Euskal Herriko Agintaritzaren Aldizkaria

90. zk., 2012ko maiatzaren 9a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

INDUSTRIA, BERRIKUNTZA, MERKATARITZA ETA TURISMO SAILA

2059

EBAZPENA, 2012ko martxoaren 14koa, Industria Administrazio eta Segurtasuneko zuzendariarena, Ingenieria de Gestion Industrial, S.L. izendatzen duena erregai gisa erabiliak izatera bideratzen ez diren substantziekin ibilgailu automobilak hornitzera bideratutako hornigailuen eta banagailuen eta manometro elektronikoen egiaztapen metrologikorako baimendutako erakunde gisa, eta biskositate txikiko likidoetarako zisterna-kamioietako neurketa-sistemen izendapena berritzen duena.

Erref.: 01-OV-1005

AURREKARIAK

Lehenengoa.– 2011ko apirilaren 12an, Industria Administrazio eta Segurtasuneko zuzendariaren ebazpen bidez, Ingenieria de Gestión Industrial, S.L. enpresa (helbidea: Arabako Parke Teknologikoa, Eraikin Zentrala, Lumiere Anaien kalea, 1. solairua, 5. bulegoa, Miñao) EAEn instalaturiko gehienez 200.000 kg-rainoko irismena duten baskulen aldizkako egiaztapenak eta konponketaren edo aldaketaren ondorengo egiaztapenak egiteko izendatua izan zen.

2011ko martxoaren 3an, biskositate txikiko likidoetarako zisterna-kamioietako neurketa-sistemen Egiaztapen Metrologikorako Baimendutako Erakunde gisa (EMBE) izendatu zuten.

2010eko urriaren 26an, ibilgailu automobilen pneumatikoentzako erabilera publikoko manometroen, konpresio bidez martxan jartzen diren motorrak (diesel) dituzten ibilgailuen ihes-gasen opakutasuna neurtzeko eta argiarekiko xurgapen-koefizientea zehazteko tresnen, txinparta bidez martxan jartzen diren motorrak (gasolina) dituzten ibilgailuen ihes-gasen igorpenak neurtzera bideratutako tresnen, eta uraz bestelako likidoen neurketa-sistemen (hornigailuak edo banagailuak) EMBE gisa izendatu zuten.

2002ko urtarrilaren 26an, tenperatura kontrolatuko produktuak garraiatzeko, biltegiratzeko, banatzeko eta kontrolatzeko tenperatura-erregistragailu eta termometroen EMBE gisa izendatu zuten.

Bigarrena.– 2012ko otsailaren 10ean eta 16an, Alberto Cabello de los Cobos Garcia jaunak, Ingenieria de Gestión Industrial, S.L. enpresaren izenean eta hura ordezkatuz, eskabide bat aurkeztu zuen Arabako Lurralde Ordezkaritzan egiaztapen-entseguak egiteko erregai gisa erabiliak izatera bideratzen ez diren substantziekin ibilgailu automobilak hornitzera bideratutako hornigailuen edo banagailuen eta manometro elektronikoen konponketen edo aldaketen ondoren eta aldizkako egiaztapenaren ondoren, eta biskositate txikiko likidoen zisterna-kamioietarako neurketa-sistemak berritzeko.

Hirugarrena.– Erakunde eskatzaileak, egiaztapen metrologikorako baimendutako erakunde izendatzeko, egiaztapen metrologikorako baimendutako erakundeak izendatzeko azaroaren 26ko 1/2007 Zuzentaraua argitaratzen duen Industriako Idazkaritza Nagusiaren 2007ko azaroaren 29ko Ebazpenean ezarritako baldintzak bete beharko ditu. Horretarako, ENACek emandako OC-I/167 Egiaztapen Ziurtagiria aurkeztu da, 2012-01-20ko eranskin Teknikoarekin batera (6. berrikuspena), honako tresna hauek biltzen dituena:

Erabilera publikoko 0tik 17 bar-era bitarteko manometro elektronikoak.

Raz bestelako likidoak neurtzeko sistemak, hornigailu edo banagailu deituak, erregai gisa erabiliak izatera bideratzen ez diren substantziekin automobilak hornitzera bideratuak.

Zisterna-kamioien neurketa-sistemak, 20tik 1.300 l/minutura.

Hori horrela, eskatutako izendapena behin betiko egitea dagokio.

Espediente honi ebazpena ematerakoan, beharrezkoa izango da honako hauek kontuan hartzea:

OINARRI JURIDIKOAK

1.– EAEn kontrol metrologikoa gauzatzeko bitartekoak ezartzen dituen 38/2001 Dekretuaren 11. artikuluak zehazten duenez, industria-arloko erakunde eskudunak egiaztapen metrologikoak egiteko erakundeak gaitu ahal izango ditu konponketaren edo aldaketaren ondorengo egiaztapenak eta aldizkako egiaztapenak egiteko.

