Euskal Herriko Agintaritzaren Aldizkaria

215. zk., 2012ko azaroaren 7a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

GARAPENERAKO LANKIDETZAREN EUSKAL AGENTZIA

4912

EBAZPENA, 2012ko urriaren 5ekoa, Garapenerako Lankidetzaren Euskal Agentziako zuzendariarena, Garapena eta Lankidetza Sustatzeko 2012ko Fondoaren kargurako proiektuetarako diru-laguntzak ematen dituena.

Lehendakaritzako idazkari nagusiak, 2012ko ekainaren 8ko Ebazpenaren bidez (2012-06-11ko EHAA, 113. zenbakia), Garapena eta Lankidetza Sustatzeko 2012ko Fondoaren kargurako programetarako diru-laguntzak iragarri zituen.

GLSFren konturako proiektuetarako laguntzak emateko modua arautzen duen otsailaren 27ko 34/2007 Dekretuaren 23. artikuluan (2007-03-15eko EHAA, 53. zenbakia), eta, alde batetik, Garapenerako Lankidetzaren Euskal Agentzia sortu eta arautzen duen ekainaren 19ko 5/2008 Legearen 11.2 artikuluan (2008-07-10eko EHAA, 131. zenbakia), eta bestetik, Garapenerako Lankidetzaren Euskal Agentziaren antolaketa eta funtzionamenduko Erregelamendua onartzen duen martxoaren 23ko 95/2010 Dekretuaren 11.1 artikuluan (2010-04-9ko EHAA, 65. zenbakia) ezarritakoarekin bat etorriz, eta proposamenak Garapenerako Lankidetzaren Euskal Agentziako Kontseilu Errektorearen oniritzia jaso ondoren, hala jasota baitago 2012ko urriaren 2ko bilkuraren aktan, honako hau

EBAZTEN DUT:

Lehenengoa.– 2012ko ekainaren 8ko Ebazpenaren bidez deitutako laguntzak ebazpen honen I. eranskinean agertzen diren entitateei esleitzea (laguntzen zenbatekoa eta ezaugarriak eranskinean jasota daude).

Bigarrena.– II. eranskinean jasotzen diren laguntza-eskariak ukatzea, bertan azaltzen diren arrazoiengatik.

Hirugarrena.– Ebazpen hau Euskal Herriko Agintzaren Aldizkarian argitaratzeko agintzea, jendeak horren berri izan dezan.

Laugarrena.– Ebazpen honek amaiera ematen dio administrazio-bideari, eta, beraren aurka, gora jotzeko errekurtsoa aurkeztu ahal izango zaio Garapenerako Lankidetzaren Euskal Agentziako lehendakariari, hilabeteko epean, ebazpena Euskal Herriko Agintaritzaren Aldizkarian argitaratu eta hurrengo egunetik aurrera. Gora jotzeko errekurtsoa jarri eta hiru hilabeteko epean ebazpenik ematen ez bada, errekurtsoa ezetsi egin dela ulertuko da, eta administrazioarekiko auzietako bidea zabalik geldituko da.

Vitoria-Gasteiz, 2012ko urriaren 5a.

Garapenerako Lankidetzaren Euskal Agentziako zuzendaria,

MARTA ARES GODOY.

(Ikus .PDF)

(Ikus .PDF)

Azterketa dokumentala