RSS
195. zk., 2012ko urriaren 5a, ostirala
- Bestelako formatuak:
- PDF (169 KB - 2 orri.)
- EPUB (97 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
VITORIA-GASTEIZKO LEHEN AUZIALDIKO 2 ZENBAKIKO EPAITEGIA
4425
EDIKTUA, erantzukizun zibilaren gainean bideratutako 528/10 prozedura arruntaren ondoriozkoa.
JAKINARAZPEN-ZEDULA
Jose Manuel Cao Lamas-ek eta Alliance Seguros y Reaseguros, S.A.k eskaturik, Vitoria-Gasteizko Lehen Auzialdiko 8 zenbakiko Epaitegian bideratutako 528/10 prozedura arruntean epaia eman da, Antonio Jimenez Sanchez, Raul Sanchez Roger, Estrella S.A. Seguros, Multimodal Transportes Agrupados, S.L. eta AXA-ren aurkakoa, erantzukizun zibilari dagokionez, zeinaren idazpurua eta epaitza honako hauek baitira:
63/12 EPAIA
Judizioaren gaia: Zirkulazioari buruzko arrunta (40).
EPAITZA
. Gómez prokuradoreak ordezkaturiko eta Uribe letratuak lagunduriko «AXA Seguros, S.A.», aseguru-etxearen aurka, Sánchez prokuradoreak ordezkaturiko eta Gómez de Maintenant letratuak lagunduriko «La Estrella Seguros, S.A.» aseguru-etxearen aurka, eta auzi-ihesean diren Antonio Jiménez Sánchez, Raúl Sánchez Roger eta «Multimodal Transportes Agrupados, S.L. baltzuaren aurka, José Manuel Cao Lamas-en eta «Allianz, Compañía de Seguros Y Reaseguros, S.A.» aseguru-etxearen ordez, Murua letratuak lagunduta, Carranceja prokuradoreak aurkeztutako erreklamazioa, judizio arrunta eskatzekoa, ezetsi egiten dut.
Eta euren aurka formulaturiko eskaeretatik absolbitu egiten ditut demandatuak.
Guztiarekin ere, kostuak demandatuari ezartzen zaizkio beren beregi.
Jakinaraz bekie ebazpen hau alderdiei.
Aurkaratzeko modua: apelazio-errekurtsoa, Arabako Probintzia Auzitegian (PZLb, 455. artikulua). Errekurtsoa prestatzeko, idazkia aurkeztu behar da epaitegi honetan, ebazpena jakinarazi eta biharamunetik aurrera hogei egun balioduneko epean. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta apelatutako ebazpena eta aurkaratutako erabakia zein diren (PZLb, 458.2 artikulua).
Errekurtsoa aurkeztu ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori kontsignatu beharko da epaitegi honek Banesto taldean (Banco Español de Crédito) duen Gordailu eta Kontsignazioen kontuan. Kontuaren zenbakia hauxe da: 0010 0000 04 0528/10. Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLO, 15. xedapen gehigarria).
Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.
Eta epai honen bidez erabaki, agindu eta sinatzen dut.
Argitalpena: epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Eta nik, idazkari judizial naizenez, horren guztiaren fede ematen dut, Gasteizen, bi mila eta hamabiko martxoaren hamaseian.
Antonio Jimenez Sanchez demandatuei behar bezalako jakinarazpena egiteko balio dezan ematen eta sinatzen dut hau, Gasteizen, bi mila eta hamabiko irailaren seian.
IDAZKARIA.
