Euskal Herriko Agintaritzaren Aldizkaria

146. zk., 2012ko uztailaren 27a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

ENPLEGU ETA GIZARTE GAIETAKO SAILA

3477

EBAZPENA, 2012ko uztailaren 24koa, Lanbide-Euskal Enplegu Zerbitzuko zuzendari nagusiarena; honen bitartez, gazte langabeek hizkuntza-gaitasunak lortzera bideratutako laguntzen deialdia –2012ko uztailaren 6ko bileran Lanbideren Administrazio Kontseiluak hartutako Erabaki bidez onartua– argitaratu da.

Lanbide-Euskal Enplegu Zerbitzuaren Administrazio Kontseiluak, 2012ko uztailaren 6ko bileran hartutako Erabaki bidez, onartu du gazte langabeek hizkuntza-gaitasunak lortzera bideratutako laguntzen deialdia, eta maiatzaren 22ko 82/2012 Dekretuak onartutako Lanbideren Estatutuen 10.2 artikuluaren p) atalean ezarritakoaren arabera, erakunde autonomo honetako zuzendari nagusiari dagokio deialdia argitaratzea.

Adierazitako guztiagatik,

EBAZTEN DUT:

Lehenengoa.– Lanbide-Euskal Enplegu Zerbitzuaren Administrazio Kontseiluak 2012ko uztailaren 6ko bileran hartutako Erabaki bidez onartutako eta Ebazpen honetan eranskin gisa jasotako deialdia –gazte langabeek hizkuntza-gaitasunak lortzera bideratutako laguntzei buruzkoa– argitaratzea.

Bigarrena.– Jakinaraztea Lanbide-Euskal Enplegu Zerbitzuaren Administrazio Kontseiluak hartutako Erabakiak ondorioak izango dituela Ebazpen hau Euskal Herriko Agintaritza Ofizialean argitaratzen den egunaren biharamunetik aurrera.

Hirugarrena.– Jakinarazi behar dugu Lanbide-Euskal Enplegu Zerbitzuaren Administrazio Kontseiluak hartutako Erabakiaren aurka (horren bitartez deialdia onartu da) berraztertzeko errekurtsoa jarri ahal izango dela organo horretan bertan ebazpen hau Euskal Herriko Aldizkari Ofizialean argitaratzen den egunetik zenbatzen hasita hilabeteko epean, edo zuzenean, administrazioarekiko auzi-errekurtsoa ere jar daiteke Gasteizko Administrazioarekiko Auzietako Epaitegian ebazpena argitaratu eta hurrengo egunetik zenbatzen hasita bi hilabeteko epean.

Vitoria-Gasteiz, 2012ko uztailaren 24a.

Lanbide-Euskal Enplegu Zerbitzuko zuzendari nagusia,

JAVIER RAMOS SALAZAR.

(Ikus .PDF)

(Ikus .PDF)

(Ikus .PDF)

(Ikus .PDF)

(Ikus .PDF)

Azterketa dokumentala