epaitegian, bi hilabeteko epean. Epe biak Euskal Herriko Agintaritzaren Aldizkarian argitaratzen den egunetik zenbatuko dira.

Leioa, 2012ko urriaren 26a.

Errektorea.

Eginkizunak Eskuordetuta (2011-02-25eko Ebazpena, 2011-03-17ko EHAA),

Irakasleen errektoreordea,

JON IRAZUSTA ASTIAZARAN.

Azterketa dokumentala