Euskal Herriko Agintaritzaren Aldizkaria

55. zk., 2012ko martxoaren 16a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BARAKALDOKO LEHEN AUZIALDIKO 5 ZENBAKIKO EPAITEGIA

1300

EDIKTUA, ezkontzaz kanpoko seme-alabentzako neurriei buruz bideratutako 572/10 prozeduraren ondoriozkoa.

JAKINARAZTEKO ZEDULA

Epaia eman da Barakaldoko (Bizkaia) Lehen Auzialdiko 5 zenbakiko Epaitegian bideratutako 572/10 prozeduran (seme-alabentzako ezkontzaz kanpoko neurriak). J.S.T-k eskatu du prozedura, Manuel Sanchez Muñozen aurka, neurri pertsonalak eta mantenu-neurriei buruz. Hona hemen idazpurua eta epaitza, kopiatuta:

725/11 EPAIA

Judizioko gaia: neurri pertsonalak eta mantenu-neurriak arautzea.

EPAITZA

J.S.T. andrearen ordezkaritzak Manuel Sánchez Muñozen aurka aurkeztutako demanda partez baiesten dut, eta elkarrekin duten semeari dagokienez honako erabakiak hartzen ditut:

– Amari izendatu zaio XXX XXX XXX semearen zaintza eta babespea; guraso-ahala, berriz, aitak eta amak edukiko dute. Zuzenbidezko bigarren oinarriak ezarritako bisita-erregimena izango du aitak.

– Elkarren artean duten semearentzako mantenu-pentsio bat ezartzea aitari, hilean 110 eurokoa. Zenbateko hori aurreratuta ordaindu beharko du, hil bakoitzaren lehenengo bost egunen barruan, amak izendatzen duen kontuan. Zenbatekoa urtero egunera daiteke, Estatistikako Institutu Nazionalak edo hori ordezkatzen duen erakundeak argitaratutako Kontsumoko Prezioen Indizearen arabera. Guraso biek, erdibana, ordainduko dituzte adingabeak sortzen dituen aparteko gastuak.

Ez da kosturik ezarri.

Igor bedi dagokion ofizioa Portugaleteko famila-elkargunera.

Jakinarazi bekie epai hau alderdiei, aditzera emanez ez dela irmoa.

Aurkaratzeko modua: apelazio-errekurtsoa, Bizkaiko Probintzia Auzitegiari zuzendua (PZLb, 455. artikulua). Errekurtsoa prestatzeko, idazkia aurkeztu behar da epaitegi honetan, ebazpena jakinarazi eta biharamunetik aurrera hogei egun balioduneko epean. Idazki horretan, bestalde, honako hauek adieraziko dira: apelatutako ebazpena, errekurritzeko nahia eta zein erabaki aurkaratzen den (PZLb, 458.2 artikulua).

Errekurtsoa aurkeztu ahal izateko, 50 euroko gordailua jarri beharko da, eta baldintza hori bete ezean ez da hura izapidetzea onartuko. Gordailua egiteko, zenbateko hori epaitegi honek Banesto taldean (Banco Español de Crédito) duen Gordailuan eta Zainpean uzteko kontuan utzi beharko da zainpean (kontuaren zenbakia: ...........). Dirua sartu izanaren agirian, kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Argitalpena.– Epaiari dagokion egunean, jendaurreko entzunaldia egiten ari zelarik, epaia eman zuen Epaile berberak eman, irakurri eta argitaratu zuen. Eta nik, idazkari judiziala naizenez, horren guztiaren fede ematen dut, Barakaldon (Bizkaia), bi mila eta hamaikako azaroaren hogeita zortzian.

Eta Manuel Sanchez Muñoz demandatuari behar bezalako jakinarazpena egiteko balio dezan eman eta sinatzen dut hau, Barakaldon (Bizkaia), bi mila eta hamabiko urtarrilaren bederatzian.

IDAZKARIA.

Azterketa dokumentala