2.– Industria, Berrikuntza, Merkataritza eta Turismo Sailaren egitura organikoa eta funtzionala ezartzen duen irailaren 22ko 514/2009 Dekretuaren (09-09-24ko EHAA) 14. artikuluan ezarritakoaren arabera, Industria Administrazio eta Segurtasuneko Zuzendaritza da Ebazpen hau emateko organo eskuduna.

3.– Neurgailuen kontrol metrologikoa arautzen duen oinarrizko legeria honako hauek osatzen dute: metrologiari buruzko 3/1985 Legeak (ekainaren 28ko 1296/1986 Legegintzako Errege Dekretuak aldatu zuenak), abenduaren 30eko 13/1996 Legeak, abenduaren 30eko 66/1997 Legeak, neurketa-tresnen gaineko Estatuaren kontrol metrologikoa arautzen duen uztailaren 21eko 889/2006 Errege Dekretuak, eta aipatutako 2007ko azaroaren 29ko Ebazpenak.

4.– 1995eko apirilaren 25eko Ministro Agindua, pneumatikoetarako erabilera publikoko manometroei aldizkako egiaztapenak eta konponketaren eta aldaketaren ondorengo egiaztapenak egiteko faseetako kontrol metrologikoa arautzen duena.

5.– ITC/3700/2006 agindua, azaroaren 22koa, motordun ibilgailuen pneumatikoen presioa neurtzeko predeterminazio-gailuak dituzten edo ez dituzten osagai elektronikoez erabat edo partzialki hornitutako manometroen gaineko Estatuaren kontrol metrologikoa arautzen duena.

6.– Industria, Merkataritza eta Turismo sailburuaren 2004ko apirilaren 26ko Agindua, erregaiak eta erregai likidoak hornitzeko uraz bestelako likidoen neurketa-sistemak, eta ibilgailu automobilen pneumatikoetarako erabilera publikoko manometroak egiaztatzeko erakundeak arautzen dituena.

7.– ITC/3750/2006 Agindua, azaroaren 22koa, biskositate txikiko likidoetarako zisterna-kamioietako neurketa-sistemen gaineko Estatuaren kontrol metrologikoa arautzen duena.

8.– Agindua, 2008ko otsailaren 29koa, Industria, Merkataritza eta Turismo sailburuarena, biskositate txikiko likidoetarako (<= 20 mPa.S) zisterna-kamioietako neurketa-sistemen titularren, konpontzaileen eta egiaztatze-erakundeen betebeharrak arautzen dituena.

9.– Ebazpena, 09-07-15ekoa, Industriako Idazkaritza Nagusiarena, azaroaren 22ko ITC/3750/2006 Aginduaren III. eranskina aldatzen duena.

10.– ITC/360/2010 agindua, otsailaren 12koa, ibilgailu automobilak erregai gisa erabiltzen ez diren substantziez hornitzeko uraz bestelako likidoak neurtzeko sistemen (hornigailuak edo banagailuak) gaineko Estatuaren kontrol metrologikoa arautzen duena.

Aurreko legezko arauak eta ezarri beharreko gainerako xedapen orokorrak aztertu ondoren, honako hau

EBATZI DUT:

1.– Ingenieria de Gestión Industrial, S.L. enpresa (helbidea: Arabako Parke Teknologikoa, Eraikin Nagusia, Lumiere Anaien kalea, 1. solairua, 5. bulegoa, Miñao) izendatzea honako tresna hauen egiaztapen metrologikorako baimendutako erakunde gisa:

Uraz bestelako likidoak neurtzeko sistemak, erregai gisa erabiliak izatera bideratzen ez diren substantziekin automobilak hornitzera bideratuak; gutxieneko kantitatea: 1 l.

Erabilera publikoko 0tik 17 bar-era bitarteko manometro elektronikoak.

Era berean, 20tik 1.300 l/minutura bitarteko zisterna-kamioien neurketa-sistemen izendapena berritu da.

Izendapen horren irismena ENACek emandako egiaztapenean eta OC-I/167 eranskin Teknikoan (6. berrikuspena) bildutako tresnetan oinarritzen da.

2.– Emandako baimenari honako baldintza hauek jartzea:

– Jardun-eremuak Euskal Autonomia Erkidegoko tresnak biltzen ditu.

– Tresnak entseguak gainditzen dituenean, erakundeak betetako egiaztapenaren etiketa jarriko dio. Era berean, kontrol metrologikoko ziurtagiri bat emango da, Industria, Berrikuntza, Merkataritza eta Turismo Sailak ezartzen duenari jarraiki.

Tresnak entseguak gainditzen ez baditu, zerbitzuz kanpo dauden tresnei dagokien etiketa gorria jarriko dio erakundeak. Hori guztia uztailaren 21eko 889/2006 Errege Dekretuaren I. eranskinari jarraiki, eta egiaztapena gainditu ez duen tresnari dagokion Lurralde Ordezkaritzari lehenbailehen jakinarazita.

