Euskal Herriko Agintaritzaren Aldizkaria

203. zk., 2012ko urriaren 18a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

EKONOMIA ETA OGASUN SAILA

4600

199/2012 DEKRETUA, urriaren 9koa, Fundación Centro Nacional de Investigación en Envejecimiento-CNIE fundazio publikoaren 2012ko aurrekontuak onartzen dituena.

Irailaren 25ean Jaurlaritzaren Kontseiluak hartutako Erabakiaren bidez, Fundación Centro Nacional de Investigación en Envejecimiento-CNIE fundazio publikoa eratzeko baimenaeman zen.

Maiatzaren 24ko 1/2011 Legegintzako Dekretuaren bigarren xedapen gehigarriak xedatzen duenez, aurrekontuei buruzko urteroko legea indarrean sartu eta gero sortutako erakunde publikoen aurrekontuak onartu ahal izango ditu Gobernuak (1/2011 Legegintzako Dekretua, maiatzaren 24koa, Euskadiko aurrekontu-araubidearen arloan indarrean diren lege-xedapenen testu bategina onartzen duena eta Euskal Autonomia Erkidegoko sektore publikoko fundazio eta partzuergoei aplikatu beharreko aurrekontu-araubidea arautzen duena).

Aipatu fundazio publikoa eratu ostean, fundazioari ekitaldi honetan behar bezala jarduteko behar dituen lege-baliabideak emateko, beharrezkoa da horren 2012ko ekitaldirako aurrekontua onartzea.

Ondorioz, Ekonomia eta Ogasuneko sailburuaren proposamenez, Jaurlaritzaren Kontseiluak 2012ko urriaren 9an egindako bilkuran aztertu eta onartu ondoren, hauxe

XEDATZEN DUT:

Artikulu bakarra.– Fundación Centro Nacional de Investigación en Envejecimiento-CNIE fundazio publikoaren 2012ko kapital-aurrekontua (2.617.332 euro) eta ustiapen-aurrekontua (441.159 euro) onartzea. Dekretu honen eranskinean jasotzen dira aurrekontu horien banakapena eta aurreikuspenen urteko-kontuak.

AZKEN XEDAPENA

Dekretu hau Euskal Herriko Agintaritzaren Aldizkarian argitaratu eta biharamunean jarriko da indarrean.

Vitoria-Gasteizen, 2012ko urriaren 9an.

Lehendakaria,

FRANCISCO JAVIER LÓPEZ ÁLVAREZ.

Ekonomia eta Ogasuneko sailburua,

CARLOS AGUIRRE ARANA.

(Ikus .PDF)

Azterketa dokumentala