Euskal Herriko Agintaritzaren Aldizkaria

152. zk., 2012ko abuztuaren 6a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO LEHEN AUZIALDIKO 3 ZENBAKIKO EPAITEGIA

3611

EDIKTUA, 1330/11 prozedura arruntaren ondoriozkoa.

Bilboko Lehen Auzialdiko 3 zenbakiko Epaitegia.

1330/11 prozedura arrunteko judizioa.

Alderdi demandatzailea: Agricola Castelao, S.L.

Alderdi demandatua: Circo Deros, S.L.

Gaia: judizio arrunta.

Aipatutako judizioan, ebazpena eman da; hona hemen testua, hitzez hitz:

51/12 EPAIA

Epailea: Maria Pilar Suarez de Frutos.

Lekua: Bilbao (Bizkaia).

Eguna: bi mila eta hamabiko apirilaren hogeita hamarra.

Alderdi demandatzailea: Agricola Castelao, S.L.

Abokatua.

Prokuradorea: M. Jesus Arteaga Gonzalez.

Alderdi demandatua: Circo Deros, S.L.

Abokatua.

Prokuradorea.

Judizioaren gaia: judizio arrunta.

Nik, María del Pilar Suárez De Frutos-ek, Bilboko Lehen Auzialdko 3 zenbakiko Epaitegiko epaile magistratu naizen aldetik, ikusi ditut epaitegi honetan bideratutako 1330/11 judizio arruntaren autoak, kontratua betetzeko ekintzari eta zenbateko bat erreklamatzeari buruzkoak. Judizio horretan honako hauek izan dira parte: batetik, Agricola Castelao, S.L., demandatzailea, María Jesús Arteaga González prokuradoreak ordezkatuta eta Francisco Pereda abokatuak lagunduta –Victorino Fuente Martínez abokatuaren ordezkoa–, eta, bestetik, Circo Deros, S.L. sozietatea, auzi-ihesean deklaratua.

Aipatu legezko testuak eta oro har aplikatu daitezkeen gainontzekoak ikusita, honakoa da

EPAITZA

Osorik baiesten dut María Jesús Arteaga Gonzálezek, Agricola Castelao, S.L. sozietatearen izenean eta ordezkaritzan, jarritako demanda, Circo Deros, S.L. sozietatearen aurkakoa. Horrenbestez, Circo Deros, S.L. demandatua kondenatzen dut Agricola Castelao, S.L. sozietateari Same traktorea –Lase 110 modeloa, CU-46250-VE matrikula duena– auzi-jartzailearen izenean jartzeko behar den dokumentazioa entregatzera –enpresa demandatuaren aurreko titularraren edo haren jaraunsleen NANaren kopia, zirukulazio-baimena, sozietate demandatuari transferitzeko agiria aurreko titularrak eta demandatutako enpresak izenpetua, faktura eta enpresa demandatuak izenpetutako gainerako beharrezko dokumentuak–, eta Agricola Castelao, S.L. auzi-jartzaileari honako hauek ordaintzera: bost mila, berrehun eta hirurogeita sei euro eta hirurogeita lau zentimo (5.266,64), demandaren egunetik aurrera eta guztiz ordaindu arte sortutako legezko urteko interesak bi puntutan gehituta, eta prozedura honetan sortutako kostuak.

Aurkaratzeko modua: apelazio-errekurtsoa, Bizkaiko Probintzia Auzitegiari zuzendua (PZLb, 455. artikulua). Errekurtsoa prestatzeko, idazkia aurkeztu behar da epaitegi honetan, ebazpena jakinarazi eta biharamunetik aurrera hogei egun balioduneko epean. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta apelatutako ebazpena eta aurkaratutako erabakia zein diren (PZLb, 458.2 artikulua).

Errekurtsoa aurkeztu ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zaintzan utzi beharko da epaitegi honek Banesto taldean (Banco Español de Crédito) duen Gordailuan eta Zainpean uzteko Kontuan. Kontuaren zenbakia hauxe da: 4707 0000 00 1330 11. Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLO, 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. para­grafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Alderdi demandatua non bizi den ez dakigunez gero, Prozedura Zibilaren 1/2000 Legearen 156.4 eta 164. artikuluetan xedatutakoarekin bat etorriz, ediktu hau EHAAn argitaratzea ebatzi du epaileak, epaia jakinarazteko eginbidea gauzatu dadin.

Bilbao (Bizkaia), 2012ko maiatzaren 2a.

IDAZKARI JUDIZIALA.

Azterketa dokumentala