– Dagokion egiaztapena egin ondoren, Ingenieria de Gestión Industrial, S.L. enpresak tresna zigilatuko du zigiluen bitartez edo, ahal bada eta bortxaezintasuna bermatzen bada, etiketa itsaskor autosuntsigarrien bitartez. Berunezko zigiluak edo antzekoak ez dira inoiz erabiliko; zigiluak, nolanahi ere, jardueraren girorako egokiak eta iraunkorrak izango dira. Espainiako Metrologia Zentroaren (CEM) eta Industria Administrazio eta Segurtasuneko Zuzendaritza honen gidei eta gomendioei jarraitu beharko zaie.

Kasu guztietan, zigiluek honako inskripzio hauek izango dituzte:

a) Zigilu normala:

(Ikus .PDF)

b) Zigilu enbutitua:

(Ikus .PDF)

c) Plastikozko zigilua:

(Ikus .PDF)

«XX» egiaztapena egin den urtearen azken bi digituei dagokie.

3.– Ingenieria de Gestión Industrial, S.L. enpresak baimendutako entseguetarako ezartzen diren tarifen berri emango dio Zuzendaritza honi urtero.

4.– EAEn baimenduta dauden erakundeen erregistroari dagokionez, Ingenieria de Gestión Industrial, S.L. enpresari 01-OV-1005 zenbakia esleitu zaio.

5.– Ingenieria de Gestión Industrial, S.L. enpresak honako hauetan xedatutakoari jarraituko dio uneoro: neurketa-tresnen gaineko Estatuaren kontrol metrologikoa arautzen duen uztailaren 21eko 889/2006 Errege Dekretua, Izendapen honen oinarri juridikoetan adierazitako aginduak, 2007ko azaroaren 29ko Ebazpena, eta Eusko Jaurlaritzaren Industria, Berrikuntza, Merkataritza eta Turismo Sailaren Industria Administrazio eta Segurtasuneko Zuzendaritzak ezartzen duen beste edozein xedapen.

6.– Izendapen eta berritze hori 2014ko martxoaren 31n iraungiko da, eta interesdunak beste izendapen bat eskatu ahal izango du data hori heldu aurretik, betiere 2007-11-29ko Ebazpenean egiaztapen metrologikorako baimendutako erakundeak izendatzeko ezarritako baldintza guztiak betetzen baditu.

7.– Izendatutako erakundearen jardunen ikuskapena, esku-hartzea eta kontrola egiteko eskumena Industria Administrazio eta Segurtasuneko Zuzendaritzari dagokio, baita Industria, Berrikuntza, Merkataritza eta Turismo Sailaren Arabako Lurralde Ordezkaritzari ere. Horretaz gain, baimena lortzeko arrazoi izan ziren baldintzen mantentzea egiaztatzeko ikuskapenak egin ahal izango dituzte.

8.– Aurkeztutako dokumentuetan egiaztatutako inguruabarretan ebazpen honen ondoren gertatutako edozein aldaketa Industria Administrazio eta Segurtasuneko Zuzendaritzari jakinarazi beharko zaio, eta hark baimena berretsi edo, hala badagokio, baliogabetu ahal izango du.

9.– Nolanahi ere, kontrol metrologikopeko neurketa-tresnak fabrikatzeko, merkaturatzeko eta konpontzeko jarduerekiko (zerbitzu-prestazioa eta estatuko eta autonomia-erkidegoko araudietan ezarritakoak barne) bateraezintasuna eta independentzia izango da.

10.– Indarrean dagoen legerian aurreikusitakoez gain, honako arrazoi hauek dakarte dagokion baimena baliogabetzea: baimenean ezarritako aginduak ez betetzea, egiaztagiria etetea edo kentzea, eta baimena eman zeneko inguruabarrak asko aldatzea.

11.– Erregelamenduzko eta administrazioko irregulartasunek eragin dezakete honako izendapen hau ez berritzea, baita egiaztapen metrologikoak egiteko baimendutako erakundeari ezarritako zehapenek ere.

12.– Urtero, lehen hiruhilekoan zehar, egiaztapen metrologikoak egiteko baimendutako erakundeak Industria Administrazio eta Segurtasuneko Zuzendaritzari eta Bizkaiko Lurralde Ordezkaritzari memoria bat bidaliko die egindako jardueren eta gertatutako gorabeheren berri emanez. Era berean, sei hilean behin, lurralde bakoitzean egindako egiaztapenak jakinaraziko zaizkio dagokion Ordezkaritzari.

Gainera, 48 orduko aurretiaz, egin beharreko egiaztapenen berri emango zaio, mezu elektroniko edo fax bidez, jardun-eremuaren arabera dagokion Lurralde Ordezkaritzari.

Ebazpen honek ez du administrazio-bidea agortzen, eta haren aurka Gora jotzeko Errekurtsoa jar daiteke Industria eta Energia Sailburuordetzan, hilabeteko epearen barruan, Ebazpen hau jakinarazi eta hurrengo egunetik aurrera zenbatzen hasita, hori guztia Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legea aldatzen duen 4/1999 Legean ezarritakoari jarraiki.

Vitoria-Gasteiz, 2012ko martxoaren 14a.

Industria Administrazio eta Segurtasuneko zuzendaria,

YOLANDA LÓPEZ FERNÁNDEZ.

Azterketa dokumentala